Mąątɛ̨nɛ̨ 50:15 - Yálá laawoo hɛɓɛ (dc)

¹⁵ Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Yálá laawoo hɛɓɛ

¹⁵ Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Bible

¹⁵ Tãi kélee ka kɛ̂ la mɛni kpɔ̂lu sui, ka ńdoli. Ŋa pâi ká ŋuŋ maa ƃôi. À kɛ̀ tí, ka pâi ńaa maa tɛ̂i.”

Mąątɛ̨nɛ̨ 50:15 ပူးပေါင်းရင်းမြစ်များ

Tɔɔɓɛlaa veelɛ 20:2

Ezekiasə ə tinɛ̨n, ə ɲɛ̨i hee bɛlɛ pɔ pələ, yɛ Yai-Laa hvɛli, yɛ kɛ mą:

Kɔlɔnikɔ Veerɛi 20:9

‹Akɛ mɛ̨nį nwąnąą ta aa kɛi pa həlii kuɔ, ə kɛ a kɔ́, ə kɛ a hutɔɔ mɛ̨nį, ə kɛ a lɔi wolo ɲɔ̨n, ə kɛ a pulu; akɛ kwa tɔɔ bɛlɛ́i ŋɛ̨i lííla, Ə́ ɲɛ̨i ɓa; hvo gaai, Ə́ laa kaa bɛlɛ́i ŋɛ̨i mu; kwa tómą Ə́ pɔ pələ ku wɔɔ mɔ̨nɔ̨i tii hu, Yá Ə́ wəli tɔɔ kuɔ, Ə́ ku ɓalo.›

Zôo 22:27

Yá kɛi vɛli, a ə́ woo mu hon, yii lɔ mąąnɛ̨ɛ̨ ə́ gɛ, ya ɓaa ə́ ə́ woo pɔ mɛ̨nį kɛ.

Mąątɛ̨nɛ̨ 107:19

Di lɛɛ di wɔ mɔ̨nɔ̨ɠaai tii hu, di tomą Yai-Laa pɔ pələ, Yai-Laa ə di ɓalo, ə di kulɔ di kwəi pilimąą mɛ̨nįɠaai tii hu.

Mąątɛ̨nɛ̨ 107:28

Di lɛɛ di wɔ mɔ̨nɔ̨i tii hu, di tomą Yai-Laa pɔ pələ, Yai-Laa ə di kulɔ di wɔ liihɛlɛn gɛnɛ̨i tii hu.

Mąątɛ̨nɛ̨ 120:1

Ɲee mąąhəɠɛɛ tɛ wələ. Gwə́i pilɛɛ kɛ mą́ą́, ŋį́ Yai-Laa təli, ə nwóó mu hon.

Mąątɛ̨nɛ̨ 22:23

Gáá pai pənəi, gɛ́ ə́ laa lɛ ną́n nonnii diɛ, ɛlɛɛ, gɛ́ ə́ mąątɛ̨nɛ̨ ɲąąkpɔn gbɛa-kpɛa hu.

Mąątɛ̨nɛ̨ 34:5

Ŋą́ tínɛ̨n Yai-Laa pɔ pələ, ə nwóó mu hon; ə gúlɔ mą́ą́ɲɔw mɛ̨nįɠaa kəlee hu.

Mąątɛ̨nɛ̨ 34:7

Ə mą kɛ mąąwɛlimun mə, a Yai-Laa təli lɔ, aa mąn nwoo mu hon, yɛ gulɔ ganąn mɛ̨nįɠaa hu.

Mąątɛ̨nɛ̨ 4:2

Ŋą́ ə́ təli, 'nwóó mu hon, yɛ́i a nwɔ tɛ̨ą ɓo Yálá, gɛ́ɛ́ mɔ̨nɔ̨ hu, ə́ gúlɔ ɉu, nɛ̨ɛ̨i yɛ́, 'ə́ wəli tɔɔ nwɔ́ hvɛli wooi ɓa.

Mąątɛ̨nɛ̨ 50:23

Nui a mɛ̨inɛ̨ɛ̨ hu kɔlɔnŋąą kɛ a nwɔ haláá hɛn, gaa mą́ą́wiɛi, ɛlɛɛ, nui a ɉiɛ pələ ɲɛlɛ kɛ, ya ɓə ŋą́ Yálá ŋą ɓalo mɛ̨nįi ɲąąnɛ̨ɛ̨ lɛ mą.

Mąątɛ̨nɛ̨ 77:2

Yálá ɓə gáá dəlii, gɛ́ tómą, Yálá ɓə gáá dəlii, yɛ nwəli tɔɔ nwóó ɓa.

Mąątɛ̨nɛ̨ 77:3

Ɓɛlɔwai mą́ą́ a wɛli lai, Ną́mu Yálá ɓə ŋą́ ɲɛ̨ilaa kwɛli. Gɛ́ ɲéé hąŋąn bɔ pələ, kwiihɛ̨ą, ɛlɛɛ, vįi hva kpɛɛ, gɛ́ lənə gbɛla ɓo woo kəlee ɓa.

Mąątɛ̨nɛ̨ 81:7

Ŋą́ą́ nwɔ tiɛ̨i həɠə nwuɔ̨, ɛlɛɛ, yaan ə diɛ̨i laa.

Mąątɛ̨nɛ̨ 86:5

Nwɔ́ mɛ̨nį Nąmu, yɛ́i ə́ wɔ mɛ̨nį lɛlɛɛ, yɛ́ nu mąąhvaalɛɛ; Ə́ wɔ ɲɛ̨imąąwɛlikaa hu kɛnɛ̨i, nuąi da ə́ hvɛli di mąą mɛ̨nį ɓa.

Mąątɛ̨nɛ̨ 86:7

Ɲələi mɔ̨nɔ̨ a hee la ɉú, ŋą ə́ təli, yá nwóó mu hon.

Mąątɛ̨nɛ̨ 91:15

A də́li, ŋą́ nwoo mu hon, gáá pai kɛi bɔ, mɔ̨nɔ̨ hu; ŋą́ nwun mąąɓo, ŋą́ naa tɛ.

Ɉeremi 39:17

Nąąlɔwai, ŋą́ ə́ hvólóon na ɓo, hvo pai tooi nuąi tii ə́ kaa ɲɔwi diɛ, di yee ŋą; Yai-Laa woo li.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Maafîu 5:16

Bələ ɓə mąąnɛ̨ɛ̨ ka wɔ kɛɛpono ə kɛ la nuą lɔwai, ə gɛ nuą di ka wɔ túwɔ́ pələ lɛlɛɛ kaa, di mąąwiɛ tɛɛ ka Nąn Yálá pɔ, yai gaa yələi.»

Lukə 22:44

Ə kɛ yɛ nu a kɛ ɉaa kɔ́wɔ ŋą, yɛ Yálá hvɛli kpɔ a mɔlɔɔ. Hvɛnɛ̨ yɛ kulɔ mą yɛ ŋąmą, yɛ hvilɛn nɔi ɓa.

Ɉaan 15:8

Yii a Ną́n mąąwiɛ ya ɓaa: ka ɓa a damąą, kaa ɓo a nwɔ kalan nɛa.

Gɛlaɠaa 16:25

Kwii hąą ɓɛlaɓoi lɔwai, Polə da Silasə di kɛi Yálá hvɛli, diɛ Yálá mąątɛ̨nɛ̨ wələ too, gaho nąmįną yiiɠaa ti diɛ di woo mɛ̨n.

Zĩi 5:13

Ká ta kaa mɔ̨nɔ̨ mį́i? Ə Yálá hvɛli. Gwəinɛ̨ɛ̨i? Ə Yálá mąąwiɛ wələ too.

Piɛrə dɔlɔɔ 4:11

Nu ta a kɛli pələ ɓo, ə kɛ a Yálá laa woo laa həli mɛ̨nį; nu ta a kɛli ə́ wɔɔ mąątíi kɛ, gɛ a hvaŋąi Yálá a dɛɛ bɔ, ya ɓə a gɛ, Jesus Kristə háálai, Yálá ə mąąwiɛ laa hɔlɔɓo kpɔ a neelee, yai, mąąwiɛ laa, hee mɛ̨i laa kaa a nwɔɔ a yələ kəlee mɛ̨nį. Yálá ə kɛ ti!

Piɛrə dɔlɔɔ 4:14

Ká nwun na nɛ̨ɛ̨i, da kɛli ká laa kala Kristə laa mąą mɛ̨nį ɓa, mąąhɔlɔɓo, mąąwiɛ Kili, a Yálá nwɔ Kilii, gaa ka pɔ.

Nwun mąąɓo 15:19

Nąąlɔwai, gwɛni gbahai tii kɛ Lɛhi, Yálá ə mɛla, yá ə kulɔ ɉu, Samsɔn ə gbələ la, ə too nįįla. Yili ɓə gɛ di ɲáton tii laa hee a Ein-Kore. Haa ɓaa haa, ɲáton tii kaa ni laa.