Mąątɛ̨nɛ̨ 53:6 - Yálá laawoo hɛɓɛ (dc)

⁶ Diɛ ka ɓɛ, di mąą yɛ kpɛlin, ya pa, nu mąą kpɛlin mɛ̨nį hvo laa. Mąąhɔlɔɓo, nuąi kɔ́ pɛlɛi yɛ́, Yálá aa di kɔ́wɠaa hu taɠa-taɠa. Yá yɛlɛ kulɔ di hu kɛa, mąąhɔlɔɓo Yálá aa di pili.

Yálá laawoo hɛɓɛ

⁶ Diɛ ka ɓɛ, di mąą yɛ kpɛlin, ya pa, nu mąą kpɛlin mɛ̨nį hvo laa. Mąąhɔlɔɓo, nuąi kɔ́ pɛlɛi yɛ́, Yálá aa di kɔ́wɠaa hu taɠa-taɠa. Yá yɛlɛ kulɔ di hu kɛa, mąąhɔlɔɓo Yálá aa di pili.

Bible

⁶ Ŋa Ɣâla fɛlîi a gɛɛ Eezuɛ a pâi kulâi Zãiyɔŋ é díyee mɛi ɣále. Eezuɛ-ƃelai líi a pâi nɛ̃ɛ̂i a tãi Ɣâla a pâi ŋɔ́nɔ gɛ̂i la díƃûu ƃó pôlui.

Mąątɛ̨nɛ̨ 53:6 ပူးပေါင်းရင်းမြစ်များ

Ɛsdrasə 3:11

Di kɛi nwələ too, diɛ di kee woo mu hon, diɛ kɛ mą: mąąwiɛ da kɛnɛ̨ laa kaa Yai-Laa ɓa; Mąąhɔlɔɓo, nwɔ mɛ̨inɛ̨ɛ̨, da nwɔ lii nɛɛ gwəi laa kpon ɉu kwɛaai Israɛlə ɓa. Di kɛi yili ɓo tii, mąąhɔlɔɓo, di kɛi Yai-Laa hee pɛlɛ́ tɔɔ.

Nehemi 12:43

Di haláá kpɛa kpɛa kulɔ a mąą yələi tii, nu kəlee kwəinɛ̨ɛ̨ mąąhɔlɔɓo, Yálá aa kɛ kwəinɛ̨ɛ̨ kɛnɛ̨ tɛɛ di pɔ. Nɛ̨ąą da lɛapɛlɛɛɠaa diɛ kpɛli, di kwəinɛ̨ɛ̨i kɛ, gwəinɛ̨ɛ̨i tii di kɛi gulɔ Ɉerusalɛmə, bələ ə li kwɛa la.

Zôo 42:10

Gɛɛ ti, Yai-Laa ə Ɉobə yəi hɛnŋąą bɔɔ tɛɛ bɔ, mɛlaa mąą nɛ̨ɛ̨mąą hveɛ pulu. Ɛlɛɛ Yai-Laa ə Ɉobə nwɔ hɛnŋąąi kəlee tɛɛ bɔ a gee mɛ̨i hveelɛ hveelɛ.

Mąątɛ̨nɛ̨ 14:7

Gbɛɛ ɓə a lɛɛ Siɔn yɛ gɔ́ nɛ̨ɛ̨ Israɛlə ɓa? Ɓɛlɔwai Yai-Laa a pənə, yɛ pa laa a nwɔ nuąi kɛ nuwɔlaa hu, Ɉakɔbə ɲɛ̨i a kɛ ɲąŋąi, Israɛlə yɛ pili yələi a kwənɛ̨ɛ̨!

Mąątɛ̨nɛ̨ 50:2

Yálá kaa Siɔn daai, yai nɛlɛɛ, mąąkulɔi hvo mą, yɛ lən.

Mąątɛ̨nɛ̨ 85:1

Nwələ ɲɛ̨itɔwɔmun, Kore lonnii di wɔ wələ woo.

Hanwon 28:1

Nui líi ɲɔ̨ngwəimun gaa lɔ gilɛ ɲą, ə mą kɛ, nu hvo bulu. Tələnmomun nwɛi, gaa yɛ yala gbɔn, nii hva kulɔ mą.

Azaya 12:6

'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Azaya 14:32

Gɛlaɠaai nɔi tii ə di tɔɔ, lə ɓə da pɛli moi diɛ? Yai-Laa aa Siɔn taa tɔɔ, nwɔ lɔi hu lonnii, a mąąwɛli nuą, di kɛ laa di nɛ̨ɛ̨ hu.

Ɉeremi 30:18

Yai-Laa woo ka: Gáá pai pənəi ŋą́ Ɉakɔbə nwɔ pɛlɛ́ɠaai tɔɔ, gáá nwɔ pɛlɛ́ɠaai mąąwɛli kaai. Di kaa pai pənəi di daaɠaa tɔɔ di kpoloon ŋą. Diɛ bɛlɛ pɔlɔɠaa kəlee tɔɔ ɓɛi di kɛ laa tɔɔni.

Ɉeremi 31:23

Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka: Ɓɛlɔwai gáá pai pənəi ŋį́ pa la a gɔ́ luwɔɠaa, mɛ̨nįi di kaa pai kɛi moi Ɉuda lɔi da nwɔ taɠaa di hu, ya ka: «Yai-Laa ə lúwɔ́ too yɛ́, tələnmo hee taa. Yee mąąhəɠɛɛ.»

Zooɛ 3:1

Yai-Laa yɛ diɛ: «Yili kəlee tɛɛ pulu, gáá pai nwɔ́ Kilii yɛɛi nu kəlee pɔ. Ka lonnii hinąą da ka lonnii nɛ̨ąą di kaa pai kɛi Yálá kwəi mɛ̨nį ɓoi. Ka wɔ hulɔgoloɠaa diɛ hįįɠaa kaa, ka wɔ muhəɠə nįnɛ̨ɠaa diɛ kwɛlɛɛn gɛɛ kaa.

Levetekɔ 26:17

Ŋą́ ɲɛ̨́i ɲɔ̨nwɔ̨ɔ̨ hee kaa, ka yowo yee yɛ tɛɛ kaa, nuąi yowolaa kulɔi a kaa, diɛ hee ka mɛ̨i. Ɛlɛɛ, kaa pu, ə mą kɛ nu hvo ka kpɛi.

Levetekɔ 26:36

«Nuąi pai kulɔi ɉu ka lɔwai, gáá pai gɛi di hvii yɛ kpɛɛ ka yowoɠaa di wɔ lɔiɠaai hu, laa kpala too tin gbɛli kpɛli kaa pai gɛi diɛ tɛɛ a gilɛ; di kaa pai kɛi pui yɛ da kɛi pu kɔ́ kɔ́ ɓɔwa tɔwɔ, diɛ too, nu hva kpɛli kɛ di pulu.

Amɔsə 9:14

Israɛlə nu huwui di kaa luwɔlaa hu, ŋį́ gəlee nwun mąąɓo, di pa di pɔ lɔi. Di wɔ taa yiiɠaai daa wɔlɔ wolo, da pənə di dɔɔ, di hee ɉu. Da viɲə yɛaɠaa laa, Diɛ nɔɔ kulɔ, diɛ gbələ, Da hihɛn ɲɛaɠaa laa, diɛ mą kulɔ, diɛ mįi.