Mąątɛ̨nɛ̨ 48:2 - Yálá laawoo hɛɓɛ (dc)

² Yai-Laa kɛnɛ̨i, mąąwiai lɔ a yələ kəlee, gu wɔ Yálái nwɔ taaleei hu, nwɔ yee mąąhəɠɛɛi nwuɔ̨.

Yálá laawoo hɛɓɛ

² Yai-Laa kɛnɛ̨i, mąąwiai lɔ a yələ kəlee, gu wɔ Yálái nwɔ taaleei hu, nwɔ yee mąąhəɠɛɛi nwuɔ̨.

Bible

² Ɣâla ŋɔyéei Zãiyɔŋ tɔɔ̂i a ŋ̀ánaa, maa waa. Gâloŋ kɛ́tɛi ŋɔtaa-leei a pâ a lii-see ŋ̀éniɛi su-ƃelai pɔ́, díkɛ koi-nɛ̃ɛ kula.

Mąątɛ̨nɛ̨ 48:2 ပူးပေါင်းရင်းမြစ်များ

Mąątɛ̨nɛ̨ 135:21

Yai-Laa hɛɠɛɛɓo woo ə tɔɔ Siɔn daai, a yai tii heeni Ɉerusalɛmə daai! 'Kánikookwəi!

Mąątɛ̨nɛ̨ 50:2

Yálá kaa Siɔn daai, yai nɛlɛɛ, mąąkulɔi hvo mą, yɛ lən.

Mąątɛ̨nɛ̨ 76:2

Yálá aa gbɔwɔ lɛ Ɉuda nwɔ lɔi hu. Naa kɛnɛ̨i Israɛlə lɔi hu.

Mąątɛ̨nɛ̨ 87:3

A kɛ mɛ̨nįɠaa hu kulɔi a ə́ laa, a ə́ ɲɛ̨i pono mɛ̨nįɠaa, yɛ́i a Yálá nwɔ taai!

Mąątɛ̨nɛ̨ 99:9

'Ka Yai-Laai gu wɔ Yálái laa tɛ. 'Ka kwɛli hvilɛn nwɔ yee mąąhəɠɛɛi pɔ pələ, mąąhɔlɔɓo, Yai-Laa, gu wɔ Yálái Mąąhəɠɛɛi!

Azaya 14:13

Ə́ kɛi kɛ diɛ: «Gáá tɛi yələkwəi, gáá nwɔ́ tɔɔ kpəlin ɉeei Yálá nwɔ pɛmɛ̨lɛ̨n-gɔwɠaa mɛ̨i pələ, gáá lii ŋį́ hee yáláɠaa di wɔ ɲąąkpɔn ɲee nwuɔ̨, ŋį́ hee kpɔ ɲələkwəi leelee.

Azaya 2:2

Gaa pai kɛi a yələ ta, gbukpui ɲɛ̨i Yai-Laa hee pɛlɛ́ kaa mɛ̨i, gaa pai kɛnɛ̨i, ə tɛɛ ɲeeɠaa diɛ, nąąlɔwai, hį́i kəlee kaa pai pai bɔ.

Azaya 60:14

Nuąi kɛi ə́ mɔ̨nɔ̨ ɓo, di lonnii kaa pai ə́ pɔ, di mąą pɛlɛɛ, nuąi kpɔ kɛi ə́ hviiɓo, di kaa pai pɛlɛi di liiɓa, ə́ kɔ́wɔ mu. Di kaa pai ə́ laa heei a Yai-Laa nwɔ taa, Israɛlə nwɔ Mąąhəɠə mun nwɔ Siɔn taa.

Azaya 66:10

'Ka kwəinɛ̨ɛ̨ kulɔ, kaai kpɔ Ɉerusalɛmə wɛli kaa kaa, ka diɛni 'ka pili yələi a kwəinɛ̨ɛ̨. 'Ka kɛ kwəinɛ̨ɛ̨ hu, ka diɛni, 'ka ɓələn a kwənɛ̨ɛ̨, kaai kpɔ kɛli wɔlɔ mąą mɛ̨nį ɓa.

Ɉeremi 3:19

Ɲą́ą́, ŋį́ kɛi mo gwə́i, gɛ́ kɛ diɛ: «Ŋą́ kɛ kpɔ bɔ ŋį́ ə́ kɛ nón ɉinąąlɔwai a lon ɉulɔnu tɔlɔɔ, lɔi yii nu kəlee ɲɛ̨i kaa kulɔi bɔ, ŋį́ dɛɛ kɛ ə́ pɔ; a lɔi yii nɛlɛɛ mɛlaa lɔiɠaa lɔwai. Ə kɛ gwəi, ka káá pai kɛi mą́ą́: ‹Ku Nán!› Ka hva kɛa ka pulu tɔɔ mą́ą́.»

Woolaa 2:15

Tɛɛ pələi nuą da ə́ wɔ mɔ̨nɔ̨i kaa lɔ, diɛ di yee lɔwa, diɛ kwəlee hvɛɛ, diɛ di nwun gbɛŋɛ̨n. Diɛ yɛlɛ kulɔ ə́ hu, Ɉerusalɛmə, diɛ kɛ mą: «A kɛ tii, daai kpɔ di kɛi nɛlɛ mɛ̨ni ɓo diɛ ɉu ɲąąnɛ̨ɛ̨ mɛ̨ni ɓo yɛnɛ̨ɛ̨ nąą kəlee, ya ɓəi-yoo!»

Izikiɛ 20:6

Mąą yələi tii, ŋą́ gwɛ́la diɛ, ɲéé tɛɛ yələi, gɛ́ diɛ gáá di kulɔi Eziptə lɔi hu. Gɛ́ li a diɛ, nɔi tii ŋą́ ɉu mąąkpɛɛ a ka wɔɔ, ɉu. Ɓɛi hɛn gəlee a lɛlɛ laa nɔi. Nɛlɛ yee tɛɛi lɔi kəlee ɓa.

Danîa 11:16

Gɔ too mun tii, yii a nɛɛ mą, ya ɓə gaa pai gɛi, mąąhɔlɔɓo, hɛn da hva kpəɲan dɔwɔ. A kpɛɛ kɛa a gɛɛ kɛnɛ̨ɛ tii kalaa, nɔi nɛlɛi kɛɛnąą ɓə a hee laa.

Danîa 11:45

Gaa pai nwɔ tɔɔ həɠə pəlɛɠaai tɔɔi gboloyá da ɲee mąąhəɠɛɛ yii gaa nɔi lɛlɛɛ hu, di lɔwai, naa ɓə haa kaa pai həlii laa ma, nui lɔpee ta hva kpɔmąą tɛɛ bɔ.»

Danîa 8:9

Mįnɛ̨ nąąn tii, dɔ̨nɔ̨ maapoo ə tɔɔ mą a mįnɛ̨ logolo, mįnɛ̨ lon tii ə kɛnɛ̨ yɛ yɛɛ ɉɛɠɛɛ pələ, yɛ li voló həɠəi pələ, ə lɛɛ yɛ li nɔi lɛlɛɛ hu pələ.

Malasi 1:14

Kpalo ɓɛlaai hvulu mun ma, yai a daatɛlɛɛ hilɛ kɔ́lɔi pɔ̨nɔ̨ɔ̨ lɛlɛɛɠaa a di həɠə ɉu a Yálá nwɔɔ, yɛ di lɛɛ ɲəi daatɛlɛɛ kwənąn ɉu, yiiɠaai kiliin ɉi ɲɔ̨nwɔ̨ɔ̨ kaa mą, yɛ bili gee mɛ̨i, yɛ gulɔ a haláá mą́ą́. Kpalo ɓɛlaai mąą nu ɓa, mąąhɔlɔɓo, ɲą́ą́ Yai-Laa Mɛ̨nį Kəlee ŋą Hééɓomun, gáá a Yálái gaa a tɔɔmun, hį́i kəlee diɛ ɲɔw nwɔ huwalawala ɓa.

Malasi 3:12

Lɔi takpɛliɠaa kaa pai kɛi káá: Ká wɔ lɔi kaa a lúwɔ́ lɔi, mąąhɔlɔɓo, ka káá ka nɛ̨ɛ̨ hu ka pɔ lɔi. Ɲą́ą́ Yai-Laa Mɛ̨nį Kəlee ŋą Hééɓomun, wóó li.

Maafîu 5:35

Ka hvo ka kwɛla a lɔi, mąąhɔlɔɓo, Yálá kɔ́wɔ hvilɛn ɉii li. A wala kɛ tii, ka hvo ka kwɛla a Ɉerusalɛmə taa, mąąhɔlɔɓo, Yálá nwɔ taalee kɛnɛ̨ li.

Hebreu 12:22

Kɛlaa, ká wɛi, káá ká mąąlɛɠɛ Siɔn yee ɓa, da Yálá hvulú nwɔ taalee kɛnɛ̨i, a Ɉerusalɛmə yai yələi, da malaka kpulu waa tamąąi di ɲąąkpɔnŋąą hɛli hu,