Mąątɛ̨nɛ̨ 56:8 - Yálá laawoo hɛɓɛ (dc)

⁸ Mɛ̨nį ɲɔ̨n tii mąą mɛ̨nį ɓa, da mɔ̨ɔ̨ pɛli kulɔi ɉu? Yálá ə́ wɔ liiholi ə nuąi tii hukala tai.

Yálá laawoo hɛɓɛ

⁸ Mɛ̨nį ɲɔ̨n tii mąą mɛ̨nį ɓa, da mɔ̨ɔ̨ pɛli kulɔi ɉu? Yálá ə́ wɔ liiholi ə nuąi tii hukala tai.

Bible

⁸ Í berei kɔ́lɔŋ ŋámɛni kpɔ̂lui káa lai. Í gɔ́lɔŋ berei ŋɛ́i ya a pûi lai. Ífe nîi m̀aa mɛ̂ni pɔ̃yɛ ní íkɔlɔi su?

Mąątɛ̨nɛ̨ 56:8 ပူးပေါင်းရင်းမြစ်များ

Tɔɔɓɛlaa veelɛ 20:5

yɛ mą: «Pənə ə́ li yɛ́ nwɔ́ lɔi Israɛlə nwun nąmu Ezekiasə ɓa: mɛ̨nįi Yai-Laa ə mo ya ka, yaai gaa a ə́ nąn Davidə nwɔ Yálá: ‹Ŋáá ə́ wɔ hvɛli ɓo woo mɛ̨n, ŋą́ą́ ə́ ɲɛ̨iya kaa, yili ɓa, gáá ə́ kulɔi ɲɔ̨n ŋɛ̨i hu. Hvóló haaɓa tɛɛ pulu, ə́ kaa pai lii Yai-Laa yəi bɛlɛ́n.

Zôo 16:20

Mə́laa kaa yɛlɛ kulɔi ɉu, Kɛlaa, Yálá ɓə gáá wɔlɔi mą.

Mąątɛ̨nɛ̨ 121:8

Yai-Laa a ɲɛ̨i kɛ ə́ tɛɛ pələɠaa kəlee hu, ə́ lii, da ə́ pai, ə həɠə yiihu ɓa, ə lɛɛ ɉu, ɲɛ̨n deei hva kɛ mą.

Mąątɛ̨nɛ̨ 139:16

Və́ nii kɛ kɛ li a nu leelee, ə́ ɲɛ̨i ə kɛi mą́ą́. Nwɔ́ hvólóɠaa kəlee, mąą mɛ̨nį pɛ̨ɛ̨i kɛ ə́ wɔ hɛɓɛ́i hu, ɓɛlɔwai dɔ̨nɔ̨ kpɛli hvo ni kɛ kɛli la laa.

Mąątɛ̨nɛ̨ 39:12

Yá nu hutɔɔ a gɛ nɛ̨ŋɛ̨n naa pɔɔ, hɛn nwɛli kaa mą, yá nɛɛ a vowolo! A tɛ̨ą, nu kan nwɔ yɛnɛ̨ɛ̨ kaa ə́ ɲɛ̨i ɓa a hvąŋą!

Azaya 63:9

Ɛlɛɛ di kɛɛ di wɔ mɔ̨nɔ̨ɠaa hu, yaa kpɛli ə mɔ̨nɔ̨ mįi. Malakai ŋɛ̨i a nwɔ tímun, ya ɓə di nwunmąąɓo nwɔ wɛlikɛmąąlaa, da nwɔ nu ɲɛ̨imąąwɛli kaa laa haalai, yaa kpinįį ɓə di nwun mąąɓo, ə di mąą mɛ̨nį həɠə nwuɔ̨, yɛ di kpəŋə, yələ kəlee, ɲɛnɛ̨ɛ̨ yii aa tɛɛ ɉu.

Ɉeremi 18:23

Kɛlaa yɛ́i a Yai-Laa, ə́ di kwəi kili ɲɔ̨nwɔi tii kɔ́lɔn, yɛ hvilɛn na mą́ą́. 'Hvó nɛ̨ŋɛ̨n tii mąąhvaalɛɛ diɛ, 'hvó di wɔ nɛ̨ŋɛ̨n tii hu pu ə́ ɲɛ̨i mu. 'Gɛ di too ə́ ɲɛ̨i mu, 'hee di hu a ə́ wɔ liiholi yələ.

Malasi 3:16

A kɛ tii, nuą da di kpɔwɔ mąą yɛɛ Yai-Laa yee mu, diɛ kpɛli, da da ɓo di kee lɔwai. Yai-Laa a nwəli tɔɔ, ə di woo mɛ̨n. Di mɛ̨nįi tii pɛ̨ɛ̨ ɉɛɓɛ́ hu, ɓɛi nuąi da ɲɔw Yálá ɓa, diɛ mąąwiɛ di laa kaa laa.

Maafîu 10:30

Ka wɛi, ka nwun nɛɠaɠaa kəlee lonɔɔ kpaɠala kaa mą.

Korɛntə veelɛ 11:26

Ŋą́ą́ hiɛ tamąą gulɔ gɔ́wɔ́ ɲą, haa aa hvoló mą́ą́ tamąą yá-kpɛa-kpɛaa ɲą, ŋą́ą́ kulɔ toomɛ̨i kɛ nuą yee mu, ŋą́ą́ kulɔ gááyɔwɔɠaai a ną́n nonnii di yee mu, yiiɠaai di hvo a Ɉuifəɠaa di yee mu, ŋą́ą́ tɛɛ mɛ̨nį kpɔluɠaa hu daa-leeɠaa hu, nɔi pun ɉu, gboloyá ɲą, hu hveelɛ nuą yee mu!

Hebreu 11:13

Nuą ti kəlee di lɛɛ laa na laa hu, di haa, mɛ̨nįɠaai di naakwɛlanmo diɛ, di hvo naa honŋąą kaa li. Kɛlaa, ə mą kɛ tii, di gaa kwɛaala, di nɛ̨nɛ̨ɓo, di di kpɔwɔ kɔlɔn a nwɛ̨ąą, da hiɛ kulɔ nuą ɓɛ lɔi mɛ̨i.

Hebreu 11:38

diɛi tii, ɲɛnɛ̨ɛ̨ ŋɛ̨i hvo kɛ a di wɔɔ, di kɛli lɔ li di nwun ma nɔi pun ɉu, da ɲeeɠaa nwuɔ̨, diɛ ɓo kwɛni woloɠaa hu, da yaɓoloonŋaa pɔ.

Hebreu 11:8

Laa na laa háálai, Abrahamə ə Yálá woo mu hon, ə lɛɛ nwoo mu, ə həɠə, ə li lɔi ta hu, yai gaa pai ɉɔlɔɓoi a gwɛlin, ɛlɛɛ, yɛ li, ɓɛimun gaa lii laa hvo nąą kɔlɔn.

M̀ɛni-lɛɛi 20:12

Yili pulu, ŋį́ haa nuą kaa, nu kpɛa-kpɛaa da lɛapɛlɛɛ, di ɓo tɔɔni dɔɔkpəlin niila, ɛlɛɛ, di hɛɓɛ́ɠaa laaɓo. Di hɛɓɛ́ takpɛli laa ɓo, yai a yɛnɛ̨ɛ̨ hva kpɛɛ hɛɓɛ́, ɛlɛɛ, di haa nuą kiti tee yɛ bələ di tuwɔ la, kpɔlɔɔ yɛ bələi ə kɛ la ɉɛɓɛ́ɠaa hu.

M̀ɛni-lɛɛi 7:17

Gbala ə tɔɔ, Mɛlaa Lon tii dɔɔkpəlin ɉu, ya ɓə pai kɛi a di mɛ̨i kaamun, a tɔɔ di tɔwɔ, ə li a diɛ yá ton gulɔi. Ɛlɛɛ, Yálá a di ɲɛ̨iyá kələ di ɲɛ̨i.»

Samuɛlə dɔlɔɔ 19:18

Davidə ə gbɔwɔ nwun mąąkɔ̨nwɔ̨, ə pu ə li, Samuɛlə pɔɔli Rama. Mɛ̨nįɠaai kpɔ Saulə ə naa ma, ə ɉukulɔ Samuɛlə ɓa. Yaa da Samuɛlə də li di hee Nayotə.

Samuɛlə dɔlɔɔ 27:1

Davidə ə mo gwəi pələ, yɛ kɛ mą: «yələ ta, ə kɛ a pələ lɔpee, gbəli hu, Saulə kaa pai báái, mɛ̨nįi ŋɛ̨i hon bələ takpɛli hvo laa, hvo kɛ li lɔ ŋą́ mą́ą́kilɛ Filisti nuą pɔɔli, Saulə kaa pai kpɛlai gwɛ́liɛ ɓa Israɛlə lɔi kɔ́lɔ kəlee, gúlɔ pələ lɔ ka tii ɲəi.»