Mąątɛ̨nɛ̨ 46:10 - Yálá laawoo hɛɓɛ (dc)

¹⁰ A kɔ́ɠaa kpɛɛ lɔi nąą kəlee, yɛ kilɛn ɉu yali, yɛ kpala hu yali; a kɔ́ kɔ́ wotoloɠaa kələn.

Yálá laawoo hɛɓɛ

¹⁰ A kɔ́ɠaa kpɛɛ lɔi nąą kəlee, yɛ kilɛn ɉu yali, yɛ kpala hu yali; a kɔ́ kɔ́ wotoloɠaa kələn.

Bible

¹⁰ Ɣâla a m̀ôi ǹyɛɛi, “Ka kpera kɔ̂i kákîe-ni pɔ́. Ka gɔ́lɔŋ a gɛɛ ńyãa ƃa Ɣâla. Ŋáwala-wala-laai káa ǹɔii-ŋûŋ-ŋai kélee mɛi ŋ̀éniɛi su.”

Mąątɛ̨nɛ̨ 46:10 ပူးပေါင်းရင်းမြစ်များ

Tɔɔɓɛlaa dɔlɔɔ 18:36

Yələ wulii haláá kulɔi lɔwai, Yálá kwəi mɛ̨nį hukulɔ mun Eli ə lɛɠɛ laa, ə nwoo tɛ yɛ diɛ: «Yai-Laa! Abrahamə Isaakə, da Ɉakɔbə ni di wɔɔ Yálá, nɛ háákələi Israɛlə nuą diɛ, yɛ́ diɛ yɛ́ ɓə a Yálá Israɛlə lɔi hu, ɛlɛɛ, gɛ́ ɓo a ə́ wɔ tímun. Ɛlɛɛ, ə lawoo pɔ ɓə ŋą́ mɛ̨nįɠaa kəlee kɛ la.

Tɔɔɓɛlaa veelɛ 19:12

Nɔiɠaa ŋɛ̨i ku nannii di ɉon, di wɔ haliɠaai di pɛli mɔ̨ɔ̨ di nwun mąąɓoi? Mį ɓə, Gozan, Haran, Rɛsɛfə, da Edɛn lonnii di kaa laa, diɛi kɛ Telasarə?

Tɔɔɓɛlaa veelɛ 6:23

Israɛlə tɔɔmun ə kɔ̨nɔ̨n dɛɛ di pɔ, di mįi, yili pulu ə ɓo diɛ də li di mɛ̨nį nąmu pɔ. Ə kɛ lɔ tii, Aramə nuą di kpəla hvaa teɛ ɓa Israɛlə nuą diɛ.

Kɔlɔnikɔ Maa-ŋuŋ 29:11

Heeɓolaa, huwalawalalaa, lɛlɛ, mąąɲįnɛ̨n, mąąwiɛ, di kaa Ə́ yəi, gbala ə tɔɔ, hɛn lɔpee yələ kɔ́lɔn ɉu, da lɔi ɓa, Ə́ wɔɔ ɓaa a gəlee. Ə́ wɔ tɔɔlaa da ɲąąwooɓolaa pɛlɛɛi hɛn gəlee mɛ̨i.

Mąątɛ̨nɛ̨ 100:3

'Ka gɔ́lɔn kaa, Yai-Laa ɓə a gu wɔ Yálá, Ya ɓə gu pɛli, bɔɔ ɓaa a guɔ, gu ɓo a nwɔ nu huwu, a ɲəi gwɛnąn ɉu taatɛlɛɛ.

Mąątɛ̨nɛ̨ 21:13

Mąąhɔlɔɓo, yá di too di kpowoɲɛ̨i ɓa pələ, yɛ́ di hɛŋi di ɲɛ̨ilain a ə́ wɔ kilɛn.

Mąątɛ̨nɛ̨ 37:15

Kɛlaa, di kpɔwɔ ɓɔwa tii, aa lɔ di hu, gilɛnŋaa hu yɛ yali.

Mąątɛ̨nɛ̨ 57:5

Ŋą́ą́ laa yalaɠaa lɔwai, di kpəiɛ yɛ nwɔ̨n, a diɛi tii da nu kan ɉu kalai, kpalaɠaa, da tɔ́nwąɠaa ɓə di la, a di ɲįn, di nɛ̨n ə ɓo a ɓɔwa kwɛaa ɲąą liɛ.

Mąątɛ̨nɛ̨ 83:18

Di hu ə pu diɛ a nwumɛ̨ da ɲɔw, di ɓɛlɛ ə kpɛɛ diɛ, ɓáá ə kulɔ diɛ, ə lɛɛ ɉu di haa la.

Lɛɛ gbɔwɔ ɓa 18:11

Ŋą́ą́ laa na kɛa, gɛ́ diɛ: Yai-Laa kɛnɛ̨i dɛɛ haliɠaa kəlee diɛ, ə nwɔ kɛnɛ̨ laa lɛ Eziptə nuąi kɛi Israɛlə nuą mɔ̨nɔ̨ ɓo diɛ.»

Azaya 2:11

Kpɔwɔɲąą kɛnɛ̨ nuą, mąą a yɛɛ, ɲɛ̨itɛ nuą di kwɛli hvilɛn, a mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 2:17

Nuą di wɔ kpɔwɔŋąą kɛnɛ̨ mąą a yɛɛ, nuąi di huɲąŋą kɛnɛ̨, da di laa pɛlɛi pɔlɔ ɓa. Mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 2:4

Ya ɓə pai hį́i kəlee yee lɔi gee hu, ya ɓə pai nuą lɔwai mɛ̨nįɠaa hutɔɔi, di wɔ ɓɔwa kwɛaɠaai ɓə gaa pai bɛlɛi gee ɓa, di gɛ a kali, di wɔ kpalaɠaai ɓə di kaa pai gɛi a mɔ̨nun dee kɛlɛlɛ, lɔi ta hva kɛa kɔ́ pɛlɛ mɛlan ma, lɔi ta hva kɛa kɔ́ kɔ́ɔ mąą kwɛli.

Azaya 5:16

Yai-Laa Mɛ̨nį Kəlee ŋą Hééɓomun laa kaa pai tɛi, nwɔ kiti tee pələ hu, Yálá mąąhəlɛɛ kaa pai gbɔwɔ lɛi a mąąhəɠɛɛ ɉaŋą pələ hu.

Ɉeremi 49:35

Yai-Laa Mɛ̨nį Kəlee ŋą Hééɓomun nwoo ka, yɛ diɛ: «Gáá pai Elamə nwɔ kilɛn hu yalii, yaai gaa a vaŋa mɔlɔmun.

Izikiɛ 30:8

Da gili kɔ́lɔn a mąą yələ diɛ kɛ Yai-Laa ɓaa a ɲą́ą́; a ɲələi ŋą́ nwɔ̨n doo la Eziptə lɔi hu, ɛlɛɛ nuąi kpɔ da kpɔnmąą tɛɛ bɔ gəlee hu ə wolo.

Izikiɛ 38:23

Gáá pai mą́ą́wiɛ pələ da mąąhəɠə pələ tooi pɔ̨nɔ̨ ŋą di ɲɛ̨i; gɛ́ gɛ lɔi kpulu tamąą diɛ gɔ́lɔn. Da gili kɔ́lɔn dii, diɛ kɛ: Yai-Laa ɓaa a ɲą́ą́.»

Izikiɛ 39:3

Gɛ́ ə́ kɛlɛ, ə́ kɛɓɛyee yɛ kulɔ ə́ wɔ kilən ɓa; gɛ́ ə́ wɔ tɔ́nwąɠaai kulɔ ə́ ɓa-mįi-yee ɲą, gɛ́ di pu nɔi ɓa.

Mise 4:3

Ya ɓə pai kɛi a lɔi tamąą lɔwai kiti teemun, lɔi kpɛa kpɛa lɔwai mɛ̨nį ɓomun, ə mą kɛ yiiɠaai kwɛa la. Di kaa pai kɛi di wɔ kɔ́ kɔ́ ɓɔwaɠaa yɔwii a kaliɠaa, diɛ di wɔ kpalaɠaai yɔwu a mɔ̨nun dee ɓɔwaɠaa. Lɔi ta hva kɛa pɛlɛ mɛlan nɔi ɓa a kɔ́, di hva kɛa di mąą kwɛli kɔ́ kɔ́wɔ ɓa.

Habakukə 2:20

Kɛlaa, Yai-Laa kaa nwɔ pɛlɛ́ mąąhəɠɛɛ mu. Lɔi kəlee, ka ka mɛ̨i haa nííla.

Zakari 2:13

Ɲąą gá, gáá pai ɲéé pilii di hu, diɛ too di kpɔwɔ luwɔɠaa yee mu. Yili akɛ tii, ka gɔlɔn gea kaa diɛ; Yai-Laa Mɛ̨nį Kəlee ŋą Hééɓomun ɓə dɔ́ɔ́.

Zasua 11:6

Yai-Laa yɛ Ɉosue ɓa: «Hvo ɲɔw diɛ! Tinąą, kpɔlɔ a ɓɛlɔwai, ŋą́ di lɔ Israɛlə nuą yee ŋą a di powa. Ə́ kaa pai di wɔ hooɠaai kɔ́wɔ pulu laną teei, yɛ di wɔ kɔ́ kɔ́ wotoloɠaai kələn.»

Zasua 11:9

Ɉosue ə di hon yɛ bələi Yai-Laa ə mo la mą. Ə di wɔ hooɠaa kɔ́wɔ pulu lana tee, ə di wɔ kɔ́ kɔ́ wotoloɠaa kələn.

Samuɛlə dɔlɔɔ 17:46

Háákələi kpɔ-kpɔɔ, Yai-Laa kaa ə́ lɔi ɲə́ə́ ŋą. Gáá ə́ paai, ŋą́ ə́ nwun dee ə́ ŋą. Háákələi kpɔ-kpɔɔ, Filisti nuą di wɔ kɔlaɠai powa kaa lɛɛ a yələi nwɛ̨niɠaa da lɔwɔ huwɔɠaa kɔ̨nɔ̨n. Hį́i kəlee kili kaa pui ɉu diɛ kɛ Yálá kaa Israɛlə yəi.

Samuɛlə dɔlɔɔ 2:4

Kɔ́kulááɠaa di wɔ kilɛn hu a yali, Kɛlaa nuąi kɛi pa tooi, daa di hąą yili a huwalawalalaa.