Mąątɛ̨nɛ̨ 45:3 - Yálá laawoo hɛɓɛ (dc)

³ Nu kanŋaa lɔwai, yɛ́ lɔ ɓə a nɛlɛɛmun, mɛ̨inɛ̨ɛ̨ lɔ ɓə a kulɔ ə́ la, mɛ̨nįi gɛ Yálá yɛ lúwɔ́ too yɛ́ ɲɛ̨n deei hvo mą, yaa li.

Yálá laawoo hɛɓɛ

³ Nu kanŋaa lɔwai, yɛ́ lɔ ɓə a nɛlɛɛmun, mɛ̨inɛ̨ɛ̨ lɔ ɓə a kulɔ ə́ la, mɛ̨nįi gɛ Yálá yɛ lúwɔ́ too yɛ́ ɲɛ̨n deei hvo mą, yaa li.

Bible

³ Íƃoa-sɔkpɔi tóo íleɣei, gâloŋ wála-walaai. Ímu wuyɛ̂ɛi, ƃaa kɛ́-maa kɛ́ ƃò yâ.

Mąątɛ̨nɛ̨ 45:3 ပူးပေါင်းရင်းမြစ်များ

Zôo 1:16

Ə lɛɛ lɔ nwoo hukulɔi, da kpɛli ə pa, yɛ diɛ: «Yələ gbąnąą aa too mɛlaaɠaa diɛ, aa di paa, da di mɛ̨i kaa nuą kəlee, aa di kəlee di kələn; ɲą́ą́ dɔ̨nɔ̨ lɔ ɓə kulɔ ɉu, gɛ́ pa nwɛlɛɛ ɓoi.»

Mąątɛ̨nɛ̨ 104:1

Nį́i, Yai-Laa mąąwiɛ, Yai-Laa nwɔ́ Yálá! Ə́ kɛnɛ̨ɛ̨i tai! Ə́ mąąyiliɛ a lɛlɛ da ɲɛ̨ipono.

Mąątɛ̨nɛ̨ 145:12

Diɛ ə́ kɛ mɛ̨nį kpɛa kpɛa hukulɔ nuą diɛ, da ə́ wɔ Tɔɔlaa nwɔ mąąwiɛlaa hu kɛnɛ̨ pələ.

Mąątɛ̨nɛ̨ 145:5

Gáá pai kɛi ə́ wɔ kpalo mɛ̨nįɠaai bələ ɓoi, ə mą kɛ, ə́ mąąwiɛ pələ aa ə́ ɲɛ̨i pono kɛnɛ̨.

Mąątɛ̨nɛ̨ 21:5

Ə yɛnɛ̨ɛ̨ hu hvɛli yɛ́, ə́ dɛɛ bɔ, a yɛnɛ̨ɛ̨i kpɛɛ hvo mą.

Mąątɛ̨nɛ̨ 21:7

Yáá gɛ a lúwɔ́lon, a yələ kəlee mɛ̨nį, a kɛ ə́ ɲɛ̨i mu, yá gɔ́ a kwəinɛ̨ɛ̨.

Mąątɛ̨nɛ̨ 96:6

Ɲɛ̨ipono, da lɛlɛ di kaa dɔwɔ, huwalawalalaa da mąąwiɛlaa di ɓo ɲəi bɛlɛ́n.

Wɛli 2:3

Bələi magolon nwulu kaa la wɛlai wuluɠaa lɔwai bələ ɓə nwɔ́ wɛlii kaa la mɛlaa hinąą lɔwai, nwɔ nįnįn ɲąą laɠiɛ mu ɓə ŋą́ hee laa nɛ̨́ɛ̨́ hu. Ɛlɛɛ ma ləɠən a lɔ nɛ̨́ŋɛ̨-nɛ̨́ŋɛ̨ mu.

Wɛli 5:13

Gumɔɠaa kaa yɛ wulu powa mąą kun nɛ̨ɛ̨, gun yɛ tɛ. Naawulun gaa yɛ yagbudɛn powa aa kɛi hvólón; yai gun a kulɔ a nɛ̨ɛ̨.

Azaya 49:2

Ə nwóó kɛ ná yɛ ɓɔwa kwɛaa ɲąą kuláa, ə mą́ą́ kpɛ ɲee nįnįn mu. Ə gɛ́ a tɔ́nwą ɲąąkulaa, ə nów nwɔ tɔ́nwą taai hu.

Gɛlaɠaa 10:36

Ə mɛ̨nįɓo Israɛlə lonnii diɛ, yɛ liilaa wəlɛɛ lɛlɛɛ laa həli diɛ, a Jesus Kristə yai a nu kəlee di Ną́mu.

Lomaŋ 14:9

Mąąhɔlɔɓo, Kristə kɛ mɛ̨nį a haa nuą, da yɛnɛ̨ɛ̨ nuą di Nąmu ɓə gɛ, yɛ haa la, yɛ pənə yɛ nwun.

Hebreu 1:3

Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.

Hebreu 4:12

Hvo gaai, Yálá laa woo kaa a vulúmąą, vaŋą ə ɓo ɉu, ɲąąliɛ dɛɛ líikpakpa ɓa. A lɔ kpɔ nu hu, ə gili da nįį di ɓɛlaɓo, ə gbulɔn na da gbɔlɔ di ɓɛlaɓo. Yɛ nu kɛ mɛ̨nįɠaa da nwɔɔ kiliŋąhiɛɠaa di hukpɛ.

Hebreu 8:1

Mɛ̨nįɠaa ŋɛ̨i ku kaa moi, gəlee nwun gbɔ-kpɔɔi ga mą, ya ka: ɉaláá laa həli mun gɛnɛ̨ɛ̨ taaləi tii ɓə gaa ká gu yəi, yai heeni dɔɔkpəlin ŋą mąąwiɛlaa yee lɛlɛɛ hu, yələkɔlɔn ɉu.

Zûu 1:25

Yálá kɔw tanɔ̨n tii a gu ɓalomun, gu Nąmu Jesus Kristə laa hu, mąąwiɛ, kɛnɛ̨ laa, huwalawala da heeɓolaa ə kɛ mą, yiihu ə lɛɛ ɉu wɔ, Yálá ə kɛ!

M̀ɛni-lɛɛi 1:16

Pɛmɛ̨lɛ̨n-gɔw mɛ̨ihveelɛ ə kɛ mamįiyee ɲą, ɛlɛɛ, líikpakpa kwɛa ɲąąliɛ, yɛ kulɔ na. Ɲɛ̨ilai yɛ lən yɛ hvóló a tɛ nwun ma.

M̀ɛni-lɛɛi 19:15

Liikpakpa ɲąąliɛɛ yɛ kulɔ na, hįi lɔiɠaa kɛlɛ mɛ̨nį ɓa. Yɛ di tənən dɔɔ a kwɛli hvaɠa, gaa pai Huwalawala Kəlee Nąmu ŋą lííholi lɔɔi nɛn ɉii gɔwɔ hu, tan ɉii a gɔwɔ.

M̀ɛni-lɛɛi 19:21

Gbəliɠaai lɛɛ, niikpakpai tii kɛli kulɔ ɉoo mɛ̨imun na, ə di nwun na pili, nwɛ̨nįɠaa di pilɛ di powa hu.

Nwun mąąɓo 3:16

Ehudə ə ɓɔwa pɛli, ɲąąliɛ bələ hveelɛi, gwɛa yee ə ɓo a yee laa mą tɔ̨nɔ̨, ə gbulɔn nwɔ həɠəi mu, mamįiyee wɛla ɓa.