Mąątɛ̨nɛ̨ 38:20 - Yálá laawoo hɛɓɛ (dc)

²⁰ Ɲówóɠaa di wɔ yɛnɛ̨ɛ̨ kaa di yəi, di hvaŋą kɛnɛ̨, nuąi nwɛ́likpɛɛ diɛ, diɛ ɓaɠaɓo mąą, di tamąąi.

Yálá laawoo hɛɓɛ

²⁰ Ɲówóɠaa di wɔ yɛnɛ̨ɛ̨ kaa di yəi, di hvaŋą kɛnɛ̨, nuąi nwɛ́likpɛɛ diɛ, diɛ ɓaɠaɓo mąą, di tamąąi.

Bible

²⁰ Diai da mɛni lɛ́lɛɛ su tòo a mɛni nyɔ́mɔɔi, dí tɔɔ̂i ḿâ ŋásɔŋ lɛ̂lɛ-laai mɛ̂ni ma.

Mąątɛ̨nɛ̨ 38:20 ပူးပေါင်းရင်းမြစ်များ

Mąątɛ̨nɛ̨ 142:7

Ə́ wəli tɔɔ kpɔ a nɛlɛɛ dómą woo ɓa, Mąąhɔlɔɓo, mą́ą́wɛliɛ kɛnɛ̨! Nuąi di hvilɛn ŋąąi búlu a kɔ́, gúlɔ di yəi; Mąąhɔlɔɓo, di hvaŋą tɛɛi mą́ą́.

Mąątɛ̨nɛ̨ 25:19

Ɲówóɠaa tamą pələ kaa! Nwɛlikpɛɛmąąlaai di gulɔi a ɲą́ą́, da nwąnąlɔ túwɔ́i di moi a ɲą́ą́i, Ə́ nąą kaa!

Mąątɛ̨nɛ̨ 35:12

Ŋą́ mɛ̨inɛ̨ɛ̨ kɛ diɛ, diɛ gwələ kulɔ a mɛ̨nį ɲɔ̨n, ɲą́ą́ dɔ̨nɔ̨ ka kɛa, ŋą́ą́ lɛɛ.

Mąątɛ̨nɛ̨ 35:19

Nuąi hvaa pɛlɛi mą́ą́ a wɛa, 'və́ kɛ a di kwəinɛ̨ɛ̨ hɛn, nuąi yowolaa kulɔi a ɲą́ą́ lɔ kpɛli kpɛli, 'gɛ́, di hvo di ɲɛ̨i yalimą di kee lɔwai mą́ą́ mɛ̨nį hu.

Mąątɛ̨nɛ̨ 7:4

Yai-Laa, nwɔ́ Yálá, a kɛ kpɔ ŋį́ túwɔ a ɲɔ̨nwɔ̨ɔ̨, a kɛ kpɔ ŋį́ ɲə́ə́ lɔ hvulu mɛ̨nį hu,

Ɉeremi 18:20

Da mɔ̨ɔ̨ mɛ̨nį lɛlɛɛ pɔɔ kulɔ a mɛ̨nį ɲɔ̨nwɔ̨ɔ̨? Di kaa mą́ą́ tinɛ̨n ɉii a hɛlɛn, bələi ŋą́ą́ tɔɔla ə́ ɲɛ̨i ɓa, nąą kili ə too ə́ ŋą. Gɛ́ ə́ hvɛli di mąą mɛ̨nį ɓa, gɛ́ ə́ wɔ líiɲąnwąną mąą kwɛa diɛ.

Maafîu 5:10

Nwun na nɛ̨ɛ̨ nuą ɓaa nuąi da di ɓɛlɛkpɛɛ diɛ tələnmolaa mąą mɛ̨nį ɓa. Mąąhɔlɔɓo, Yálá-taa tɔɔlaa kaa a di wɔ!

Ɉaan 10:32

Jesus ə pənə ə mo diɛ, yɛ diɛ: «Ŋą́ą́ mɛ̨nį lɛlɛɛ tamąą kɛ kaa, yii ŋį́ həɠə la ną́n bɔ; mɛ̨nįɠaa tii, nɛlɛ ɓə ka káá bɔ ka Ɉɔ́ɔ́ mąą mɛ̨nį ɓa?»

Piɛrə dɔlɔɔ 3:13

Ɛlɛɛ, gbɛɛ ɓə a pɛli mɛ̨nį ɲɔ̨n gɛi a káá, akɛ, ká ká hvaŋąlɔ mɛ̨nį lɛlɛɛ kɛɛ ɓa?

Zɔ̂ŋ Maa-ŋuŋ 3:12

Gu hvo gɛ yɛ Kain, yai kɛ a mɛ̨nį ɲɔ̨n nwɔɔ, ə nəɠə nwun dee. Ə nwun dee lə mɛ̨nį ɓa? Gbala ə tɔɔ, ɲee pɔ mɛ̨nįɠaa ɲɔ̨nwɔ̨ɔ̨i kɛ, ya pa nəɠə nwɛiɠaai haŋąą.

Samuɛlə dɔlɔɔ 23:12

Davidə ye mą: «Akɛtii Keila nuą kaa pai ɲą́ą́ kwa nwɔ́ nuąi ku tɛɛi Saulə pɔ?» Yai-Laa yɛ mą: «Di kaa pai ka lɔ ɲee ŋą.»

Samuɛlə dɔlɔɔ 23:5

Davidə da nwɔ nuąi, di tɛɛ diɛ li Keila, di kɔ́ pɛlɛ Filisti nuą diɛ. Ə di wɔ taatɛlɛɛɠaai həɠə. Gɔ ə kala kpɔ Filisti nuą diɛ kpɔ hɔwɔ-hɔwɔ. Bələ ɓə Davidə ə Keila daai nuą nwun mąąɓo la.

Samuɛlə dɔlɔɔ 25:16

Diɛ ɓə kɛi ku mąąkpɛ, hvóló da kpįnį, ɓɛlɔwai kwa diɛni ku kɛ la ku kee pɔ, ku ɲɛ̨i ə ɓo daatɛlɛɛɠaa diɛ.

Samuɛlə dɔlɔɔ 25:21

Davidə ə kɛi mo yɛ kɛ diɛ: «Akɛti, kpɛli ɓə tii ŋą́ gɛ gɛ́ ɉulɔnui tii yəi hɛnŋaa mąąkpɛ nɔi pun ɉu, da lɔpee hvo pili li ɉui? Daa mɛ̨nį mɛ̨inɛ̨ɛ̨ pɔɔ kulɔ mą́ą́ a mɛ̨nį ɲɔ̨nwɔ̨ɔ̨.