Mąątɛ̨nɛ̨ 6:10 - Yálá laawoo hɛɓɛ (dc)

¹⁰ Yai-Laa aa nwɔ́ nɛ̨ɛ̨mąąhvə woo mɛ̨n, Yai-Laa aa ɲee hee nwɔ́ hvɛli wooi mu.

Yálá laawoo hɛɓɛ

¹⁰ Yai-Laa aa nwɔ́ nɛ̨ɛ̨mąąhvə woo mɛ̨n, Yai-Laa aa ɲee hee nwɔ́ hvɛli wooi mu.

Bible

¹⁰ Ŋ́gbɔara-ƃelai kélee da pâi ŋumɛ̂i dí maa kɛ́ kpɛ̃liŋ. Da pâi ŋumɛ̂i a ŋánaa dí pú.

Mąątɛ̨nɛ̨ 6:10 ပူးပေါင်းရင်းမြစ်များ

Tɔɔɓɛlaa veelɛ 20:5

yɛ mą: «Pənə ə́ li yɛ́ nwɔ́ lɔi Israɛlə nwun nąmu Ezekiasə ɓa: mɛ̨nįi Yai-Laa ə mo ya ka, yaai gaa a ə́ nąn Davidə nwɔ Yálá: ‹Ŋáá ə́ wɔ hvɛli ɓo woo mɛ̨n, ŋą́ą́ ə́ ɲɛ̨iya kaa, yili ɓa, gáá ə́ kulɔi ɲɔ̨n ŋɛ̨i hu. Hvóló haaɓa tɛɛ pulu, ə́ kaa pai lii Yai-Laa yəi bɛlɛ́n.

Zôo 6:29

Ka pənə ka haŋą, nu ta hvo kɛa hulu kɛ. Gáá kpɔ moi kaa, ka haŋą. Nwɔ́ tələnmolaa hu yɛ ə kala.

Mąątɛ̨nɛ̨ 112:10

Wea mun a nąą kaa, yili yɛ lɔ mą kɛnɛ̨, yɛ naa hvaną, yɛ kpala; nuąi di hvo Yálá pɔ, di líiɓaɠaa da lɛɛ a kpɛli.

Mąątɛ̨nɛ̨ 132:18

Ŋą́ nwumɛ̨ həɠə too ɲowoɠaa kwąną, Kɛlaa nwɛi, nwɔ tɔɔɓɔlɔi ɲɛ̨i a tɔɔ.

Mąątɛ̨nɛ̨ 2:5

Yili pulu, gaa pələ ɓoi diɛ a níi holiɛ, níi holi pələ kɛnɛ̨, gaa di hu pui diɛ, yɛ kɛ diɛ:

Mąątɛ̨nɛ̨ 25:3

Nui a gilitɔɔ yɛ́, nwumɛ̨ hva tɛ la, nu ɓowo nuą, yəi aa kpɛɛ, daa nwumɛ̨ kpɔ kɔlɔ-kɔlɔ.

Mąątɛ̨nɛ̨ 35:26

Nuąi kpɔ nwɔ́ mɔ̨nɔ̨ kaa a di kwəinɛ̨ɛ̨ mɛ̨nį, 'nwumɛ̨ ə gəlee ɲɛ̨i paa a gee! Nuąi kpɔ tii kɛi di nwun dɛ, nwumɛ̨ da ɓáá-kulɔmąą, ə kɛ a di mąą həɠə!

Mąątɛ̨nɛ̨ 5:10

A tɛ̨ą, nu hva pɛli gilitɔɔi, di hvaa woo tai lɔpee ɓa, di hu pələ kalaai kpɔ hɔwɔ-hɔwɔ; di kwaną wolo kaa a kámą laa tɛɠaa, di hvaa woo kaa yɛ niminin.

Mąątɛ̨nɛ̨ 55:20

Gɛ́ Yálá ə di wooo mɛ̨n, ə nwumɛ̨ tɛ a diɛ; yai tii Heeɓolaa kaa ɲəi ə həɠə yɛnɛ̨ɛ̨ kɔ́wɔ tɔɔi lɔwai ɓa; nuąi tii kɛ pələ mąą hvo pai hvalin ɉii, di hva ɲɔw Yálá ɓa.

Mąątɛ̨nɛ̨ 7:6

Ɲówo ə hvilɛn búlu, ə ɉón, ə nwɔ́ yɛnɛ̨ɛ̨ kiin nɔi ɓa, ə gbóyɛli kəlee pu pɔlɔ hu!

Mąątɛ̨nɛ̨ 71:13

Nuąi kɔ́ pɛlɛi nwɔ́ yɛnɛ̨ɛ̨ ɓa, di nwun na ə pili a nwumɛ̨; nuąi di kaa bɔ mą́ą́ ə wɛli, ɓáá ə kulɔ diɛ, ɲɛ̨ipaa ə lɛɛ a di wɔɔ.

Mąątɛ̨nɛ̨ 71:24

Ə́ mąątɛnɛ̨ woo hva tee ná a yələ lɔpee ta, mąąhɔlɔɓoi, nuąi kɛ bɔ ɲąąnwąnąą ə laa mą́ą́, di wɛi a lɛɛ a nwumɛ̨ da ɓáá kulɔ mąą.

Mąątɛ̨nɛ̨ 73:19

Gaa kpɔlɔ a nu tɛɠii kɛɛ kalaa lɔ poto-poto, daa lɔ gbąi, di hu aa kala a ɲɔw.

Mąątɛ̨nɛ̨ 86:17

'Ə́ ɲɛ̨i lɛlɛɛ hee mą́ą́, ə ɲɛ̨́i pono, ə ɲówóɠaa ɲɛ̨i paa a nwumɛ̨, a gaai da mo diɛ kɛ, Yɛ́i a Yai-Laa, Yɛ́ ɓə kpɔnmąą tɛɛi bɔ́, Yɛ́ níilɔ.

Hanwon 29:1

Nui a gbowo too ɉutɔɔ woo ɓa, a tee lɔ kpə, ɉali hva kɛ.

Azaya 26:11

Yai-Laa, Yáá ə́ yee muhəɠə di hvo gaai, Kɛlaa, ə́ wɔ lɔi mąą liihɛlɛn tii Yɛ́, di kaa pai gaai, di ɲɛ̨i yɛ paa; nwɔ̨n tii ɉeɛ Ə́ yowoɠaa tɔwɔ, diɛ kələn ɉu.

Ɉeremi 20:11

Kɛlaa, kwa Yai-Laa ɓə ku tɔɔ, ya ɓə gaa a kɔ́kuláá kpəɠiɛɛ. Nuąi di hvilɛn ŋąą búlú, di kaa pai kalin ɉii, mɛ̨nįi di kaa gwɛ́lii la, di yee hvo pai pɛlii mą. Nwumɛ̨ kaa pai di ɲɛ̨i paai. Di yee hvo pai lɔi. Di ɓɛlɛ kaa pai tooi a yələ kəlee, di hvo pai lɛ̨ąi yili ɓa.

Malasi 3:18

Nąąlɔwai tii hu, ka gaa, bələi ɓɛla ɓo kaa la nu haŋąą da nwąnąlɔ mun di lɔwai a nįnɛ̨. Ɓɛla ɓoi gaa, nuąi da tí Yálá ɓa, da nuąi di hva tí mą di lɔwai.

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.