Mąątɛ̨nɛ̨ 60:12 - Yálá laawoo hɛɓɛ (dc)

¹² Ə kulɔ ə́ pulu, Yálá, yɛ́i ŋɛ̨i yáá ku pilii, yɛ́i hvo kɛa bɔ, hvo li a ku wɔ kɔlaɠaɠaai kɔ́ ɓa.

Yálá laawoo hɛɓɛ

¹² Ə kulɔ ə́ pulu, Yálá, yɛ́i ŋɛ̨i yáá ku pilii, yɛ́i hvo kɛa bɔ, hvo li a ku wɔ kɔlaɠaɠaai kɔ́ ɓa.

Bible

¹² Ɣâla a kɛ̀ kúkɔlɛ ma, kúyee a tɛ̂ɛ kúkpɔara-ƃelai dîa.

Mąątɛ̨nɛ̨ 60:12 ပူးပေါင်းရင်းမြစ်များ

Samia Veerɛi 10:12

'Tɔɔ a ə́ nwąnąi, gu gɛ a kpakololaa gu wɔ lɔi mąą mɛ̨nį ɓa, da gu wɔ Yálái nwɔ taaɠaai mąą mɛ̨nį ɓa. Yai-Laa ə gɛ kani, yɛ bələi niiɓa kaa la!»

Kɔlɔnikɔ Maa-ŋuŋ 19:13

'Tɔɔ a ə́ nwąnąi, gu gɛ a kpakololaa gu wɔ lɔi mąą mɛ̨nį ɓa, da gu wɔ Yálái nwɔ taaɠaai mąą mɛ̨nį ɓa. Yai-Laa ə gɛ kani, yɛ bələi niiɓa kaa la!»

Mąątɛ̨nɛ̨ 118:16

Yai-Laa aa mamįiyee tɛ, Yai-Laa ɓa-mįi-yee kaa kuláálaa kɛi!»

Mąątɛ̨nɛ̨ 144:1

Davidə nwɔ wələ woo. Mąąwiɛ ə kɛ Yai-Laa ɓa, yai a mą́ą́kɔ̨nwɔ̨ kwɛni, ya ɓə a ɲéé ɲąątɔɔ kɔ́ ɓa, yɛ ɲéékpiɛɠaa tənən dɔɔ, kɔ hu.

Mąątɛ̨nɛ̨ 44:10

Ya ka yáá ku pili, yáá ku ɲɛ̨i paa. Hvó lɛɛi kɛa ku wɔ kɔlaɠaɠaai pɔ, káá li kɔ́ mɛ̨i.

Mąątɛ̨nɛ̨ 44:5

Ee kə Yálá! Yɛ́i a nwɔ́ Heeɓomun, Yɛ́ ɓə kɛi gɛ, kɔ́ɠaa diɛ nɛ̨ɛ̨ Ɉakɔbə ɓa.

Azaya 10:6

Gáá ɲąątɔɔi lɔi ɲɔ̨nwɔ̨ɔ̨ ɓa, gáá dɔɔi nu huwui niiholii bɔ́, yɛ di wɔ hɛn gɔwɠaai həɠə, yɛ too di mɛ̨i, yɛ di kiin giin, gɔwɔ mu yɛ da kɛli pɔlɔ tan.

Azaya 63:3

Ɲą́ą́ dɔ̨nɔ̨ ɓə doo gɔwɔ hu, nu kanŋaa lɔwai, nu ta lɔpee hvo kɛ bɔ́. Níí holi pələ, ŋį́ di hiɠɛ, gɛ́ ɓɔlɔn di mɛ̨i, níí holi pələ ɓa, di ɲąmą ə taɠa mą́ą́ həɠəɠaa ɓa, ŋį́ mą́ą́ həɠə kəlee kpɔlu.

Zakari 10:5

Di kəlee, di kaa pai lii gɔ́ ɓa, yɛ kɔ́kuláá kpəɠiɛɛɠaa, di kaa pai gɔ́ kɔ́i, diɛ bələ pɔ palaya tan. Di kaa pai walai gɔ́ hu, mąąhɔlɔɓo, Yai-Laa kaa pai kɛi di pɔ, ɛlɛɛ, hoo gilɛhəɠənuą ɲɛ̨i kaa pai paai a nwumɛ̨, di wɔ hooɠaai mɛ̨i.

Zasua 1:9

Kɛlaa ŋą́ą́ mą́ą́ pamą la yɛ́-ee! Ə́ liikpələ, ə́ ə́ huwalawala, 'ə́ mąą hvo kpɛlin, 'hvó ɲɔw; mąąhɔlɔɓo Yai-Laa ə́ wɔ Yálá kaa pai kɛi ə́ pɔ ɓɛi lɔpee yá li laa.»

Zasua 14:12

Ɲee ŋɛ̨i tɛɛ kɛa bɔ́, ya ɓə Yai-Laa ə vaa ɓo a volói tii. Kɛlɛi ə́ bələ mɛ̨n a yələ ta diɛ kɛ Anakə nu huwu kaa laa da taa kpɛa-kpɛa, di mąą tínɛ̨n ŋąą a hįi. Kɛlaa, Yai-Laa a tɔɔ búlu, gáá pai di kpɛi laa, gɛ́ hee laa, yɛ bələi Yai-Laa ə mo la.»

M̀ɛni-lɛɛi 19:15

Liikpakpa ɲąąliɛɛ yɛ kulɔ na, hįi lɔiɠaa kɛlɛ mɛ̨nį ɓa. Yɛ di tənən dɔɔ a kwɛli hvaɠa, gaa pai Huwalawala Kəlee Nąmu ŋą lííholi lɔɔi nɛn ɉii gɔwɔ hu, tan ɉii a gɔwɔ.