Mąątɛ̨nɛ̨ 35:8 - Yálá laawoo hɛɓɛ (dc)

⁸ Nu kala mɛ̨nįi ɲɔ̨nwɔ̨nmąn və ta kɛli, 'ə həli diɛ, di tɛɠii, ɉɛlɛn diɛ kpinįi di dɛ, 'di kɔ́ la, 'di nwun ə lɛɛ mɛ̨nį ɲąąnwąnąąi tii hu.

Yálá laawoo hɛɓɛ

⁸ Nu kala mɛ̨nįi ɲɔ̨nwɔ̨nmąn və ta kɛli, 'ə həli diɛ, di tɛɠii, ɉɛlɛn diɛ kpinįi di dɛ, 'di kɔ́ la, 'di nwun ə lɛɛ mɛ̨nį ɲąąnwąnąąi tii hu.

Bible

⁸ Kɛ́lɛ mɛni kpɔ̂lu a pâi kulâi dîa dítɛ̂i-pere. Da pâi kɔ̂i a díkpɔɔi ƃarei dísu é kara.

Mąątɛ̨nɛ̨ 35:8 ပူးပေါင်းရင်းမြစ်များ

Samia Veerɛi 17:23

Yii kɛa Ahitofɛlə ə gaa yɛ di hvo hvilɛn ɉii nwɔ liɛwooɠaai pulu, ə nwɔ hoohvaalən hąą yili ə hvilɛn bələ ɓa, yɛ li bɔ taai. Ə vɛli ɲəi bɛlɛ́n nuą kəlee diɛ, ə li ə gbɔwɔ hɛlɛn. Haai ə mo, di noo nąn gámą hu.

Mąątɛ̨nɛ̨ 57:6

Yálá! 'Hąŋa 'ə́ tɔɔ yələ kɔ́lɔn mɛ̨i! Ə́ wɔ mąąwiɛ ə hee lɔi kəlee mɛ̨i.

Mąątɛ̨nɛ̨ 64:7

Da nu paa mɛ̨nį mąą nwun dɔɔ kɛ, di ɉu kpanwo, diɛ mą: «Gwaa gu wɔ mɛ̨nįi mąą ląŋąn gbɔ kpąą, nu ta hva pɛli lɔi nu kwəi!»

Mąątɛ̨nɛ̨ 9:15

Gɛ́ pɛli kɛi lɔ ə́ mąątɛ̨nɛ̨ wələ tooi, Siɔn, gwəli-hɛ̨ąiɠaa, gɛ́ pili yələi máloi yá mo, mąą mɛ̨nį ɓa.

Hanwon 29:1

Nui a gbowo too ɉutɔɔ woo ɓa, a tee lɔ kpə, ɉali hva kɛ.

Hanwon 5:22

Nwąnąlɔ mun a kɔ a gbɔwɔ kpinįi nwɔ nwąnąlɔɔ ɓaalə. A too gbɔɔ-kpɔɔ nɛ̨ŋɛ̨n diŋɛ̨n ɉu.

Azaya 47:11

Mɛ̨nį ɲąąnwąnąą pai laai yɛ́, hvó pai pɛli mąą laai, ə́ kala mɛ̨nį kaa pai həlii yɛ́, hvá pɛli ə́ mąąkɔ̨nwɔ̨i ɲəi, gaa a tɛ̨ą, mɛ̨nį ɲąąnwąnąą kaa pai həli lɔ yɛ́ ə́ tɛɠii.

Lukə 21:34

«Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.

Samuɛlə dɔlɔɔ 18:17

Saulə yɛ Davidə ɓa: «Nón nɛ̨ɛ̨nu nu pɔlɔ laa mun ga a Meravə ya ɓə gáá pai dɛɛi ə́ pɔ a ə́ nɛ̨ą. Kɛlaa, tɔɔ a ə́ nwąnąąi nwɔ kólói ɓa; Yai-Laa nwɔ kɔ́ɠaai kɔ́.» Saulə ə kɛi mo gwəi pələ yɛ kɛ diɛ: «Hɛn vəli, və́ baa ɲą́ą́ gbinįi, gaa yili lɛɛi Filisti nuą yee kɔ́nma.»