Mąątɛ̨nɛ̨ 46:6 - Yálá laawoo hɛɓɛ (dc)

⁶ Yálá kaa daa kwəi, ɲɔw hva pɛli tooi nąą nuą hu, Yálá a kpɔnmąą tɛɛ bɔ yələɓɔi pinɛ̨ɛ̨.

Yálá laawoo hɛɓɛ

⁶ Yálá kaa daa kwəi, ɲɔw hva pɛli tooi nąą nuą hu, Yálá a kpɔnmąą tɛɛ bɔ yələɓɔi pinɛ̨ɛ̨.

Bible

⁶ Lɔii-ŋuŋ-ŋa díkaa túmo-tumoi, kâloŋ-laa-ŋa díkɛ́ kpɛ̃liŋ. Ɣâla è lòno, ŋ̀óo kɛ́ ƃò yɛ̂ɛ ŋ̀ele-gbana, ǹɔii ŋûŋ-ŋai díkɛ sèɣeŋ.

Mąątɛ̨nɛ̨ 46:6 ပူးပေါင်းရင်းမြစ်များ

Tɔɔɓɛlaa veelɛ 19:34

Gáá pai daai ŋɛ̨i mąą kpɛi, ŋą́ nínín bɛlɛ mɛ̨i, ɲą́ą́ mą́ą́ mɛ̨nį ɓa, da nwɔ́ tímun Davidə mąą mɛ̨nį ɓa.»

Kɔlɔnikɔ Veerɛi 20:1

Yili pulu, Moabə nuą, Amɔn lonnii, ə pɛlɛ la Maɔn nuą, di pa kɔ́ pɛlɛi Ɉosafatə ɓa.

Mąątɛ̨nɛ̨ 125:1

Ɲee mąąhəɠɛɛ tɛ wələ. Nuąi di kilitɔɔi Yai-Laa ɓa, di kaa yɛ Siɔn yee, yai hɛn da hva ɉəɠə dɔɔi, gaa lɔ laa a yələ kəlee.

Mąątɛ̨nɛ̨ 18:13

Kɛɛ pɔ̨nɔ̨ tawolo ə kɛ dɔwɔ, dulɔ kpinįnŋąąi tii diɛ tɛɛ, hawonn da nwɔ̨n gbaalənŋąą diɛ kulɔ.

Mąątɛ̨nɛ̨ 68:33

Yɛnɛ̨ɛ̨ tɔɔlaaɠaa, 'ka wələ too Yálá ɓa, 'ka hvɛ́li kɛ Nąmu ɓa.

Mąątɛ̨nɛ̨ 68:8

Yálá! Ɓɛlɔwai ə́ kulɔ la, ə́ ɓo ə́ wɔ nuąi ɲɛ̨itɔwɔ, ka diɛni kaa hiɛ nɔi pun ɉu,

Mąątɛ̨nɛ̨ 97:5

Yeeɠaa di kɛi həɠeen Yai-Laa tɔwɔ, yɛ kwɛ̨ingban, yɛnɛ̨ɛ̨ nąą kəlee ɲąąwooɓo Yálá tɔwɔ.

Azaya 31:5

Bələi lɔ nwɛ̨niɠaa da di koon naa ɓo la, bələ lɔ ɓə Yai-Laa Mɛ̨nį Kəlee ŋą Hééɓomun kaa pai Ɉerusalɛmə mąąkɔ̨nwɔ̨i la; gaa pai mąąkɔ̨nwɔ̨i yɛ gulɔ mɛ̨nįi, gaa pai mąąhvaalɛɛi, yɛ nwun mąąɓo.

Azaya 33:20

Ə́ ɲɛ̨i hee Siɔn taa ɓa, yai gaa a guɔ hɛliɠaai pu taa, ə́ kaa pai Ɉerusalɛmə kaai, yai gaa a liilaa kɛɛnąą, həɠə pɛ́lɛ́ yii di hva kɛa gulɔ, yai di hva kɛa gɔwɔ hvilɛn nwuluɠaa kulɔ, yai di hva kɛa ɲɛliɠaa kulɔ.

Ɉeremi 25:30

Ɛlɛɛ, yɛ́, mɛ̨nįɠaai ŋɛ̨i kəlee hukulɔ diɛ, yɛ diɛ: Yai-Laa aa lɛɛ yələkɔlɔn ɉu yɛ tomą Aa lɛɛ nwɔ pɛlɛ́ mąąhəɠɛɛ mu, nwoo yɛ tɔɔ, gaa tomąi nwɔ lɔi pɔ yɛ tomą yɛ viɲə yá kulɔ nuą hvúluun nwoo, yɛnɛ̨ɛ̨ nuą kəlee pɔ.

Izikiɛ 48:35

Mąą tinɛ̨n ŋąą doɔ gee hu, yee tɔɔɉu waa pow kɔ́w mɛ̨ihaaɓa. Ə həɠə háákəlee ɓa, daa laa ɓaa kɛa: ‹Yai-Laa kaa ɓɛ.›»

Zooɛ 2:11

Yii kpɔ Yai-Laa woo kaa nii tɔɔi, nwɔ kɔlaɠai nwun na, lono və nwɔ kulaaɠaa diɛ, nuąi da nwoo pɔ mɛ̨nį kɛ, gbalai tɔɔ Yai-Laa nwɔ hvólói kɛnɛ̨i, mąą ɲɔwa, gbɛɛ ɓə a pɛli tɔɔ na?

Amɔsə 1:2

Amɔsə tii hvaa woo ka, yɛ diɛ: Yai-Laa kaa haŋąi Siɔn taa ɓa, nwoo yɛ tɛ Ɉerusalɛmə daai yɛ yələgbaląą. Ɓɛlaa pulu nuą di wɔ ɓɛlaaɠaai laa míí, gala mąą aa wɛli. Karmɛlə Yee ton na aa kpala.

Amɔsə 9:13

Yai-Laa yɛ nwɔ̨nɔ̨ diɛ: Hvoló ta kaa pai həlii, mɔ̨nunŋaa da lɛlɛ, di lɛɛ deei, ɛlɛɛ la ɉu, kɛɛhii lɔwai ə ɉəli, Nuąi da kɛ viɲə ya kulɔi, diɛ gɛ a lɔɔ, da lɛɛ gulɔi, ɛlɛɛ la ɉu, viɲə hii lɔwai yɛ ɉəli. Nąąlɔwai, lɔɔ nįnɛ̨ a kɛ yɛɛi a yee kpukpuɠaa yɛ ya lon. Lɔɔ ya a hvɛɛ ə tɛ ɲeeɠaa kəlee diɛ.

Amɔsə 9:5

Nąmu Yai-Laa, Yai-Laa Mɛ̨nį Kəlee ŋą Hééɓomun, yai a ɲeekpiɛ hee lɔi ɓa, nɔi yɛ kpɛlin, mɛ̨i hee ɓo nuą diɛ mąąwɛli hee ɓo, nɔi yɛ hvɛɛ yɛ wolo yɛ ɲa lee ŋɛ̨i Eziptə lɔi hu.

Mise 1:4

Yeeɠaa diɛ həɠeen gɔwɔ mu. Yee lɔwai lɔiɠaa diɛ həɠeen, yɛ da nwɔ̨n ɉee kwɛ̨in gban ma. Yɛ da yá pu kɛɛnąą hviən ŋąą ɓa.

Nahumə 1:5

Yeeɠaa da kɛ kpɛlin ɉii ɲɛ̨i tɔwɔ, yee kpu kpuɠaa diɛ tɔɔ takpa takpa, lɔi a gaa, ɉu yɛ pu mą, yɛnɛ̨ɛ̨ pilɛɛ gee mɛ̨i da ɉu hee ɓo nuą kəlee.

Dutɛrɔnome 7:21

Ka mąą hvo kpɛlin nɔiɠaa tii ɲɛ̨i tɔwɔ. Mąąhɔlɔɓo, Yai-Laa ka wɔ Yálái hɛn da hva tɔɔ na, ɛlɛɛ, gɛnɛ̨i mąąwia; gaa tɔɔi ka pulu.

Zasua 2:11

Kwaa bələ mɛ̨n, ɛlɛɛ hvaŋą aa kpɛɛ ku yəi. Tín aa nu kəlee hon ka tɔwɔ, mąąhɔlɔɓo Yai-Laa ŋɛ̨i gaa a ka wɔ Yálá, ya ɓə gaa a yələkɔlɔn ɉu Yálá yɛ ɓo a lɔi mɛ̨i Yálá.

Zasua 2:24

Di mo Ɉosue ɓa, diɛ mą: «Kwaa gaa kpɔ kuɔ diɛ Yai-Laa aa nɔi tii tɛɛ gu pɔ, mąąhɔlɔɓo, gu mąą mɛ̨nį aa kpɛlin doo nɔi nuą kəlee hu.»

Zasua 2:9

Yɛ diɛ: «Ŋį́ gɔlɔn gɛ́ diɛ Yai-Laa aa nɔi ŋɛ̨i tɛɛ ka pɔ, ka pa mɛ̨nį ɓɛ, mąą tín aa too, kpɛlin aa too nɔi nuą kəlee hu.

M̀ɛni-lɛɛi 20:11

Yili pulu, ŋį́ tɔɔkpəlin gɛnɛ̨ gwɛlɛɛ pə-pə ta kaa, nui kɛ ɉu heeni; lɔi da yələkɔlɔn di pu dɔwɔ, di pɔɔ kpɛli hvo lɛɛ laa.