Mąątɛ̨nɛ̨ 51:1 - Yálá laawoo hɛɓɛ (dc)

¹ Nwələ ɲɛ̨itɔwɔmun. Davidə nwɔ wələ.

Yálá laawoo hɛɓɛ

¹ Nwələ ɲɛ̨itɔwɔmun. Davidə nwɔ wələ.

Bible

¹ Óo Ɣâla, ŋ́ɛi malôŋ káa yɛ̂ɛ berei íwɛli kɛ́-maai su kɛ̂tɛi lai. Ŋá sɔnyɔ̂ŋ wáa mî ḿâ yɛ̂ɛ berei ímaloŋ kâai su kɛ̂tɛi lai.

Mąątɛ̨nɛ̨ 51:1 ပူးပေါင်းရင်းမြစ်များ

Samia Veerɛi 11:2

Yələwulii pɔ ta, Davidə ə muhəgə ɲəi gbinŋa, yɛ gɔwɔ hu hiɛ nwɔ tɔɔ pɛlɛ́i a yələi pɛlɛ́ ɲimąn mu ɲələi. Ə lɛɛ laa bɛlɛ́ ton na, ə nɛ̨ɛ̨nu ta kaa yɛ nwaa, nɛ̨ɛ̨nui tii lɛlɛɛ kpɔ kɛ a mɔlɔ.

Nehemi 4:5

Ku yowoɠaa diɛ kɛ diɛ, gɛɛ di kili hvo pu ɉu, ɛlɛɛ di hvo ku kaa, kwa tɛ di mɛ̨i, ku wɔ di paa, ɛlɛɛ, ku goló kpəla bələi.

Mąątɛ̨nɛ̨ 106:45

Mįnɛ̨i da diɛ ni di ɉəɠə, ə giliŋąhiɛ mą, nwɔ wɛlikɛmąąlaa kɛnɛ̨ hu, ə nwoo yali bulu.

Mąątɛ̨nɛ̨ 106:7

Ku nąnni di hvo yɛ́ kwɛlɛɛn mɛ̨nįɠaai, mukulaa kɔ́lɔn ni, Eziptə lɔi hu. Di lɛ̨ą yɛ́ mɛ̨inɛ̨ɛ̨ɠaa tamąą diɛ, di di kwɛli tee Veengbɔ̨nɔ̨ gboloyá kwɛlɛ.

Mąątɛ̨nɛ̨ 109:21

Ɛlɛɛ, yɛ́i a Yai-Laa Ną́mu Yálá, mą́ą́ mɛ̨nį ɲɛ̨i kulɔ, ə́ laa mąą mɛ̨nį ɓa. Ə́ wɔ wɛlikɛmąąlaa ɲąąnɛ̨ɛ̨ ɓə, málo.

Mąątɛ̨nɛ̨ 119:124

Ə́ wɔ tímun ɉon a wɛlikɛmąąlaa, ɛlɛɛ, ə́ hvááwooɠaa hu pɔ̨nɔ̨ mą́ą́.

Mąątɛ̨nɛ̨ 145:9

Yai-Laa nwɔ mɛ̨nį lɛlɛɛi nu kəlee pɔ, nii nɛ̨ɛ̨i gwəi nwɔ pɛli hɛnŋąą kəlee pɔ.

Mąątɛ̨nɛ̨ 4:1

Nwələ ɲɛ̨i tɔwɔmun, Davidə nwɔ wələ, ə doo a hvɛlikɛ hɛn ɲɛlimąą. Davidə nwɔ Yálá mąątɛ̨nɛ̨ wələ.

Mąątɛ̨nɛ̨ 40:11

Və́ ə́ wɔ tələnmolaa lɛɛ li gwə́i və́ hee mɛ̨i, bələi yá kulɔ la ə woo ɓa, ŋį́ yili hukulɔ, da ə́ wɔ nu ɓalo mɛ̨nį, və́ ə́ wɔ wɛlikɛmąąlaa da ə́ wɔ tɛ̨ą loo li ɲąąkpɔn gɛnɛ̨ɛ̨ hu.

Mąątɛ̨nɛ̨ 5:7

Ya lɛɛnuą nwun na pili, ɲąmą pumun, mɛ̨nį piliɉumun, Yai-Laa a yowolaa kulɔ a diɛ.

Mąątɛ̨nɛ̨ 51:9

Nwɔ́ nɛ̨ŋɛ̨n kulɔ mą́ą́ a isopə, mą́ą́ ə həɠə. Nwáá, ŋį́ kwələ, ŋį́ tɛɛ yeehunwɔ̨ ɓa.

Mąątɛ̨nɛ̨ 69:13

Nuąi heeni ɉįi la, di kɛi náá pələ ɓo, gɛ́ ɓo lɔ a lɔɔ kpələ nuą laa wələ woo.

Mąątɛ̨nɛ̨ 69:16

'Gɛ, ɲánwąną hvo yɛɛ a ɲą́ą́, və́ yɛɛ bali kpon ɉu, ɛlɛɛ, ɲánwąną hvo pa nwún mɛ̨i pu!

Mąątɛ̨nɛ̨ 77:9

Nwɔ ɲɛ̨imąąwɛlikaa laa a mɔ̨ɔ̨ kpɛɛ? Nwoo aa wɔlɔ kpɛɛ ɓə tii kɛai?

Azaya 43:25

Kɛlaa, nwɛ́i, bələi gɛ́ pələ kaa la a wɛlikɛmąąlaa, yili ɓə a gɛ gɛ́ ə́ wɔ kulɔ nwoomuɠaai lɛɛ yɛ́ a kpɛli, ɛlɛɛ, vá ə́ wɔ túwɔ́ pələ ɲɔ̨nŋąąi kili lɛ ɲą́.

Azaya 44:22

Ŋą́ą́ yɛ́ kulɔ nwoomulaa waa yɛ tulɔ kpinįn a waa yələi, ŋą́ą́ yɛ́ túwɔ́ pələ ɲɔ̨nŋąąi taɠa, yɛ bələi nąląąn a taɠa la: pɛ̨nɛ̨ ə́ pa bɔ́, mąąhɔlɔɓo, ŋą́ą́ ə́ nwun mąąɓo.

Azaya 63:15

Yɛ́i tii yələ kɔ́lɔn ɉu, lɛɛ ə́ wɔ pɛlɛ mąąhəɠɛɛ lɛlɛɛi mu, ə́ ə́ ɲɛ̨i hee, ə́ kɛɛ kaa: Ə́ wɔ toloi kaa mįnɛ̨, da ə́ wɔ huwala walai? A mɛ̨nįɠaai tii da ə́ lii muhəɠəi? Ɲɛ̨́i mąą wɛli kaai ə́ kɛli mo, yaa mɔ̨ɔ̨ gbɛla bələi?

Azaya 63:7

Gáá pai Yai-Laa nwɔ mɛ̨inɛ̨ɛ̨ɠaa hukulɔi, nwələɠaai da Yai-Laa laa tɛ, mɛ̨nįɠaai Yai-Laa ə gɛ kuɔ, di mąą mɛ̨nį ɓa, a nwɛlikɛmąąlaa kɛnɛ̨i ə gɛ, Israɛlə nwɔ pɛlɛ́i ɓa, bələ ə ɉon na a lii nɛ̨ɛ̨ gwəi, yɛ mɛ̨inɛ̨ɛ̨ tamąą kɛ mą.

Ɉeremi 18:23

Kɛlaa yɛ́i a Yai-Laa, ə́ di kwəi kili ɲɔ̨nwɔi tii kɔ́lɔn, yɛ hvilɛn na mą́ą́. 'Hvó nɛ̨ŋɛ̨n tii mąąhvaalɛɛ diɛ, 'hvó di wɔ nɛ̨ŋɛ̨n tii hu pu ə́ ɲɛ̨i mu. 'Gɛ di too ə́ ɲɛ̨i mu, 'hee di hu a ə́ wɔ liiholi yələ.

Woolaa 3:32

A mɔ̨nɔ̨ laa nu mɛ̨i, a tinɛ̨n ə ɲɛ̨i mąąwɛli kaa, nwɔ ɲɛ̨imąąwɛlikaa kɛnɛ̨i.

Danîa 9:18

Nwɔ Yálá, ə wəli tɔɔ, ə́ nwóó mɛ̨n, mɔ̨nɔ̨ yii gaa həlii ku wɔ taai ŋɛ̨i ɓa, yɛ́ kpinįi naa kaa, daai ŋɛ̨i kaa a ə́ wɔɔ. Kwa kɛi nɛ̨ɛ̨mąą hvə yɛ́, ku kili hvo tooli ku kɛ mɛ̨inɛ̨ɛ̨ɠaa diɛ, kɛlaa ku kilitɔɔi ə́ wɔ wɛlikɛmąą kpon ɉu kwɛaa ɓa.

Danîa 9:9

Kɛlaa, yɛ́ ku Ną́mu ku wɔ Yálá, ə́ wɔ ɲɛ̨imąąwɛli kaa hu, ya ku mąąhvaalɛɛ, pələi mąn kwaa ku kwɛli tee la kɛ yɛ́.

Gɛlaɠaa 3:19

Yili ɓa, ka ka túwɔ́ pələ mąąhvalin, ka tinɛ̨n ka pa Yálá pɔ, ə ka wɔ nɛ̨ŋɛ̨nŋaai waa.

Kolosə 2:14

mɛ̨nįɠaa kpɔ dɔ́n nwoo ə kɛi gu kalamąɓo la, yɛ giti kala guɔ, ə yili kəlee lɛɛ guɔ a kpɛli; aa nwaa kpɔ laa hva-hva, ə gbanwo kolɔwa ɓa.