Mąątɛ̨nɛ̨ 55:20 - Yálá laawoo hɛɓɛ (dc)

²⁰ Gɛ́ Yálá ə di wooo mɛ̨n, ə nwumɛ̨ tɛ a diɛ; yai tii Heeɓolaa kaa ɲəi ə həɠə yɛnɛ̨ɛ̨ kɔ́wɔ tɔɔi lɔwai ɓa; nuąi tii kɛ pələ mąą hvo pai hvalin ɉii, di hva ɲɔw Yálá ɓa.

Yálá laawoo hɛɓɛ

²⁰ Gɛ́ Yálá ə di wooo mɛ̨n, ə nwumɛ̨ tɛ a diɛ; yai tii Heeɓolaa kaa ɲəi ə həɠə yɛnɛ̨ɛ̨ kɔ́wɔ tɔɔi lɔwai ɓa; nuąi tii kɛ pələ mąą hvo pai hvalin ɉii, di hva ɲɔw Yálá ɓa.

Bible

²⁰ Ńâoi nyii kwa ǹyaa kúkɛ̀ kúkîe pôlui, a pɛlɛ ǹâoi-ni dîa. A ŋɔkono tée-ŋai síɣe dɔɔ̂i.

Mąątɛ̨nɛ̨ 55:20 ပူးပေါင်းရင်းမြစ်များ

Samia Veerɛi 18:12

Ɉulɔnui tii yɛ Ɉoabə ɓa: «Ə ma kpɛli kɛ yaa ɲéé laahvɛɛ a wali kwələ nwaa tamąą vá pɛli mɛ̨nį ɲɔ̨n gɛi a tɔɔmun non. Mąąhɔlɔɓo, mɛ̨nįi tɔɔmun ə mo yɛ́ ka Avisai, ə mą kɛ Itai kaa, yɛ hvilɛn na Absalɔn ɓa, ə too ku wəlii.

Samia Veerɛi 2:4

Ɉuda lɔi hu nuą di pa di nwulɔ lɔ Davidə ɓa, di gɛ a tɔɔmun Ɉuda nwɔ pɛlɛ́i nwun na. Nuą di pa diɛ Davidə ɓa: «Yavɛsə Galaadə lɔi hu nuą ɓə Saulə powa loo.»

Samia Veerɛi 5:3

Israɛlə kalanɉonŋaa kəlee di pa di həli tɔɔmun ma Hebrɔn, ɛlɛɛ, da tɔɔmun Davidə ni di mįnɛ̨ həɠə Hebrɔn Yai-Laa lííla. Di dɔɔ wulɔ lɔ Davidə ɓa, di gɛ a Israɛlə tɔɔmun.

Tɔɔɓɛlaa veelɛ 17:34

Ə mą kɛ háákələi, bələ lɔ ɓə da kɛ túwɔ́i la, di hvo kɛi ɲɔw Yai-Laa ɓa. Di hvo nwɔ̨nɔ̨ hvilɛn díɓoɠaa da ɉaláá kulɔ pələɠaa pulu, ə mą kɛ, dɔ́n nwoo da mɛ̨nįɠaai Yai-Laa ə naa Ɉakɔbə lonnii nwuɔ̨, yaai ə Israɛlə laa hee Ɉakɔbə mą.

Mąątɛ̨nɛ̨ 109:5

Daa mɛ̨inɛ̨ɛ̨ pɔɔ kulɔ mą́ą́ a mɛ̨nį ɲɔ̨nwɔ̨ɔ̨, diɛ ɓɛlan naa pɔɔ kulɔ a yowolaa.

Mąątɛ̨nɛ̨ 6:10

Yai-Laa aa nwɔ́ nɛ̨ɛ̨mąąhvə woo mɛ̨n, Yai-Laa aa ɲee hee nwɔ́ hvɛli wooi mu.

Mąątɛ̨nɛ̨ 7:4

Yai-Laa, nwɔ́ Yálá, a kɛ kpɔ ŋį́ túwɔ a ɲɔ̨nwɔ̨ɔ̨, a kɛ kpɔ ŋį́ ɲə́ə́ lɔ hvulu mɛ̨nį hu,

Mąątɛ̨nɛ̨ 89:28

Ɲą́ą́n gáá pai gɛi a non nupɔlɔ laamun; a yɛnɛ̨ɛ̨ heeɓoɠaa kəlee di wɔ Heeɓomun Gɛnɛ̨ yɛnɛ̨ɛ̨ nąą kəlee.

Mąątɛ̨nɛ̨ 89:34

Kɛlaa, vá nwóó kala mą; vá nwɔ́ mįnɛ̨i mąą kala.

Mąątɛ̨nɛ̨ 89:38

gɛ pələ kaa pai kɛi yɛ ɲąnin, ə ɓo a nwɔ́ tələnmo kɛla yələkwəi.

Mąątɛ̨nɛ̨ 93:2

Ə həɠə gɔwɔ tɔɔ yələ ɓa, ə́ wɔ tɔɔkpəlin hvilɛn ŋąą kpɔ gbilin, wɔlɔ-wɔlɔ ɓa wɔlɔ-wɔlɔ ɓa, Yɛ́ lɔ ɓə laa.

Ikilisiati 8:2

Yii tɔɔmun a mo, mąąnɛ̨ɛ̨ gu nwoo hon; mąąhɔlɔɓo, bələ ɓə gu gu kwɛla la Yálá ɲɛ̨i ɓa.

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Gɛlaɠaa 12:1

Nąąlɔwai tɔɔmun Herodə ə gɔwɔ tɔɔ yɛ gbɔn ɉu nuą taɠaa mɔ̨nɔ̨ɓo.

Samuɛlə dɔlɔɔ 22:17

Tɔɔmun yɛ gwɛlɛ nuą diɛ: «Ka lɛɠɛ ɓɛ, ka Yai-Laa nwɔ haláá laa həli nuą kəlee paa. Mąąhɔlɔɓo, diɛ kpɛli mąn da kɛ kpɔnmąą tɛɛi Davidə pɔ. Di kili ə kɛ ɉu diɛ kɛ Davidə kaa pui, ɛlɛɛ, di hvo ɉukulɔ li mą́ą́.» Kɛlaa, tɔɔmun ɲee pɔ nuą di hvo gɛ, di hvo di yee pɛlɛ Yai-Laa nwɔ haláá laa həli nuą diɛ.

Samuɛlə dɔlɔɔ 24:10

Yɛ Saulə ɓa: «Lə mɛ̨nį ɓa nuąi da kɛ kɛi yɛ́: ‹Davidə kaa ə́ kwɛlii a mɛ̨nį ɲɔ̨n, ɛlɛɛ,› yɛ́n, ə́ wəli tɔɔ di woo ɓa?