Mąątɛ̨nɛ̨ 45:13 - Yálá laawoo hɛɓɛ (dc)

¹³ Akɛtii, Tirə nuą, a ɉɛn gɔw lɔi tii hu nuą, di kaa pai ə́ mąąpui a mɛ̨inɛ̨ɛ̨ kpɛa kpɛa.

Yálá laawoo hɛɓɛ

¹³ Akɛtii, Tirə nuą, a ɉɛn gɔw lɔi tii hu nuą, di kaa pai ə́ mąąpui a mɛ̨inɛ̨ɛ̨ kpɛa kpɛa.

Bible

¹³ Gâloŋ ǹóŋ-nɛnii káa gâloŋ-pɛrɛi mu maa ɣiriɛɛi kpɔ́ a ǹɛ̂lɛɛ. Zeɣei gáa m̀ai, balâai a gôo yee-karo.

Mąątɛ̨nɛ̨ 45:13 ပူးပေါင်းရင်းမြစ်များ

Tɔɔɓɛlaa dɔlɔɔ 5:15

Tirə tɔɔmun Hiramə ə nwɔ nuą tɔɔ Salomɔn pɔɔli, mąąhɔlɔɓo, aa kɛ mąn diɛ kɛ daa ɉee a nąn Davidə mąąhvalin. Hiramə yaan, ə wɔlɔ kɛ a Davidə mɛlan.

Wɛli 7:1

'Pənə ə́ pa! 'Pənə ə́ pa Sulamə Nɛ̨ɛ̨nu! 'Pənə ə́ pa! 'Pənə ə́ pa! Ku ə́ wɔ lɛlɛ mąąkpɛɛ! Ka pɛli Sulamə nɛ̨ɛ̨nui ŋɛ̨i nwɔ lɛlɛ mąąkpɛɛi ləi? Yɛ mąną yɛ, nu a kɛ kpulu heei hveelɛ lɔwai?

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Maafîu 5:16

Bələ ɓə mąąnɛ̨ɛ̨ ka wɔ kɛɛpono ə kɛ la nuą lɔwai, ə gɛ nuą di ka wɔ túwɔ́ pələ lɛlɛɛ kaa, di mąąwiɛ tɛɛ ka Nąn Yálá pɔ, yai gaa yələi.»

Lukə 11:40

Ka hva mɛ̨nį ŋąą kaa! Nui gɔlɔ ɓa pɛli, yaa lɔ ɓə ɉu pələ pɛli.

Lomaŋ 13:14

Kɛlaa, ka gu, gu Ną́mu Jesus Kristə kɛ a gu kwąną həɠə, 'ká hvo ká kpɔwɔ lɛɛ kɔlɔ yeekɔnma, ɲɛ̨ikulɔ bɔ laa yɛ hee la ká mɛ̨i.

Lomaŋ 2:29

Kɛlaa, yii nu hu pələ, noɔ, ya ɓə a nu kɛ a Ɉuifə mun neelee, ɛlɛɛ, kɛ́nɛ̨lonnaa ɓaa, yii nu kili ɓa pələ yɛ bələi Yálá kaa la bɔ, ya hvaa yii ɉɛɓɛ́ hu. Mąą nu ŋą mąąwiɛ hva həɠə nuą pɔ pələ, kɛlaa a həɠə Yálá pɔ.

Lomaŋ 3:22

Yálá a nu kɛ a tələnmomun ɲɛ̨i ɓa akɛ mąą nu a laa Jesus Kristə la. Nuąi da laa Jesus Kristə la, diɛ ɓə Yálá a yili kɛ diɛ. Mąąhɔlɔɓo, nu ta hvo hviala ɓo li mɛlan ma.

Korɛntə veelɛ 5:17

Yili ɓa, nui gaa Kristə hu, gaa kɛa a gulaa-nįnɛ̨, ɲɛnɛ̨ɛ̨ pɔlɔ aa tɛɛ, mąą aa hvalin a nįnɛ̨.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

M̀ɛni-lɛɛi 3:18

gáá ə́ liɛwoo kɛi, gɛ́ ə́ pa, ə́ hɛni huwaa nwɔ̨n ɉu yá, ɲɛ̨́i, əgɛ, ə́ yee la ə hvoloon, ɛlɛɛ, ə́ həɠə kwɛlɛɛɠaa yá, ə́ ə́ tənə mąą kpulu la, əgɛ, ə́ kpuwulu kaa nwumɛ̨ hvo hee yɛ́, ɛlɛɛ, ə́ ɲɛ̨inwąną hali yá, ə́ ɉiɛ ə́ ɲɛ̨i, ə́ ɲɛ̨i ə kɛɛ mąą kpɛɛ.

Samuɛlə dɔlɔɔ 16:7

Kɛlaa, Yai-Laa yɛ Samuɛlə ɓa: «Hvo ə́ kili lɛɛ nui ŋɛ̨i koloon ma, da dɔɔmɛ̨i, yili hvəi gáá bɔ. Yii nuą da gaa, yili hvəi; nuą di wɛi, da nu kɔ́lɔ ɓa kaa, Yai-Laa yɛ nu líí hu kaa.»