Mąątɛ̨nɛ̨ 39:6 - Yálá laawoo hɛɓɛ (dc)

⁶ Hvo gaai, yáá nwɔ́ hvólóɠaai hu kpuwɔ kɛnɛ̨, ɛlɛɛ, nwɔ́ yɛnɛ̨ɛ̨ kaa kpɔ a lə, ə́ ɲɛ̨i ɓa? A tɛ̨ą, nu hu kilinŋąą kaa lɔ ə́ ɲɛ̨i ɓa hvɔan-hvɔan, yɛ hvaŋą.

Yálá laawoo hɛɓɛ

⁶ Hvo gaai, yáá nwɔ́ hvólóɠaai hu kpuwɔ kɛnɛ̨, ɛlɛɛ, nwɔ́ yɛnɛ̨ɛ̨ kaa kpɔ a lə, ə́ ɲɛ̨i ɓa? A tɛ̨ą, nu hu kilinŋąą kaa lɔ ə́ ɲɛ̨i ɓa hvɔan-hvɔan, yɛ hvaŋą.

Bible

⁶ Núu-kpune káa nɔ́ yɛ̂ɛ ninîŋ. Gɛ́ mɛni kélee káa nɔ́ kpɛ́ni-kpɛni. A tɔɔ-sãa sɔlɔ ƃô kɛ́lɛ vé gɔ́lɔŋ gbɛ̂ɛ ƃé a lɛ̂ɛ ǹyêei.

Mąątɛ̨nɛ̨ 39:6 ပူးပေါင်းရင်းမြစ်များ

Zôo 14:1

Lon lɔpee nɛ̨ɛ̨nu a gaa, Nwɔ yɛnɛ̨ɛ̨ kaa lɔ a gbuɔ, kɛlaa naahvɛɛ a mɔ̨nɔ̨.

Zôo 7:16

Nwɛ́i aa pɛli, və́ pai lɛɛi yɛnɛ̨ɛ̨ a yələ kəlee. Nɛ́ɛ́ kɛa laa, mąąhɔlɔɓo, nwɔ́ yɛnɛ̨ɛ̨ kaa kpɛɛi.

Zôo 7:7

Gílí aa pu ɉu, gɛ́ nwɔ́ yɛnɛ̨ɛ̨ kaa lɔ a hvaŋą. Ə lɛɛ ɲɛ̨́i kɔ́w hvo kɛa pai mɛ̨nį ɲąąnɛ̨ɛ̨ kaai.

Mąątɛ̨nɛ̨ 127:2

Kpɛli ɓaa nu ə humo a muhəɠɛɛ, yɛ lɛɛ ɲɛ̨i ɓa kpinį hu yɛ kwɛa, yɛ́ mɔ̨nɔ̨ kɔ̨nɔ̨n mį́i lɔ! Yai-Laa a nwɛlikɛmąą nuą lɛɛ yíi, Ə di kɔ́ a kɔ̨nɔ̨n.

Mąątɛ̨nɛ̨ 144:4

Nu kaa lɔ yɛ hvaŋą, nwɔ yɛnɛ̨ɛ̨ ə ɓo yɛ nįnįn a tɛɛ.

Mąątɛ̨nɛ̨ 89:48

Bələi nwɔ́ yɛnɛ̨ɛ̨ hu kpuaa la, gbaɠala kaa yɛ́, ɲɛnɛ̨ɛ̨ hviikpɛɛ tii mąą mɛ̨nį kpɔlɔ ɓə ə nu kan bɛli la.

Hanwon 13:22

Nu lɛlɛɛ hɔlɔɓo hɛn, a həli nonnii di wɔ lonnii diɛ. Kɛlaa, nɛ̨ŋɛ̨n ɉəɠəmun ɲəi hɛn gɔw, yɛ lɛɛ a tələnmomun nwɔɔ.

Hanwon 23:5

Mąąhɔlɔɓo, ɓɛlɔwai ə́ ɲɛ̨i a tɔɔ la mą, yɛ́ kɛ yaa ɉon, nąąlɔwai ɓə a kwɛlɛɛn na, a kɛ yɛ goon a kɛ mą, ə koon yɛ tɛ yələ kwəi yɛ nwɛ̨nį kɛnɛ̨.

Hanwon 27:24

Mąąhɔlɔɓo, hɛn gɔw hva lamun a yələ kəlee, ɛlɛɛ, tɔɔhvili hva həli mąnįn bulu mąnįn diɛ.

Ikilisiati 1:14

Mɛ̨nįɠaai kpɔ da tɛɛ ɓɛ lɔi mɛ̨i, ŋą́ gəlee kaa. Kɛlaa, gəlee kaa a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Ikilisiati 11:10

Mɛ̨nįi kpɔ a liihɛlɛn doo nu ɓa, da ɲɔw mɛ̨nįɠaa, yiliɠaa kəlee mąą kwɛa yɛ́; mąąhɔlɔɓo, nunwunulaa, da nwɔ kpakololaa, di kaa a kpɛli-kpɛli mɛ̨nį.

Ikilisiati 12:13

Mɛ̨nįɠaa kpɔ ɓo ɉɛɓɛ́i ŋɛ̨i hu, nwoo laa kulɔ ka: Yii mąąnɛ̨ɛ̨ nu lonnii di gɛ, ya ɓaa: Di Yálá mąąwiɛ, di nwɔ tɔn nwooɠaa pɔ mɛ̨nį kɛ, a lɛɛ nwoo mulaa. Mąąhɔlɔɓo, yili ɓə bɛliɛi nu lonnii diɛ.

Ikilisiati 12:8

Kilimąą mun yɛ diɛ: kpɛli-kpɛli mɛ̨nį da kpɛli-kpɛli mɛ̨nį, mɛ̨nį kəlee kaa a kpɛli-kpɛli.

Ikilisiati 2:26

Yaan, nui nwɛli kaa Yálá ɓa, a gɔ́ a kili, mɛ̨nį kɔ́lɔn ŋąą, nwun gɛ ɉu laa da yíi la nɛ̨ɛ̨. Kɛlaa, a kóló laa nɛ̨ŋɛ̨n ɉəɠəmun nwuɔ̨, yili yɛ hɛn gwɛli a nui nwɛli kaa Yálá ɓa, nwɔɔ. Yili yaa kpɛli gaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Ikilisiati 2:8

Ŋą́ wali hɔlɔɓo da hɛni, ŋą́ tɔɔɓɛlaa di wɔ hɛn gɔw hɔlɔɓo da di wɔ koɓitaaɠaa, di lɛɛ ɲéé mu. Wələ too hinąą da wələ too nɛ̨ąą di kɛ ɲə́i, hɛn kpɔ nu a giliŋąhiɛ mą yɛ ə kɛ ɲəi, gəlee ə kɛ ɲə́i; nɛ̨́ąni kpulu tamąą.

Ikilisiati 5:14

Bələi lɔ tii nee ə gaa la, a gbuwulu, bələ lɔ ɓə ə həɠə la lɔi mɛ̨i, hɛn da hva lɛɛ ɲəi. Gɛ kólóɠaai ə kɛi gɛ, hva dɔlɔ kulɔ, Mąąhɔlɔɓo, hɛn da hva lɛɛ ɲəi yɛ bulu pənə la.

Azaya 55:2

Lə mɛ̨nį ɓa yai ka ka wɔ walii hukala, ɉɛn hvo a kɔ̨nɔ̨n bulu, kaa kóló kɛ ɉɛn hva nu pilɛ bulu? 'Ka ka wəli tɔɔ, ka nwóó mɛ̨n, ɛlɛɛ, kaa pɛli kɔ̨nɔ̨n mįi, kaa pɛli ka lii hon gɔ̨nɔ̨n nɛɛɠaa mįi.

Lukə 12:26

Akɛ mɛ̨nį hviikpɛɛi tii ka hva pɛli mąi, lə mɛ̨nį ɓa, hvo kɛli ka ka liihɛlɛn a yiiɠaa tii?

Lukə 12:29

Ka hvo ka liihɛlɛn a ka kɔ̨nɔ̨n mɛ̨nį da ka kpələyá mɛ̨nį.

Korɛntə dɔlɔɔ 7:31

Nuąi tɔnɔ kwɛlii ɲɛ̨nɛ̨ɛ̨ ŋɛ̨i hu, di gɛ yɛ da wala kɛ ɉɔlɔɓoi a neelee, mąąhɔlɔɓo, ɲɛ̨nɛ̨ɛ̨ ŋɛ̨i kaa pai tɛɛi.

Zĩi 4:14

Yaan, yii tinąą pai kɛi a káá, ká hvo gɔlɔn. Mąąhɔlɔɓo, ká káá lɔ yɛ luwu-luwui a pu lɔ ti a lɔwai logolo tiipə, naa tawolo a gə, aa kpɛɛ.

Zĩi 5:3

Ká wɔ hɛnii da ká wɔ walii, ɓɛ̨nɛ̨ aa hee diɛ; mɛ̨nɛ̨i tii ɓə pai ká mąą kɛla hvaa ɓoi, yɛ ká kələn yɛ nwɔ̨n. Vóló gbɛlamąąɠaai ŋɛ̨i yee mu, káá hɛn gɔw kpɔn gee ɓa.

Piɛrə dɔlɔɔ 1:24

Hvo gaai: «Nu kan gaa lɔ yɛ kala-tíliin, nwɔ mąąwiɛlaa ə ɓo yɛ wulu powa; kala-tíliin a kpala lɔ, bow ə kulɔ ɲəi;

Piɛrə dɔlɔɔ 5:7

'Ká ká kpąąn mɛ̨nįɠaa kəlee laa níila, gbala ə tɔɔ, a ká mąąkpąąn gbɛɛ.