Mąątɛ̨nɛ̨ 51:14 - Yálá laawoo hɛɓɛ (dc)

¹⁴ 'Málo mɛ̨nį ŋą kwəinɛ̨ɛ̨ too ɉú. 'Lii kpələ kili tɛɛ bɔ́.

Yálá laawoo hɛɓɛ

¹⁴ 'Málo mɛ̨nį ŋą kwəinɛ̨ɛ̨ too ɉú. 'Lii kpələ kili tɛɛ bɔ́.

Bible

¹⁴ Óo Ɣâla, ŋ́gula mî núu paa mɛni su íŋuŋ ma ƃó. Gɛ̀ ní ŋa pâi ítɔ̃yâ laa maa-tuŋ tôoi a lii-nɛ̃ɛ-pere.

Mąątɛ̨nɛ̨ 51:14 ပူးပေါင်းရင်းမြစ်များ

Zɛnɛse 42:22

Rubɛn yɛ nəɠəni diɛ: «Kɛlɛi ŋį́ ta kɛi kɛ kpɔ kaa: ‹Gu hvo mɛ̨nį ɲɔ̨n gɛ a Ɉosɛfə ŋɛ̨i›, kɛlaa, ka hvo ka wəli tɔɔ nwóó ɓa nąąlɔwai, ɉaai tii aa həli mą, mąąnɛ̨ɛ̨ gu bulu mɔ̨nɔ̨ mį́i.»

Zɛnɛse 9:6

«Nui a mɛlan ɲąmą pu, nu lɔ ɓə a mąą nu ɲąmą pu, mąąhɔlɔɓo, Yálá ə nu pɛli Yálá kpinį mąą nįnįn ɉu.

Samia Veerɛi 12:9

Gɛ pələ kaa ləi yai, ə́ tɛɠɛɓo Yai-Laa woo hu, mɛ̨nįi hva nɛɛ mą́ą́, yɛ́ gɛ? Hɛtə mun ŋɛ̨i a Uri, yáá baa a ɓɔwa, yáá nɛ̨ą həɠə, yɛ gɛ a ə́ nɛ̨ą. Yɛ́ kpįnįi ɓə dɛɛ Amɔn lonnii pɔ, diɛ baa a kɔ́ kɔ́ ɓɔwa.

Samia Veerɛi 21:1

Davidə nwɔ tɔɔlaa kwɛlan ɉu, pulu kɛnɛ̨ ta ə too, ə kwɛlan ɉaaɓa kɛ nɔi. Davidə ə Yai-Laa mąąnin gɛ, Yai-Laa yɛ mą: «Bului tii too mɛ̨nį ə kulɔ Saulə da ɲəi bɛlɛ́n nuą di hɔn ɉu. Mąąhɔlɔɓo, di Gabaɔn nuą paa a nwąnąlɔɔ pələ.»

Samia Veerɛi 3:28

Bələ mɛ̨n Davidə ə mo, ə mo naa pulu, yɛ diɛ: «Nɛrə lon Avnɛrə haa mɛ̨nįi ŋɛ̨i hu, ɲą́ą́ kwa nwɔ́ tɔɔlaai ku yee hvo kpɛli ɉu tiikpə kpɛli, Yai-Laa ɲɛ̨i ɓa.

Ɛsdrasə 9:13

Yili ɓa, mɛ̨nįɠaai kpɔ laa kuɔ, ə kulɔ ku wɔ túwɔ́ pələ ɲɔ̨n da ku wɔ nɛ̨ŋɛ̨nŋąą mąą mɛ̨nį hu. Kɛlaa, Yɛ́i ɓaa ku wɔ Yálá, ə́ ku wɔ nɛ̨ŋɛ̨nŋąą lɛɛ kuɔ a kpɛli, ə́ ə́ kili kulɔ ku wɔ nɛ̨ŋɛ̨nŋąą hu, hvó ku hon ni yɛ pələi ku túwɔ́ la. Ɛlɛɛ, yɛ́ gbəli wolo lɛɛ a vulú, yɛ́ naahɔn mo.

Nehemi 9:33

Ə́ wɛi, mɛ̨nįɠaa kpɔ həli ku wɔ, ə́ tələnmoɔ ɉu, hvo gaai, ə́ ə́ wɔ tɛ̨ą lɛ ku wɔ. Kɛlaa, ku wɔ ɓə túwɔ́ a nwąnąlɔ pələ.

Mąątɛ̨nɛ̨ 25:5

'Dɛ̨́nɛ̨n dɔɔ yɛ́ tɛ̨ą pələi mɛ̨i, 'Ə́ mą́ą́ kwɛli ɉu yíiɓo pələ ɓa, mąąhɔlɔɓo, málo Yálá ɓaa a yɛ́. Gílitɔɔi lɔ yɛ́ a yələ kəlee.

Mąątɛ̨nɛ̨ 26:9

'Hvó nwɔ́ yɛnɛ̨ɛ̨ too nɛ̨ŋɛ̨n ɉəɠə nuą di wɛi pɔ, 'hvó kwa nu paa nuą ku pɛlɛ ku kee ɓa.

Mąątɛ̨nɛ̨ 35:28

Nɛ̨́n a yɛ́ tələnmolaa hukulɔ, nááləi yɛ ə́ laa tɛ, a yələ kəlee da nwɔɔ.

Mąątɛ̨nɛ̨ 38:22

Yai-Laa, hvó ə́ kili kulɔ ɉú! Nwɔ́ Yálá! Hvó tɔɔ kwɛaa la!

Mąątɛ̨nɛ̨ 55:23

Yɛ́ tiɛ̨i tɛ Yai-Laa nwuɔ̨, ə ə́ laa hon mu, yɛ ə́ hvąŋąlɔ, hva tələnmomun nɛɛ laa, a yələ ta, hvo too.

Mąątɛ̨nɛ̨ 68:20

Mąąwiɛ ə kɛ Ną́mu ɓa, a yələ kəlee da-nwɔɔ! Ɲalái tii ɓə a gɔ́ nɛ̨ɛ̨ guɔ.

Mąątɛ̨nɛ̨ 88:1

Wələ, mąątɛ̨nɛ̨ wələ, hvɛ́li woo; Kore lonnii. Nwələ ɲɛ̨itɔwɔmun. Ɓɛlɔwai Ɛzra mun Heman ə kɛ la ɲɔ̨n ɉaɠa ɓa, nwɔ nu mąąkwɛli woo.

Azaya 12:2

Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Azaya 45:17

Israɛlə aa ɓalo Yai-Laa haalai, ɛlɛɛ aa ɓalo a yələ kəlee mɛ̨nį, ka wɛi, nwumɛ̨ hvo pai heei kaa, kpɛli a yələi lɔpee ta, ə mą kɛ lalan, ɛlɛɛ, yələ kəlee mɛ̨nį li, gbɛlai hvo mą.

Izikiɛ 33:8

Ŋą́ kɛ nu ɲɔ̨nwɔ̨ɔ̨ ɓa, ə́ kaa pai haai, ɛlɛɛ yɛ́n, yá wala gilaa pono, hvo həɠə nwɔ túwɔ́ pələ ɲɔ̨n pulu, a haa a nwɔ túwɔ́ pələ ɲɔ̨n naa pɔɔ. Kɛlaa, yɛ́ ɓə ɲąmą wulu a lɛɛ ə́ nwuɔ̨.

Danîa 9:16

Ną́mu Yálá, pənə ə́ ə́ wɔ mɛ̨inɛ̨ɛ̨ hu nwun, ə́ ə́ wɔ líiɲąnwąną ɲɛ̨i həɠə Ɉerusalɛmə taa ɓa, yii gaa a ə́ wɔ taalee da ɲee ŋɛ̨i ya kɛi kulɔi maə́ wɔ nu huwui ɓa pɔ̨nɔ̨ŋa. Kuwɔ túwɔ́ pələ ɲɔ̨n mąą mɛ̨nį ɓa, da ku kalaɓɔlɔni kɛ nɛ̨ŋɛ̨nŋaa mąą mɛ̨nį ɓa, ku kwɛlɛ lɔiɠaa kəlee da Ɉerusalɛmə taa lalan da ə́ wɔ nu huwuɠaai.

Danîa 9:7

Ną́mu Yálá ə́ wɛi, hɔn və yɛ́, yii ɓaa ku wɛi, yii mąąnɛ̨ɛ̨ ku gɛ, ya ɓaa: Ku ku kpɔɔmąąyɛɛ, yɛ pələi háákələi hvólói kaa la, kuɔi kpɔ ku kaa a Ɉerusalɛmə daai nuą, Ɉuda lɔi hu nuą, ə mą kɛ Israɛlə lɔi hu nuą, di ma kɛ kwɛa la, ə mą kɛ kpuɔ la, diɛi ŋɛ̨i ə́ di taɠa di kee ɓa, gɛ mɛ̨nį di hvo lɛɛ li yɛ́ a woo tɔ̨nɔ̨ Nąmu, mąą mɛ̨nį ɓa.

Osia 4:2

Nu woo kala mɛ̨nį, lɛɛ, nu paa mɛ̨nįɠaa, nwuɔ̨, wɛli mɛ̨nį, di laa aa too; ɲąmą kpoloon yɛ ɉeei kaa.

Habakukə 3:18

Kɛlaa, nwɛ́i, ŋą gwə́inɛ̨ɛ̨ mɛ̨nį hɔlɔɓo Yai-Laa yəi. Ŋą́ pili yələi a kwəinɛ̨ɛ̨ nwun mąąɓo Yálái mąą mɛ̨nį ɓa.

Gɛlaɠaa 18:6

Di tɔɔ pələ na, diɛ nalan, Polə ə nwɔ həɠəi hu kpɛŋɛ̨n diɛ, yɛ diɛ: «Ká ɲąmą wulu a lɛɛ ká nwuɔ̨, nwulu hva lɛɛ nwúɔ; ɛlɛɛ, ə həɠə kɛa yiihu ɓa, nuąi di hvo a Ɉuifəɠaa, diɛ ɓə gáá lii di pɔ pələ.»

Gɛlaɠaa 20:26

Yili ɓə gaa mą, gáá háákələi moi káá gɛ́ káá: Ka tɔ̨nɔ̨ kpɛli nwun na pili nwulu hvo nwúɔ.

Lomaŋ 10:3

Dələnmolaai a həɠə Yálá pɔ gɔlɔn di hvo mo li, ɛlɛɛ, diɛ kpinįi diɛ di wɛi kwɛli, yili ɓə gɛ di hvo lɛɛ la Yálá nwɔ tələnmolaai mu.