Mąątɛ̨nɛ̨ 39:12 - Yálá laawoo hɛɓɛ (dc)

¹² Yá nu hutɔɔ a gɛ nɛ̨ŋɛ̨n naa pɔɔ, hɛn nwɛli kaa mą, yá nɛɛ a vowolo! A tɛ̨ą, nu kan nwɔ yɛnɛ̨ɛ̨ kaa ə́ ɲɛ̨i ɓa a hvąŋą!

Yálá laawoo hɛɓɛ

¹² Yá nu hutɔɔ a gɛ nɛ̨ŋɛ̨n naa pɔɔ, hɛn nwɛli kaa mą, yá nɛɛ a vowolo! A tɛ̨ą, nu kan nwɔ yɛnɛ̨ɛ̨ kaa ə́ ɲɛ̨i ɓa a hvąŋą!

Bible

¹² Yâwɛɛ, ŋáfɛli-wooi mɛni, í íwoli tɔ́ɔ ŋ́ɔlɔ-wooi ma. Ŋa kɛ̀ wɔ̂lɔi, pá í kpɔ́ŋ ḿâ. Ŋ́gaa nɔ́ yɛ̂ɛ ŋánûa pɔlɔ-ŋai. Ŋ́gaa nɔ́ a ímaa ŋɔ̃ya tãi kpua yée mu.

Mąątɛ̨nɛ̨ 39:12 ပူးပေါင်းရင်းမြစ်များ

Zɛnɛse 21:34

Abrahamə ə lamun kpɔ woloɓo Filisti lɔi hu.

Zɛnɛse 47:9

Ɉakɔbə yɛ mą: «Gwɛlan ŋą́ą́ gɛ too nwuma laa hu, gaa a kwɛlan nwundɔ̨nɔ̨ ɲee haaɓa. Da tɛɛ lɔ a ɉu kpua, ɛlɛɛ, gwɛlan ŋą́ą́ gɛ yɛnɛ̨ɛ̨, ŋą́ą́ mɔlɔmún gɛ mɔ̨nɔ̨ hu. Ŋį́ kwɛlan damą pələ hvo kpɛli pai həlii nąnni di wɛi pɔ, bələi mąn ɲɛnɛ̨ɛ̨ kɛ pələ kaa la tanɔ̨n kwa diɛni ku yəi.»

Samia Veerɛi 16:12

Gbəli hu, Yai-Laa kaa pai ɲɛ̨́i mąąwɛli kaai, ə pənə ə nwún na nɛɛ, a háákələi nɛ̨ŋɛ̨n naa ŋɛ̨i maahvalən.»

Tɔɔɓɛlaa veelɛ 20:5

yɛ mą: «Pənə ə́ li yɛ́ nwɔ́ lɔi Israɛlə nwun nąmu Ezekiasə ɓa: mɛ̨nįi Yai-Laa ə mo ya ka, yaai gaa a ə́ nąn Davidə nwɔ Yálá: ‹Ŋáá ə́ wɔ hvɛli ɓo woo mɛ̨n, ŋą́ą́ ə́ ɲɛ̨iya kaa, yili ɓa, gáá ə́ kulɔi ɲɔ̨n ŋɛ̨i hu. Hvóló haaɓa tɛɛ pulu, ə́ kaa pai lii Yai-Laa yəi bɛlɛ́n.

Kɔlɔnikɔ Maa-ŋuŋ 29:15

Gbala ə tɔɔ, ku kaa Ə́ ɲɛ̨i mu yɛ nwɛ̨ąą, yɛ tɛɛ nuą, lɔ yɛ ku nąnni kəlee di kɛ la. Ku yíi hvólóɠaai ɓɛ ku yəi yɛ̨nɛ̨ɛ̨, di kaa yɛ nįnįn, ɲali bulu hvo mą.

Zôo 13:28

Ya pa, nu kan gaa lɔ yɛ kwɛi luwun, yɛ həɠəi ponin a ɉu tee-tee.

Zôo 16:20

Mə́laa kaa yɛlɛ kulɔi ɉu, Kɛlaa, Yálá ɓə gáá wɔlɔi mą.

Mąątɛ̨nɛ̨ 102:1

Mąąwɛlimun aa kpɔlɔɔn, nwɔ Yálá hvɛli woo; gaa nwoo laai Yai-Laa ɓa.

Mąątɛ̨nɛ̨ 116:3

Ɲílɛɛi kɛ a haa nwɔ yɛliɠaa, ɲąmuątaa nwɔ kpɔ̨nɔ̨ɠaai daa kɛ ɉón, liihɛlɛn, liikələn gwəi, daa kɛ hee mą́ą́.

Mąątɛ̨nɛ̨ 119:19

Nwɛ̨ą ɓaa a ɲą́ą́ nɔi ŋɛ̨i mɛ̨i, 'Hvó ə́ wɔ tíɓoɠaai loo mą́ą́.

Mąątɛ̨nɛ̨ 119:54

Bɛlɛ́i ŋɛ̨i gáá lɔ mu lɔwai tawolo, Ə́ liiɓa mɛ̨nįɠaa lɔ ɓə di kaa a nwɔ́ wələ woo.

Mąątɛ̨nɛ̨ 56:8

Mɛ̨nį ɲɔ̨n tii mąą mɛ̨nį ɓa, da mɔ̨ɔ̨ pɛli kulɔi ɉu? Yálá ə́ wɔ liiholi ə nuąi tii hukala tai.

Mąątɛ̨nɛ̨ 90:9

Ə́ wɔ lííholii aa hee ku hu; ku wɔ hvólóɠaai kaa kpɛɛi kpɔ a neelee, nu níí tooi tanɔ̨n, ku wɔ yɛnɛ̨ɛ̨ aa mąn kpɛɛ.

Levetekɔ 25:23

«Ka lɔi tɔlaa hee nu ta ɓa, mąą hvo nɛ̨ɛ̨li dɔlaa hvo haa. Mąąhɔlɔɓo, lɔi kaa a nwɔ́ɔ́, ka káá lɔ nwɔ́ lɔi tii mɛ̨i yɛ nwɛ̨ą, yɛ tɛɛ nuą.

Korɛntə veelɛ 5:6

Yili ɓa tii, ku hvaŋąlɔi lɔ a yələ kəlee, bələi mąn ku ɉukɔlɔn na kuɔ kɛ, yii kpɔ ni ku kaa gɔlɔi ŋɛ̨i hu, ku hvo ku wɔɔ pɛlɛ́i mu, ku mąą kwɛai ni gu Nąmu ɓa.

Hebreu 11:13

Nuą ti kəlee di lɛɛ laa na laa hu, di haa, mɛ̨nįɠaai di naakwɛlanmo diɛ, di hvo naa honŋąą kaa li. Kɛlaa, ə mą kɛ tii, di gaa kwɛaala, di nɛ̨nɛ̨ɓo, di di kpɔwɔ kɔlɔn a nwɛ̨ąą, da hiɛ kulɔ nuą ɓɛ lɔi mɛ̨i.

Hebreu 5:7

Jesus tii ɓə, gɛɛ ɓɛ lɔi mɛ̨i, ə kɛli Yálá hvɛli, yɛ mąąnɛ̨ɛ̨ ɲɛ̨iyá hu, yɛ tomą, nui a pɛli gulɔi haa yəi, bɔ pələ; ɛlɛɛ, nwɔ hvɛliwoo laa ə hon a nwɔ lɛɛ nwoo mu laa.

Piɛrə dɔlɔɔ 1:17

Ɛlɛɛ, akɛ nui hva nu huyɛɠɛ, yɛ nu kəlee kiti tee yɛ bələi a tuwɔ la, ká vɛli yɛ ká Nąn, yíi-kuui gaa ká yəi lɔi mɛ̨i, 'ká gɛ ɲɔw mąą laa hu,

Piɛrə dɔlɔɔ 2:11

Nwɛ́likɛmąą nuą, gáá ká hvaŋąlɔ, káái yɛ tɛɛ nuą da nwɛ̨ąą, 'ka hvo ká ɲɛ̨i kulɔ yɛnɛ̨ɛ̨ hɛn da pɔ, yai a kɔ́ pɛlɛ nu nįį ɓa.