Mąątɛ̨nɛ̨ 43:2 - Yálá laawoo hɛɓɛ (dc)

² Yálá, yɛ́i a mą́ą́ kilɛ taa wala wala, lə ɓə kɛ yai ə́ bílí? Yɛ́ nɛ́ɛ́ laa, gɛ́ li a ɲɛ̨́i mąąwɛliɛ, ɲówó həɛ ɉú kpɔ tii kɛnɛ̨-o?

Yálá laawoo hɛɓɛ

² Yálá, yɛ́i a mą́ą́ kilɛ taa wala wala, lə ɓə kɛ yai ə́ bílí? Yɛ́ nɛ́ɛ́ laa, gɛ́ li a ɲɛ̨́i mąąwɛliɛ, ɲówó həɛ ɉú kpɔ tii kɛnɛ̨-o?

Bible

² Yá ƃa Ŋáɣâlai. Yá ƃa ŋ́uŋ ma ƃó-nuui. Ya nia ḿâ lé mɛni ma? Ya ǹɛɛ̂i naa ŋ́gbɔara-ƃelai díkɛ tùa ŋí a ńyãa a dáre kɛ́ɛ ŋí ŋ́gɛ mɔ̃lɛ lé mɛni ma?

Mąątɛ̨nɛ̨ 43:2 ပူးပေါင်းရင်းမြစ်များ

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Mąątɛ̨nɛ̨ 140:7

Ŋį́ kɛ Yai-Laa ɓa: «Nwɔ́ Yálá ɓaa a yɛ́!» Yai-Laa, ə́ wəli tɔɔ nwɔ́ nɛ̨ɛ̨mąą hvə wooi ɓa.

Mąątɛ̨nɛ̨ 28:7

Yai-Laa ɓə gaa a mą́ą́kɔ̨nwɔ̨ hįi, da mą́ą́kpɛ hémé; ŋą́ gílitɔɔ mą, ə mą́ą́kpɔnmąą ɓo, gáá pilii yələi a kwəinɛ̨ɛ̨, gɛ́ ɉɛɠɛɛɓo a wələ.

Mąątɛ̨nɛ̨ 31:4

Yɛ́ a mą́ą́kpɛ kwɛni da nwɔ́ taa wala wala; ə́ kaa pai dɛ̨́nɛ̨n dɔɔi, ə́ laa mąąwiɛ mɛ̨nį ɓa.

Mąątɛ̨nɛ̨ 42:10

Gɛ́ ŋą́ kɛ Yálá ɓa: Mą́ą́kɔ̨nwɔ̨ Kwɛni ɓaa a Yɛ́. «Lə ɓə kɛ yaan, yáá lɛ̨ą mą́ą́? Gɛ́ li a ɲɛ̨́imąąwɛliɛ, ɲówóɠaa diɛ hee ɉú?»

Mąątɛ̨nɛ̨ 42:9

Hvóló ɲą, Yai-Laa ə kɛi ɉón a tələnmolaa, kwiihɛ̨ą, ŋą́ kɛi Naa tɛ a wələ woo, gɛ́ Yálá hvɛli, yai tii a nwɔ́ yɛnɛ̨ɛ̨.

Mąątɛ̨nɛ̨ 44:9

Ku kɛi tuwɔ Yálá mąątɛ̨nɛ̨ wələ tooi, kuɔ ə́ laa tɛ a wələ, a yələ kəlee.

Mąątɛ̨nɛ̨ 71:9

Ɓɛlɔwai ŋɛ̨i ŋą́ą́ pɔlɔ la, 'hvó lənə mą́ą́; ɓɛlɔwai váŋą́ kaa kpɛɛi la, 'hvó ə́ kili kulɔ ɉú.

Mąątɛ̨nɛ̨ 77:7

Kwiihąą, ŋą́ kɛ gíliŋąhiɛ nwɔ́ wələɠaa diɛ, níi a holi, gɛ́ mɛ̨nį tamąą mąąni kɛ kɛ gbɔ́wɔ ɓa, gɛ́ kɛ mą:

Mąątɛ̨nɛ̨ 88:15

Yai-Laa, yá lənə mą́ą́ lə mɛ̨nį ɓa? Yɛ́ ə́ ɲɛ̨i lɛlɛɛ loo mą́ą́ lə mɛ̨nį ɓa?

Mąątɛ̨nɛ̨ 94:14

Mąąhɔlɔɓo, Yai-Laa hva gili kulɔ nwɔ nu huwui hu, hva lɛ̨ą gwɛlin ma tanɔ̨n gbɛli.

Lɛɛ gbɔwɔ ɓa 15:2

Yai-Laa ɓə gaa a nwɔ́ huwalawala da nwɔ́ wələ, gaa a málomun, gaa a nwɔ́ Yálá, Ya ɓə ŋą́ Naa tɛ. Ną́n nwɔ Yálá li, gáá mąą wələ tooi.

Azaya 40:31

Kɛlaa nuąi da di kilitɔɔ Yai-Laa ɓa, di hvaŋą ta lɔ ɓə a pɛlɛ mą, da kɛ yɛ da kɛi koon, yɛ kuwɔ́ɠaa, diɛ gilɛ həɠə, di hvii hva kpɛɛ, di kaa lɔ hiɛi, di kɔ́wɔ hu hva haa.

Azaya 45:24

Yɛ kɛ diɛ: Yai-Laa, yaa tanɔ̨n gbən, ɲəi ɲą lɔ ɓə, tələnmolaa, da huwalawalalaa, da kulɔ laa.» Nuąi kpɔ da di kwɛli tee mą, di kaa pai pɛ̨nɛ̨i diɛ pa bɔ.

Zakari 10:12

Yai-Laa ɓə pai kɛi a di hvaŋą, naa hu ɓə di kaa pai kɛi hiɛi laa. Yai-Laa woo li.

Ifisiɛŋ 6:10

Nwóó laa kulɔ woo ka, ká gu Nąmu ŋą huwalawalalaai kɛ a ka mąąkɔ̨nwɔ̨ kwɛli hɛn, yai vaŋą kɛnɛ̨.

Filipə 4:13

Kristə háálai, ŋą́ pɛli ŋį́ nííkpələ mɛ̨nįɠaai ti kəlee hu.