Mąątɛ̨nɛ̨ 47:3 - Yálá laawoo hɛɓɛ (dc)

³ Mąąhɔlɔɓo Yai-Laa, Hɛn gəlee mɛ̨i mun, mąą ɲɔwuɔ ɓə, yaa ɓə a Heeɓomun gɛnɛ̨, lɔi nąą kəlee mɛ̨i.

Yálá laawoo hɛɓɛ

³ Mąąhɔlɔɓo Yai-Laa, Hɛn gəlee mɛ̨i mun, mąą ɲɔwuɔ ɓə, yaa ɓə a Heeɓomun gɛnɛ̨, lɔi nąą kəlee mɛ̨i.

Bible

³ A gɛ̀ kú kúkpɔara-ƃelai yée mɛi ɣále. A wála-wala tɛ̀ɛ kúpɔ a gɛɛ kúkɛ ǹɔii ŋûŋ-ŋai mɛi.

Mąątɛ̨nɛ̨ 47:3 ပူးပေါင်းရင်းမြစ်များ

Mąątɛ̨nɛ̨ 110:1

Yálá mąątɛ̨nɛ̨ wələ. Davidə nwɔ wələ. Mɛ̨nįi Yai-Laa ə mo nwɔ́ mɛ̨nį nąmu ɓa, ya ka: «'Hee mamįiyee hu pələ, ə lɛɛ ɉu, ŋį ə́ yowo kɛ a ə́ kɔ́wɔ tɔɔ kpəlin!»

Mąątɛ̨nɛ̨ 18:47

Mąąwiɛ ə kɛ Yai-Laa ɓa, lúwɔ́ ə kɛ mą́ą́kɔ̨nwɔ̨ kwɛni ɓa, yai a nwɔ́ yeetɛɛmąą kɛ Yálá.

Mąątɛ̨nɛ̨ 66:5

'Ka pa, ká Yálá kɛ mɛ̨nįɠaa kaa, a ɲɔw pili nu huwuɠaa kɔ́lɔi a gɛ mɛ̨nįɠaa.

Mąątɛ̨nɛ̨ 81:14

Ə li kɛ nwɔ́ nu huwui ə nwəli tɔɔ nwóó ɓa, Israɛlə a hvilɛn gɛ nwɔ́ pələɠaai mɛ̨i,

Mąątɛ̨nɛ̨ 95:3

Mąąhɔlɔɓo, Yai-Laa kaa a Yálá kɛnɛ̨, a Heeɓomun gɛnɛ̨ yáláɠaa kəlee diɛ.

Mąątɛ̨nɛ̨ 99:2

Yai-Laa kɛnɛ̨i Siɔn daai gaa heeni nu huwu kəlee nwun mɛ̨i.

Ɉeremi 10:7

Gbɛɛ a pɛli niikpələi a yɛ́! Lɔiɠaa di wɔ tɔɔmun! Mąą nɛ̨ɛ̨ kilimąą nuą di hɔlɔɓo lɔi kəlee hu, di tɔɔ, lɔiɠaa hu, Kɛlaa, nu ta hvo laa yɛ ɓo yɛ yɛ́!

Zakari 14:9

Mąą yələi tii, Yai-Laa a gbɔwɔ lɛ a yɛnɛ̨ɛ̨ kəlee nwɔ tɔɔmun, a kɛ tii, Yai-Laa yaa tanɔ̨n mə a kɛ laa, naa ə ɓo tanɔ̨n.

Malasi 1:14

Kpalo ɓɛlaai hvulu mun ma, yai a daatɛlɛɛ hilɛ kɔ́lɔi pɔ̨nɔ̨ɔ̨ lɛlɛɛɠaa a di həɠə ɉu a Yálá nwɔɔ, yɛ di lɛɛ ɲəi daatɛlɛɛ kwənąn ɉu, yiiɠaai kiliin ɉi ɲɔ̨nwɔ̨ɔ̨ kaa mą, yɛ bili gee mɛ̨i, yɛ gulɔ a haláá mą́ą́. Kpalo ɓɛlaai mąą nu ɓa, mąąhɔlɔɓo, ɲą́ą́ Yai-Laa Mɛ̨nį Kəlee ŋą Hééɓomun, gáá a Yálái gaa a tɔɔmun, hį́i kəlee diɛ ɲɔw nwɔ huwalawala ɓa.

Korɛntə dɔlɔɔ 15:25

Mąąhɔlɔɓo, hvo kɛli ə hééɓolaa kɛ, ə lɛɛ ɉu, ə ɲowoɠaa kəlee too gɔ́wɔ mu.

Dutɛrɔnome 33:29

Israɛlə! Ə́ nwun na nɛ̨ɛ̨i! Gbɛɛ ɓə ka yaa ka kulaa tii ka kee ɓai? Yɛ́i ə tɔɔ bulu ɓaa Yai-Laa! Yaa ɓə gaa a ə́ mąąkpɔmąą ɓo hə́mə́! Yaa lɔ ɓə gaa a ə́ wɔ huwalawala ɓɔwa kwɛa! Ə́ yowoɠaa di hvo kolokpɛli di lii pɔ wɔlɔi ə́ pɔ, ya di wɔ lɔi too ə́ kɔ́wɔ mu, yɛ́ hiɛ ɉu.»

Filipə 3:21

yai pai, gɔlɔ mąąwɛliɛ ŋɛ̨i guɔ, mąą hvalin ɉii a kɔ́lɔ mąąwiai gɛ pələ ə ɓo yɛ nwɛi. A yili kɛ a nwɔ huwalawalai gaa pai heei la hɛn gəlee mɛ̨i.

Zasua 21:44

Bələi lɔ Yai-Laa ə naakwɛlanmo la di nąnni diɛ, bələ ɓə ə gɛ la; a liilaa lɔi, ɲee kəlee hu. Di yowo ta hvo pɛli tɔɔi di la. Yai-Laa ə di yowoɠaa kəlee lɔ di yee ŋą.