Mąątɛ̨nɛ̨ 42:4 - Yálá laawoo hɛɓɛ (dc)

⁴ Kpinį da hvóló, gáá lɔ ɲɛ̨́iyá hu, gɔ̨nɔ̨n nɔ li, a yələ kəlee; da kɛ kɛi mą́ą́: «Ə́ wɔ Yálái kaa mįnɛ̨?»

Yálá laawoo hɛɓɛ

⁴ Kpinį da hvóló, gáá lɔ ɲɛ̨́iyá hu, gɔ̨nɔ̨n nɔ li, a yələ kəlee; da kɛ kɛi mą́ą́: «Ə́ wɔ Yálái kaa mįnɛ̨?»

Bible

⁴ Ŋa ŋ́gili ŋá sìa é pîlaŋ ŋ̀ele-ŋai dîa ŋá kâa kɛ̀ ḿarâai téniŋ tɔɔ̂i la kúkɛ lɔ̀ Ɣâla ŋɔpɛ́rɛi mui, ńii a tòo pôlu a ŋ̀ánaa. Berei da kâa kɛ̀ Ɣâla láa ma tɛ̂i la ɣelêi perei, maa koi-nɛ̃ɛ wooi tíŋ káa niî ŋ́ôlii.

Mąątɛ̨nɛ̨ 42:4 ပူးပေါင်းရင်းမြစ်များ

Tɔɔɓɛlaa veelɛ 18:30

Ka hvo ka kilitɔɔ Ezekiasə woo ɓa, yai ə kɛ la kaa: ‹Ka ka kilitɔɔ Yai-Laa ɓa; yɛ kɛ kaa, Yai-Laa kaa pai gu nwun mąąkɔ̨nwɔ̨i, daai ŋɛ̨i hvo pai tooi Asiri tɔɔmun ɲee ŋą.›

Tɔɔɓɛlaa veelɛ 18:32

Ə lɛɛ la ɉu, ŋą́ búlu pənə, gɛ́ pa ka həɠəi, gɛ́ li a kaa lɔi takpɛli hu, yii gaa yɛ ka wɔ lɔi, ɓɛi mɔ̨nun da lɔɔ nįnɛ̨ di kaa laa. Nɔi kɔ̨nɔ̨n da lɔɔ di kaa laa, nɔi olivə wulɔ nįnɛ̨ a hɔlɔɓo ɉu, da kwɛin nwulɔ; ka pa kɛ laa, ka ka wɔ yɛnɛ̨ɛ̨ kɛ, ka hva haa. Ka hvo ka wəli tɔɔ Ezekiasə woo ɓa. Gaa ka ɓowoi, yɛ kɛ kaa: Yai-Laa kaa pai gu kulɔi mɛ̨nįi ŋɛ̨i hu.

Kɔlɔnikɔ Veerɛi 7:10

Ɲąnin mɛ̨ihveelɛnąą nwɔ pow hveelɛ kɔ́w haaɓa yələ, ə ɓo ɲee pɔ nuą diɛ, nu kəlee diɛ li di yəi bɛlɛ́ɠaa laaləi a kwəinɛ̨ɛ̨, di liinɛ̨ɛ̨i kɛ mɛ̨inɛ̨ɛ̨ Yai-Laa ə Davidə ɓa, da non Salomɔn, ə pɛlɛ la nwɔ nu huwui Israɛlə kəlee ɓa.

Zôo 29:2

Gbɛɛ ɓə a pɛli pənəi ə gɛ́ yɛ bələi ŋį́ kɛ la tɔlɔɔ? A ɲələɠaa tii Yálá ə kɛi mɛ̨́i kaa la.

Mąątɛ̨nɛ̨ 100:4

'Ka lɔ ɲəi bɛlɛ́ laaləi a ɉɛɠɛɛɓo wələɠaa, 'ka lɔ ɲəi gwəlii a mąątɛ̨nɛ̨ wələ nɛ̨ɛ̨ɠaa, 'ka ɉɛɠɛɛɓo, 'ka Naa tɛ!

Mąątɛ̨nɛ̨ 102:10

Luwu aa lɛɛ a gɔ̨nɔ̨n, ɲɛ̨́iyá da gbə́lə lɔɔ daa humu a di kee.

Mąątɛ̨nɛ̨ 115:2

Lɔi takpɛliɠaa di hvo nəi pa tɔɔ diɛ kɛ mąi: «Di wɔ Yálái kaa mįnɛ̨?»

Mąątɛ̨nɛ̨ 122:1

Ɲee mąąhəɠɛɛ tɛ wələ. Davidə nwɔ wələ. Da kɛ mą́ą́: «'Gwə li Yai-Laa yəi bɛlɛn!» Gwə́i a nɛ̨ɛ̨!

Mąątɛ̨nɛ̨ 122:8

Gáá kɛi diɛ: «Liilaa ə kɛ ə́ pɔɔli,» ną́n nonnii da mɛ́laa di mąą mɛ̨nį ɓa.

Mąątɛ̨nɛ̨ 55:14

Kɛlaa, yɛ́ ɓə, yɛ́i gwa yɛ́ gu tɔɔ gaa tanɔ̨n, yɛ́i a níiɓamun, ə́ ɓo a gwə́i mɛ̨nį kɔ́lɔnmun.

Mąątɛ̨nɛ̨ 62:8

Málo mɛ̨nį, da ɲɛ̨́i pɔ̨nɔ̨ mɛ̨nį, gəlee kaa Yálá yəi. Yálá ɓə a mą́ą́kɔ̨nwɔ̨ kwɛni walawala, a mą́ą́kilɛi.

Mąątɛ̨nɛ̨ 79:10

Lə mɛ̨nį ɓa hį́i takpɛliɠaa da kɛ kɛi diɛ: «Di wɔ Yálái kaa mį?» Mąąnɛ̨ɛ̨ nuąi tii kili ə pu ɉu ku ɲɛ̨i ɓa, diɛ ə́ wɔ tínuąi tii di di paa, yili gwələ kaa pai kulɔi.

Mąątɛ̨nɛ̨ 80:6

Lə mɛ̨nį ɓa yá di kɔ̨nɔ̨n ɲɔwɔ a di ɲɛ̨iyá, yɛ́ di ɲɛ̨iyá kɛ a di kpələyá?

Azaya 30:29

Ka wɛi, ka káá pai kɛi wələ tooi, yɛ da kɛi hɛli pu kwii hɛ̨ą, ka ɓo la kwəinɛ̨ɛ̨ hu, yɛ nui di kaa ɓɔɔ hvɛɛi bulu, yɛ li la Yai-Laa nwɔ yeei pɔ pələ, Israɛlə mąą kɔ́nwɔ̨ kwɛni pɔ pələ.

Woolaa 2:19

'Hvó kpɛla wɔlɔɔ ɓa da ə́ woo laa ɓa kpįnį kəlee yeemu; Ə́ yee laa kwələ hee Yai-Laa ɓa, ə́ kwəi mɛ̨ni hu lɛ mą, ə́ lonnii di wɔ yɛnɛ̨ɛ̨ mąą mɛ̨ni ɓa, diɛi pulu kaa di paai bələɠaa nwun na.

Woolaa 4:1

Gɛ pələ a kɛ ləi yai, Hɛnii a hvələ a ɉɛn ɲɛ̨itɔɔ tii, ɲɛ̨i aa pu-oo? Gɛ pələ a kɛ ləi yai ɉaláá kwɛni mąąhəɠɛɛɠaa tii, daa taga-taɠa gwəliɠaa lɔwai?

Izikiɛ 46:10

Dɔɔmun nwɛi, da diɛni da lɔ, ɓɛlɔwai da kɛi lɔ la, ə kulɔ ɓɛlɔwai da kɛi kulɔ laa.

Zooɛ 2:17

Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Lukə 16:25

«Abrahamə yɛ mą: ‹Nón! Ə́ kili ə pu ɉu yɛ kɛ, ɓɛlɔwai ə́ kɛ la yɛnɛ̨ɛ̨, ə́ mɛ̨inɛ̨ɛ̨ɠaa hɔlɔɓo; Lazarə nwɛi yɛ mɔ̨nɔ̨ mį́į́. Yiihu, yaa kpɛli gaa ɓɛ nɛ̨ɛ̨ hu; yɛ́ kpɛli yɛ kɛa mɔ̨nɔ̨ mį́į́.

Dutɛrɔnome 16:11

Gɛɛnąą tii Yai-Laa ka wɔ Yálái kaa pai ɲeekpiɛ lɛi laa, yɛ naa hee laa, ka káá pai kɛi laa kwəinɛ̨ɛ̨ hu, Yai-Laa ka wɔ Yálái lííla, ka ka lonnii ɉinąą mąn nɛ̨ąą mąn, ə mą kɛ ka wɔ luwɔɠaa, ɉinąą mąn, nɛ̨ąą mąn, ə mą kɛ, Leviɠaai di kaa ka lɔwai ka wɔ taaɠaa hu, da ka wɔ nwɛ̨ąą, təliɠaa, da galaninŋąąi ka lɔwai.

Rutə 1:21

Gɛ́ɛ́ həɠəi ɓɛ gə́ li, ɲéé laahvɛɛ kɛ, kɛlaa, Yai-Laa aa pənə aa pa a ɲą́ą́ a ɲéé howolo. Ka hvo kɛa kɛ mą́ą́ Naomi, mąąhɔlɔɓo, Yai-Laa aa ɲɛ̨i ɲɔ̨nwɔ̨ɔ̨ hee mą́ą́, Huwalawala Kəlee Nąmu Yálá aa mɛ̨nį ɲąąnwąnąą laa mą́ą́.»