Mąątɛ̨nɛ̨ 40:6 - Yálá laawoo hɛɓɛ (dc)

⁶ Yai-Laa nwɔ́ Yálá, mɛ̨nįɠaai yáá giliŋąhiɛ kɛ yɛ hvilɛn na kuɔ, da gwɛlɛɛn mɛ̨nįɠaa, gbɛa kpɛai! Ə́ pɛli hva hɔlɔɓo. Gáá bɔ ŋą́ yili hukulɔ, gɛ́ mo lɔ a yələ kəlee; Kɛlaa, gəlee hva pɛli ɓoi, di tamą pələ ɓa.

Yálá laawoo hɛɓɛ

⁶ Yai-Laa nwɔ́ Yálá, mɛ̨nįɠaai yáá giliŋąhiɛ kɛ yɛ hvilɛn na kuɔ, da gwɛlɛɛn mɛ̨nįɠaa, gbɛa kpɛai! Ə́ pɛli hva hɔlɔɓo. Gáá bɔ ŋą́ yili hukulɔ, gɛ́ mo lɔ a yələ kəlee; Kɛlaa, gəlee hva pɛli ɓoi, di tamą pələ ɓa.

Bible

⁶ Kúsâla sãai da kúsama-sãai da fa ílii làa. Ífa kúmarê kɛ̀ kéreŋ-sala da sɔnyɔ̂ŋ sala-sãa mɛni ma. Kɛ́lɛ ya gɛ́ ńii a kula, ŋ́gɛ ŋ́oli tɔ̀ɔ yâ, ŋ́gɛ íwoo mɛni.

Mąątɛ̨nɛ̨ 40:6 ပူးပေါင်းရင်းမြစ်များ

Zôo 33:16

Nąąlowai, a nu kanŋąą wəli laa ɓo, nąąlowai, yɛ pələ haŋa, yɛ mo diɛ,

Zôo 5:9

Ya ɓə a mɛ̨nį kpɛa kpɛa kɛ, yii nu kili hva gbaɠala kaa. Mɛ̨nį kpɛa kpɛai nu hva pɛli nonon ɉii.

Mąątɛ̨nɛ̨ 139:17

A tɛ̨ą! Yálá! Mɛ̨nįi ə́ kwəi, gbaɠala kaa laa walaai mą́ą́, damąąi, ɉu kɛnɛ̨!

Mąątɛ̨nɛ̨ 139:18

Ŋą́ kɛ kpɔ bɔ, ŋį́ di lonon, damąąi dɛɛ ɲɛ̨ąkow ɓa. Ŋą́ nwún gbɔlɔɔ, ŋį́ gbɔ́wɔ́ kaa ə́ yee ŋą.

Mąątɛ̨nɛ̨ 50:8

Və́ ə́ hvalai ə́ wɔ halááɠaai mąą mɛ̨nį ɓa, ə́ wɔ haláá hɛnŋaai yá gəlee kələn, di kaa ɲɛ̨́i ɓa a yələ kəlee.

Mąątɛ̨nɛ̨ 51:16

Ee kə́! Yálá! Mɔ́lu Yálá! 'Hvó ɉón yɛ bələi ŋą́ túwɔ́ la, gɛ́ pɛli yɛ́ tələnmolaa hu kulɔi a nwóó kɛnɛ̨.

Mąątɛ̨nɛ̨ 71:15

Bələi ə́ tələnmoɔ la, bələi ə́ ku ɓalo la, ŋą túwɔ́ ɉukulɔi; vá pɛli gəlee kɔ́lɔn ɉii.

Lɛɛ gbɔwɔ ɓa 21:6

Nąmu a li la Yálá pɔ, ə dɔɔ bɛlɛ́ laaləi gbon ma, a wala kɛ ti, gbon gwɛlɛ, ə nwəli ɓɔ a kwɛli. Da gɛ ti a kɛ kɛa tíi nąmu ɓa a yələ kəlee.

Azaya 1:11

Ka wɔ haláá tamąąi ka ka gulɔi, Və́ kɛa da bɔ. Ɲą́ą́ Yai-Laa nwɔ́ɔ́ li, mɛlaa ka gulɔ mą́ą́ a haláái da gəlee kələn, ə mą kɛ a nįŋɛ̨ gbɔn nwulɔɠaai ka gulɔ mą́ą́ a haláá, ŋą́ą́ pilɛ ɉu. Nįŋɛ̨ hilɛ ɲąmąɠaai, mɛlaa lon da molu ɲąmąɠaa, nąą wɛli hvo kɛa mą́ą́.

Azaya 25:1

Yai-Laa! Yɛ́ ɓə a nwɔ́ Yálá, gáá Ə́ laa mąąwiɛi, gɛ́ Ə́ laa too a wələ, mąąhɔlɔɓo, mɛ̨nįɠaai kpɔ wɔlɔ, Ə́ gili tee Ə́ kwəi, Yáá gəlee pɔ mɛ̨nį kɛ, dai lɔpee mąą hvo hvalin ni.

Azaya 66:3

Da kɛ niŋɛ̨ kulɔi a haláá, ɛlɛɛ nwɔ̨nɔ̨, diɛ nu paa! Da kɛ ɓɛlaa haa kulɔi a haláá, ɛlɛɛ nwɔ̨nɔ̨, diɛ yilɛ lon baa a gbɔn! Diɛ ɓɛlaa laa həli, kɛlaa ɓoi ɲąmą ɓə da bu! Da lansan kələn, kɛlaa hali mąąwiɛ mɛ̨nį ɓə! Nuąi tii, daa di liiɓa pələ həɠə, ɛlɛɛ, gbɛli kpɛli mɛ̨nįɠaai tii, di ɓo a di kwəinɛ̨ɛ̨ mɛ̨nį,

Osia 6:6

Mąąhɔlɔɓo mɛ̨inɛ̨ɛ̨ kɛɛ ɓə a níí hon, haláá kulaa hvəi, ɛlɛɛ, gɛ́ Yálá kɔ́lɔn mɛ̨nį hviɛlaɓo taatɛlɛɛ kələnŋąą a haláá ɓa.

Amɔsə 5:22

Haláá hɛn yiiɠaai ka gəlee kələn, da ka wɔ kɔ́ɓo hɛnŋąąi ka kɛ naa həli mą́ą́, nąą wɛli hva ɉón. Niŋɛ̨ gbɔn nwulaaɠaai ka kɛ gulɔi mą́ą́ a haláá, ə gɛ, gwa kaani gu yee ə kɛ a nɔɔ gee hu, vá kpɛli yili naa kaa.

Maafîu 12:7

Akɛ kɛ nwoo ŋɛ̨i Yálá laawoo hu, ka mukulaa kɔ́lɔn, yai ŋɛ̨i da kɛ mą: ‹Ɲɛ̨i mąą wɛli kaa ɓə gáá bɔ, ə tɛɛ taa-təlɛɛ haláá kulaa ɓa›, ka hvo li kɛ nuą ŋɛ̨i kaa a hɔn mąą nuą.

Maafîu 9:13

'Ka li, ka nwoo ɲɛ̨i mukulaa kwɛli; yai da kɛ mą: ‹Ɲɛ̨i mąąwɛli kaa ɓə gáá bɔ, ə tɛɛ taatɛlɛɛ haláá kulaa ɓa.› Mąąhɔlɔɓo, və́ pa li, nu haŋąąɠaa kwɛli, kɛlaa, ŋą pa nɛ̨ŋɛ̨n ɉəɠə nuą kwɛli mɛ̨nį ɓa.»

Samuɛlə dɔlɔɔ 15:22

Nąąlɔwai, Samuɛlə ə mo Saulə ɓa, yɛ mą: «A kɛ tii, taatɛlɛɛ kulaa Yai-Laa ɓa a haláá yii da gəlee kələn, yili ɓə mɔ̨ɔ̨ nwɛli kaa mą, a wala kɛ tii, Yai-Laa woo hon ŋąą? Kpaa-oo! Woo hon naa hviɛlaɓoɔi ɓɛlaa hilɛɠaa wulɔ ɓa.