Mąątɛ̨nɛ̨ 44:2 - Yálá laawoo hɛɓɛ (dc)

² Yálá, mɛ̨nį ɲɛ̨i kɛnɛ̨ɠaai wɔlɔ ə́ gɛ, a ku nąnni di wɔɔ yələi, daa ɉu kulɔ kuɔ, ə too ku wəlii, a gbakolo koloi tii wɔlɔ ə́ gɛi.

Yálá laawoo hɛɓɛ

² Yálá, mɛ̨nį ɲɛ̨i kɛnɛ̨ɠaai wɔlɔ ə́ gɛ, a ku nąnni di wɔɔ yələi, daa ɉu kulɔ kuɔ, ə too ku wəlii, a gbakolo koloi tii wɔlɔ ə́ gɛi.

Bible

² Dí m̀o kûa berei diai dífe láa ní a ímaa mɛ̂nii, í díkpɛ̀ la ǹɔii ma, í dɛ́ɛ ínûai pɔ́i. Kú m̀ɛni berei í lɔii-ŋuŋ-ŋa su-ƃela kula maa kɛ̀ la, da berei í lûwa làa la ínûai dîa a gɛɛ dí ƃûu ƃói.

Mąątɛ̨nɛ̨ 44:2 ပူးပေါင်းရင်းမြစ်များ

Samia Veerɛi 23:12

Sama ə tɔɔ dɔwɔ́ kpɔlɔ hu, ə kulɔ Filisti nuą tɛɠii, ə di paa; gɔ ə nɛ̨ɛ̨ laa Yai-Laa ɓa kpɔ kɛnɛ̨.

Samia Veerɛi 7:10

Gáá pai lɔi tɛɛi nwɔ́ nu huwu Israɛlə pɔ, gɛ́ di hamu hvilɛn, diɛ hee kpɔ tin-tin, di mąą hvo kɛa pai kpɛlin ɉii, ɛlɛɛ, nwąnąlɔ nuą di hva kɛa pənə di hvo hee di mɛ̨i yɛ bələi di kɛi gɛ la tɔlɔɔ tɔlɔɔ yələ.

Mąątɛ̨nɛ̨ 105:44

Ə tɔɔɓɛlaa di wɔ lɔi həɠə, ə dɛɛ di pɔ, diɛ huwu ta kpɛliɠaa kɛ kólo tɔlɔ mįi.

Mąątɛ̨nɛ̨ 78:55

Ə nuą kpɛ di tɔwɔ, ə di wɔ lɔi ɲąąkwɛlɛ diɛ, nɔi ə lɛɛ a di kwɛlin; ə Israɛlə nu huwu hee di wɔ pɛlɛ́ɠaai mu.

Lɛɛ gbɔwɔ ɓa 10:2

Ŋą́ yili kɛ tii, ə gɛ, bələi ŋį́ mɛ̨nįɠaa kɛ la Eziptə lɔi hu, ka gɔ́lɔn a Yai-Laa. Ə́ pa kɛ ɉukulɔi ə́ lonnii diɛ da di wɔɔ lonnii.»

Lɛɛ gbɔwɔ ɓa 15:17

Ə́ kaa pai lii a diɛ, Ə́ di hee, yee nwuɔ̨, Ə́ wɔ lɔi hu; Yai-Laa nąą ɓə Ə́i hee kulɔ laa, Yai-Laa, nąą ɓə ə́ ə́ hee pɛlɛ́ kɔ́wɔ hvilɛn naa.

Lɛɛ gbɔwɔ ɓa 15:19

Eziptə tɔɔmun nwɔ hooɠaai, nwɔ wotoloɠaai, da nwɔ hoo mɛ̨i nuą, di lɔ gboloyá hu, Yɛ́ ɓə ɲá hiɛ di mɛ̨i. Kɛlaa, Israɛlə lonnii di wɛi, di ɲá teen a di kɔ́wɔ mąą kpalaa.

Lɛɛ gbɔwɔ ɓa 23:28

Gáá pai kwɛinŋaa tɔɔi di li, di Hivi nuą Kanaan nuą da Hɛtə nuą kpɛ ka tɔwɔ.

Lɛɛ gbɔwɔ ɓa 34:11

Mɛ̨nii gáá moi yɛ́ háákələi, ə́ kili lɛɛ ɉu a nɛlɛɛ. Gáá pai Amɔrə nuą, Kanaan nuą, da Hɛtə nuą, da Perizi nuą, da Hivi nuą, ɛlɛɛ da Ɉebusə nuą kpɛi ka tɔwɔ.

Azaya 51:9

'Ə́ muhəɠə, 'ə́ muhəɠə, ə́ wɔ huwala walai ɲąątɛ, Yai-Laa yee kɔ̨nwɔ̨n ɉu kɛnɛ̨ɛ̨, 'ə́ muhəɠə yɛ bələi wɔlɔ ə́ kɛi gɛ la, a tɔwɔ tɔwɔ yələɠaai tii, kɛlɛi yɛ́ ɓə Rahabə hu tee-ee, yɛ́ ɓɔ gboloyá hu kaalə kɛnɛ̨i hu,

Ɉeremi 32:23

Di pa di hee ɓɛ, kɛlaa di hvo di wəli tɔɔ ə́ woo ɓa, di hvo lɛɛ ə́ wɔ tɔ́n nwooi pulu, mɛ̨nįɠaai kpɔ ə mo diɛ, di hvo da kɛ. Yili ɓə gɛ, yɛ́ mɛ̨nį ɲąąnwąnąą huwu lɔpee gəlee laa diɛ.

Lonon mo 13:32

Di tɔɔ kɛa diɛ nɔi tii di tɛɛ ɉu, diɛ mąą kun ɲɔ̨n vaa ɓo, Israɛlə nuą diɛ, diɛ kɛ mą: «Nɔi ŋɛ̨i kwəli nɛ̨nɛ̨ɛ̨n naa kɛi ɉu, gaa a lɔi da kɛ di kee mįi ɉu, ə lɛɛ nuąi kpɔ di kaa laa, di kaa a nu kpaɠala kpaɠalaɠaa.

Dutɛrɔnome 32:7

Ə́ kiliŋąhiɛ tɔwɔ-tɔwɔ hvólóɠaa hu, Gwɛlanŋąąi daa tɛɛ, ə́ kiliŋąhiɛ diɛ! Ə həɠə kpɔ tɔwɔtɔwɔ yələ ɓa, ə́ nąnni mąąnikɛ, da nɛ yɛ́. Ka wɔ kalanɉonŋąąi mąąnikɛ, da ɉukulɔ yɛ́.

Dutɛrɔnome 4:38

Nu huwu kpɛa kpɛaɠaa, di hvaŋą kɛnɛ̨ɛ, di tɛɛ kaa, ə di wɔ lɔi kulɔ di yəi, yɛ dɛɛ ka pɔ, kaa hee ɉu a ka wɔɔ, yɛ bələi gaa la háákələi.

Dutɛrɔnome 7:1

Ɲələi Yai-Laa ka wɔ Yálái kaa pai ka lɔi la nɔi ŋɛ̨i ka káá pai ɉɔlɔɓoi a ka wɔ ɉui; yɛ nu huwu tamąą kpɛ ka ɲɛ̨i tɔwɔ, diɛi a: Hɛtə nuą, Girgasə nuą, Amɔrə nuą, Kanaan nuą, Perizi nuą, Hivi nuą, ɛlɛɛ da Ɉebusə nuą; nu huwu mɛ̨ihveelɛi tii di tamąąi, di hvaŋą kɛnɛ̨ di tɛɛ kaa,

Zasua 10:11

Di kɛɛ pui Israɛlə tɔwɔ diɛ Bɛtə-Horɔn yee yɛɛ, Yai-Laa ə hanwon gbuwulu kpɛa-kpɛa kulɔ yələi pələ yɛ bu diɛ, di həli kpɔ Azeka, di haa. Yiiɠaai haa ɉanwon gbuwuluɠaa yəi, di tamąą di tɛɛ yiiɠaai Israɛlə nuą di di paa a ɓɔwa diɛ.

Zasua 10:42

Ɉosue ə dɔɔɓɛlaa tii kəlee hon da di wɔ tɔɔ lɔiɠaa, kɔ́ tɔ̨nɔ̨ hu. Mąąhɔlɔɓo, Yai-Laa Israɛlə nwɔ Yálá tɔɔi kɛ Israɛlə pulu gɔi tii hu.

Zasua 11:23

Ɉosue ə nɔi kəlee hon, yɛ bələi kpɔlɔ Yai-Laa ə mo la Moisə ɓa, ə dɛɛ Israɛlə pɔ a ɉee lɔi, ə ɲąąkwɛlɛ Israɛlə huwu hu nuą lɔwai; nɔi ə liilaa hɔlɔɓo, kɔ́ hvo kɛ laa.

Zasua 21:43

Nɔi Yai-Laa ə naakwɛlanmo yɛ gaa dɛɛi Israɛlə galaɓɔlɔni pɔ, ə gəlee tɛɛ Israɛlə lonnii pɔ, di hee laa.

Zasua 24:12

Ŋį́ gbeapili kpulu tɛɛ ka ɲɛ̨i tɔwɔ, di Amɔrə tɔɔɓɛlaa hveelɛi kpɛ ka ɲɛ̨i tɔwɔ; ka wɔ kɔ́ kɔ́ ɓɔwaɠaa, da ka wɔ kilɛŋąąi hvəi yili kɛ.

Zasua 3:10

Yili pulu, Ɉosue yɛ diɛ: «Ka káá pai gɔlɔn ɉii kaa diɛ, Yálá húlu kaa ka lɔwai. Ɛlɛɛ, Kanaan nuąi a: Hɛtə nuą, Hivi nuą, Perizi nuą, Girgasə nuą, Amɔrə da Ɉebusə nuą, gaa pai di kpɛi ka tɔwɔ.

Nwun mąąɓo 6:13

Zedeɔn yɛ malaka ɓa: «Ee! Nwɔ́ mɛ̨nį Nąmu! Akɛ Yai-Laa kaa ku pɔ, lə mɛ̨nį ɓa, mɛ̨nį ɲąąnwąnąąi ŋɛ̨i kaa laai kuɔ? Ku nąnni di kɛ kuɔ, Yai-Laa ə wɔlɔ di kulɔ Eziptə lɔi hu, ə kpalo mɛ̨nį tamąą kɛ di ɲɛ̨i ɓa, nwɔ mɛ̨inɛ̨ɛ̨ tii kaa kɛa mį? A tɛ̨ą, Yai-Laa aa gili kulɔ ku hu, aa ku kwɛlɛ Madian nuą diɛ.»