Mąątɛ̨nɛ̨ 36:7 - Yálá laawoo hɛɓɛ (dc)

⁷ Yɛ́ tələnmolaa tɔɔi dɛɛ yee kpɛa-kpɛaa diɛ, ə́ wɔ kitii kpon ɉu kwɛa dɛɛ gboloyá kpon ɉu kwɛaa ɓa. Yai-Laa, yá nu da huwɔ di ɓalo.

Yálá laawoo hɛɓɛ

⁷ Yɛ́ tələnmolaa tɔɔi dɛɛ yee kpɛa-kpɛaa diɛ, ə́ wɔ kitii kpon ɉu kwɛa dɛɛ gboloyá kpon ɉu kwɛaa ɓa. Yai-Laa, yá nu da huwɔ di ɓalo.

Bible

⁷ Íwɛli kɛ́ maa kpanaŋ mɛni kpanaŋɔɔ̂i, óo Ɣâla. Nûa da kɛ̀ íkoôŋ mu, ŋuŋ ma ƃô káa díyêei.

Mąątɛ̨nɛ̨ 36:7 ပူးပေါင်းရင်းမြစ်များ

Zôo 37:23

Gaa a Huwalawala Kəlee Nąmu, gu hva pɛli həlii ma, gɛnɛ̨ɛi yeetɛɛmąą laa hu, gɛnɛ̨ɛ tələnmolaa hu. Gaa a tələnmolaa Nąmu, hva nu ta nwɔ tɛ̨ą mɛ̨nį kpəlaan.

Mąątɛ̨nɛ̨ 139:17

A tɛ̨ą! Yálá! Mɛ̨nįi ə́ kwəi, gbaɠala kaa laa walaai mą́ą́, damąąi, ɉu kɛnɛ̨!

Mąątɛ̨nɛ̨ 17:8

Ə́ ɲɛ̨i kɛ mą́ą́, ə́ mą́ą́ kpɛ yɛ nu ɲɛ̨i lon, nóo ə́ hvaŋąn mu.

Mąątɛ̨nɛ̨ 31:19

Nɛɛ laaləiɠaai tii, di pɛlɛ mą diɛi tii da hvaa Tələnmolon ɉu, a tɛɠɛɓo ɉu, a ɲɛ̨i tɛ, a ɓɛlɛkpɛɛmąąlaa.

Mąątɛ̨nɛ̨ 57:1

Nwələ ɲɛ̨itɔwɔmun: «'Hvó ɉu kala.» Davidə ɓə nwələi ŋɛ̨i too, ə kɛi doo kwəi pələ; a ɓɛlɔwai ə kɛi pu la Saulə tɔwɔ.

Mąątɛ̨nɛ̨ 63:7

Ŋą́ lɛɛ laani ɲə́i gbin ɉu, ŋą́ gílíɲąhiɛ yɛ́, ŋą́ kɛ lɔ ə́ hvɛliɛ ɓa.

Mąątɛ̨nɛ̨ 71:19

Ə́ wɔ tələnmolaa kɛnɛ̨ pələ hvo a yola, nwɔ́ Yálá! Yɛ́i ya mɛ̨nį ɲɛ̨ikɛnɛ̨ɠaa kɛ! Yálá, gbɛɛ kpɔɔ ɓə ka yaa ka pɛliɛ tii-yoo?

Mąątɛ̨nɛ̨ 86:15

Kɛlaa Ə́ wɛi, nwɔ mɛ̨nį Nąmu, liinɛ̨ɛ̨ gwəi Yálá ɓaa a yɛ́, mɛ̨inɛ̨ɛ̨ kɛ Yálá ɓaa a yɛ́, Ə́ lii hva holi ɉa, Ə́ ɓo lɔ a wɛlikɛmąą, da tɛ̨ą.

Mąątɛ̨nɛ̨ 86:5

Nwɔ́ mɛ̨nį Nąmu, yɛ́i ə́ wɔ mɛ̨nį lɛlɛɛ, yɛ́ nu mąąhvaalɛɛ; Ə́ wɔ ɲɛ̨imąąwɛlikaa hu kɛnɛ̨i, nuąi da ə́ hvɛli di mąą mɛ̨nį ɓa.

Mąątɛ̨nɛ̨ 91:4

Goon ɉu hvoloonŋąąi ə́ mɛ̨i, yɛ́ ə́ loo laa, vaŋąn mu ɓə yá ə́ mąąkilɛ laa. Nwɔ kulɔwooɓalaa kaa a kuláá-hə́ɠə́, da nu mąąkpɛ kwɛli hɛn.

Lɛɛ gbɔwɔ ɓa 34:6

Yai-Laa ə tɛɛ Moisə lííla, yɛ mą: «Náá ɓaa a: Yai-Laa, ɲą́ą́ ɓə a Yai-Laa. Gáá a Yálá líi nɛ̨ɛ̨ gwəi, ɲɛ̨imąąwɛli kaa Yálá, yai níí hva holi ɉa, yɛ kulɔ nwoo ɓa, a tɛ̨ą ɓo Yálá.

Lukə 13:34

«Oo! Ɉerusalɛmə nuą, kaai ka Yálá kwəi mɛ̨nį hukulɔ nuą paa, nuąi Yálá a di tɔɔ ka pɔ, kaa di paa a kwɛni. Ŋą́ą́ ɉukɔɔn gee mɛ̨i tamąą, gɛ́ ŋą ə́ lonnii ɲąąkpɔn yɛ bələi tɛ́ɛ́ kɔ́nwɔ̨lee a nonnii ɲąąkpɔn na goon mu. Kɛlaa, ka hvo gɛ li.

Ɉaan 3:16

Mąąhɔlɔɓo, Yálá aa yɛnɛ̨ɛ̨ nuą wɛli la kɛ kpɔ kɛnɛ̨, hvo kɛli ə Non ɉulɔnu tɔ̨nɔ̨ gbən kwɛlɛ, ya ɓə ə gɛ, nui lɔpee a laa na, nwun na hva pili. Kɛlaa, a yɛnɛ̨ɛ̨ kpɛɛ hvo mą hɔlɔɓo Yálá yei.

Piɛrə veelɛ 1:4

Yili ɓə gɛ, ə mɛ̨inɛ̨ɛ̨ lɛlɛɛɠaa da mɛ̨nį kpɛa-kpɛaa naa kwɛlanmo guɔ, ə gɛ, mįnɛ̨ həɠɛɛ ti haalai, ka pɛli kulɔi kiliŋąhiɛ ɲɔ̨nwɔ̨ɔ̨ yee mu yii gaa tɔɔlaa kɛi yɛnɛ̨ɛ̨. Ə gɛ, ka ka wɔ naa hɔlɔɓo nwɔ Yálá laa hu.

Zɔ̂ŋ Maa-ŋuŋ 3:1

Nwɛlikɛmąą laa kɛnɛ̨i Nąn ə gɛ a guɔ, 'ká gaa tai, da gu təli a Yálá lonnii; ɛlɛɛ, gu kaa kpɔ tii la! Yili ɓə aa gɛ, yɛnɛ̨ɛ̨ hva pɛli gu kɔlɔn ɉii; gbala ə tɔɔ, di ɲɛ̨i hvo ni pono li Yálá ɓa.

Rutə 2:12

Gɛ́ Yai-Laa a Israɛlə nwɔ Yálá, yai ə́ pa ə́ mąąkilɛi vaŋąn mu, ə ə́ túwɔ́ pələi tii hvɛla kulɔ.»