Mąątɛ̨nɛ̨ 47:9 - Yálá laawoo hɛɓɛ (dc)

⁹ Yálá kaa heeni lɔiɠaa nwun mɛ̨i, Yálá aa hee nwɔ tɔɔkpəli mąąhəɠɛɛi hu.

Yálá laawoo hɛɓɛ

⁹ Yálá kaa heeni lɔiɠaa nwun mɛ̨i, Yálá aa hee nwɔ tɔɔkpəli mąąhəɠɛɛi hu.

Bible

⁹ Dínûai láa túɛ-ƃelai da pà díkîe ma, da kɛ́ a Eberaɣɛ̃ɛ Ŋɔɣâlai ŋɔnûa. Díkelee da díkɔ kɔ́-sãai tɛ́ɛ Ɣâla pɔ́ díkɛ ǹáa maa tɛ̀.

Mąątɛ̨nɛ̨ 47:9 ပူးပေါင်းရင်းမြစ်များ

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Mąątɛ̨nɛ̨ 46:10

A kɔ́ɠaa kpɛɛ lɔi nąą kəlee, yɛ kilɛn ɉu yali, yɛ kpala hu yali; a kɔ́ kɔ́ wotoloɠaa kələn.

Mąątɛ̨nɛ̨ 72:11

Tɔɔɓɛlaa kəlee kaa pai kwɛli hvilɛn ɉii mą, lɔiɠaa kəlee diɛ tí mą.

Mąątɛ̨nɛ̨ 89:18

A tɛ̨ą, yɛ́ ɓə a di wɔ huwalawalalaai hɛn da hva tɔɔ na. Yɛ́ ku ɲɛ̨i pono a ə́ yəi mɛ̨inɛ̨ɛ̨ɠaa.

Mąątɛ̨nɛ̨ 97:9

Mąąhɔlɔɓo, Yai-Laa, Yɛ́ ɓə a Hɛn Gəlee mɛ̨imun, yɛnɛ̨ɛ̨ kələ nwun mɛ̨i, Ə́ yee tɛɛ kpɔ yáláɠaa kəlee diɛ.

Lɛɛ gbɔwɔ ɓa 3:15

Yálá yɛ́ nwɔ̨nɔ̨ Moisə ɓa: «Lii ə́ kaa moi yá kɛ Israɛlə lonnii diɛ: Yai-Laa, ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ya ɓə dɔ́ɔ́ ka pɔ. Náá ka tii a yələ kəlee mɛ̨nį, ya ɓə da vɛ́li ɉu.

Lɛɛ gbɔwɔ ɓa 3:6

Ɲą́ą́ ɓə gáá a ə́ nąn nwɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá.» Moisə ə ɲee pɛlɛ ɲɛ̨i, mąąhɔlɔɓo, ə kɛi ɲɔw ɲɛ̨i heei Yálá ɓa.

Hanwon 30:5

Yálá hvaa wooɠaa kəlee kaa a tɛ̨ą. Nuąi da di mąą kilɛ vaa woo hu, gaa a di mąąkpɛmun.

Azaya 11:10

Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Azaya 49:23

Tɔɔɓɛlaa ɓə pai ə́ kulɔi ɉu, tɔɔ nɛ̨ąą diɛ ə́ ɲąąkɔn, di kaa pai kɛi pɛlɛi di liiɓa, diɛ ə́ kɔ́wɔ ɓa munuun gɔmɔ̨n, Nąąlɔwai, yá gɔlɔn gɛa, yɛ́ kɛ: Gáá a Yai-Laa, nuąi da di kilitɔɔ mą́ą́, nwumɛ̨ hva tɛ diɛ.

Azaya 49:7

Mɛ̨nįi Yai-Laa, Israɛlə nwun mąąɓo Yálá, da nwɔ nu mąąhəɠɛɛ kaa moi, ya ka: Yai daa mɛlɛ kpɛɛ mą, yɛnɛ̨ɛ̨ nuą diɛ gaa yɛ hɛn ɲɔ̨nwɔ̨ɔ̨, ə ɓo a tɔɔɓɛlaa di wɔ luwɔ, Gaa kɛi mą, tɔɔɓɛlaa kaa pai ə́ kaai, diɛ di muhəɠə, lɔi ɲąąwooɓo nuą, diɛkpɛli, diɛ kwɛli hvilɛn mą, diɛ yili kɛ tii, Yai-Laai ɲɛ̨i dəlimoɔ, mąą mɛ̨nį ɓa, Israɛlə nwɔ nu mąąhəɠəɛi ɲɛ̨i ə́ həɠə ɉu, mąą mɛ̨nį ɓa.

Maafîu 22:32

‹Gáá ɓaa a Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá.›» Jesus yɛ diɛ: «Yálá kaa a nu huluɠaa di wɔ Yálá; hvo a haaɓɛlaa di wɔ Yálá.»

Lomaŋ 11:25

Nąn nonnii, və́ bɔ ká hvo lɛɛ kwəi pilimąą hu, mɛ̨nį looŋąą ŋɛ̨i mąą mɛ̨nį ɓa, ə gɛ, ka hvo pa ka kpɔɔ kaa yɛ kilimąą nuą; Israɛlə lonnii bələ tɔ̨nɔ̨ kili walawala pələ kaa pai lɛɛi ɉu, ə lɛɛ ɉu, huwu takpɛliɠaa di di lɔi hɔlɔɓo.

Galatə 3:29

Ɛlɛɛ, akɛ, káá kɛ kɛa a Kristə nwɔɔɠaa, akɛ tii, káá ɓə a Abrahamə kwəi lon, yɛ bələi di naakwɛlanmo la, káá ɓə a gwɛlin ɉəɠə nuą.