Mąątɛ̨nɛ̨ 35:27 - Yálá laawoo hɛɓɛ (dc)

²⁷ Kɛlaa nuąi kpɔ kɛ nwɔ́ tɛ̨ą mɛ̨nį pɔ, ɓáá ə lɔ diɛ, diɛ pili yələi a kwəinɛ̨ɛ̨, diɛ mo a yələ kəlee, diɛ kɛ diɛ: «Yai-Laa kɛnɛ̨i, ya ɓə hvaa mą, ɓáá ə lɔ nwɔ tímun ma nwun na yɛ nɛ̨ɛ̨.»

Yálá laawoo hɛɓɛ

²⁷ Kɛlaa nuąi kpɔ kɛ nwɔ́ tɛ̨ą mɛ̨nį pɔ, ɓáá ə lɔ diɛ, diɛ pili yələi a kwəinɛ̨ɛ̨, diɛ mo a yələ kəlee, diɛ kɛ diɛ: «Yai-Laa kɛnɛ̨i, ya ɓə hvaa mą, ɓáá ə lɔ nwɔ tímun ma nwun na yɛ nɛ̨ɛ̨.»

Bible

²⁷ Gɛ́ diai kélee ŋ̀wɛ̂lii ńyee é tɛ́ɛ ŋ́gbɔara-ƃelai dîai, lii-see é kɛ́ díyêei díkɛ koi-nɛ̃ɛ kùla ɣelêi pere dîyɛɛi, “Yâwɛɛ kɛ̂tɛi. Ǹyée mu-nuui kɛ́ mɛni ŋ̀aa a kɛ́ kɛ̂i a ǹɛ́lɛɛ, ǹíi a láa m̀ɛni su.”

Mąątɛ̨nɛ̨ 35:27 ပူးပေါင်းရင်းမြစ်များ

Mąątɛ̨nɛ̨ 132:16

Gɛ́ nwɔ haláá laa həli nuą mąąyili həɠə kɛ a ɓalo mɛ̨nį, ɛlɛɛ, ɉu lonnii diɛ tómą a kwəinɛ̨ɛ̨.

Mąątɛ̨nɛ̨ 132:9

Ə́ wɔ haláá laa həli nuąi, di kwąną həɠə ə kɛ a tələmolaa, ə́ yee pɔ nuą di tómą a kwəinɛ̨ɛ̨.

Mąątɛ̨nɛ̨ 142:7

Ə́ wəli tɔɔ kpɔ a nɛlɛɛ dómą woo ɓa, Mąąhɔlɔɓo, mą́ą́wɛliɛ kɛnɛ̨! Nuąi di hvilɛn ŋąąi búlu a kɔ́, gúlɔ di yəi; Mąąhɔlɔɓo, di hvaŋą tɛɛi mą́ą́.

Mąątɛ̨nɛ̨ 147:11

Kɛlaa Yai-Laa a giliŋąhiɛ kpɔ a nɛlɛɛ, yɛ vilɛn, nuąi da ɲɔw mą diɛ a diɛi da di kilitɔɔ nwɔ kulɔ nwooɓa laa ɓa.

Mąątɛ̨nɛ̨ 149:4

Mąąhɔlɔɓo Yai-Laa a tɔɔ nwɔ nuąi pulu, nuąi hvaŋą hvo di yəi, a kɔ́ nɛ̨ɛ̨ diɛ.

Mąątɛ̨nɛ̨ 32:11

'Ka kwəinɛ̨ɛ̨ kulɔ Yai-Laa mąą mɛ̨nį hu, kaai a tələnmo nuąi, 'ka kɛ kwəinɛ̨ɛ̨ hu; ɛlɛɛ, kaai kpɔ a kwəi kwələ nuą, 'ka pili yələi a kwəinɛ̨ɛ̨.

Mąątɛ̨nɛ̨ 34:4

'Ka lɛɠɛ mą́ą́, ka gu Yai-Laa mąątɛ̨nɛ̨! 'Ka gu naa tɛ a gee.

Mąątɛ̨nɛ̨ 40:16

Nuąi da kɛ kɛi diɛ: «Ə kɛ yɛ!» Mąą nuąi tii kwəi ə pili diɛ a nwumɛ̨.

Mąątɛ̨nɛ̨ 40:17

Yiiɠaai kpɔ di kaa ə́ kwɛlii, yiliɠaai di pili yələi a kwəinɛ̨ɛ̨. Yiiɠaai ə́ wɔ ɓalo mɛ̨nįi wɛli kaa diɛ, diɛ mo a yələ kəlee diɛ kɛ diɛ: «Yai-Laa kɛnɛ̨ɛ̨i.»

Mąątɛ̨nɛ̨ 68:3

Bələi lɔ nwɔ̨n nulu a lɔ la sɔɛɛ, bələ lɔ ɓə yá di lɔ la sɔɛɛ, bələi lɔ kwɛ̨igban a həɠəən na, nwɔ̨n ɉu, bələ lɔ ɓə, nuąi di hva kulɔ di woo ɓa, di nwun na a pili la ɲɛ̨itɔwɔ.

Mąątɛ̨nɛ̨ 70:4

Nuąi da kɛ yɛlɛ kulɔ ɉu kɛi, di pənə də li a nwumɛ̨ kɛnɛ̨.

Mąątɛ̨nɛ̨ 9:4

Ɲówóɠaa daa yáli di pulu, diɛ too, di nwun na yɛ pili, ə́ ɲɛ̨i mu.

Hanwon 8:18

Hɛn gɔw da mąąwiɛ di kaa ɲə́i, da hɛn gɔwi a lamun da tələnmolaa.

Sofoni 3:14

Siɔn hɛlakpɛla, 'tómą a kwəinɛ̨ɛ̨! Israɛlə, 'huluun a kwəinɛ̨ɛ̨, Ɉerusalɛmə nɛ̨ɛ̨gbɛla, 'kwəinɛ̨ɛ̨ kulɔ a ə́ lii kəlee.

Sofoni 3:17

Siɔn, Yai-Laa ə́ wɔ Yálái kaa ə́ pɔ, gaa a kɔkulaa kɛnɛ̨i kɔ́ a nɛ̨ɛ̨ mą. Gwəinɛ̨ɛ̨i ə́ mąą mɛ̨nį ɓa, gaa ə́ pui ə́ nįnɛ̨ kɔ́lɔi nwɔ wɛlikɛmąąlaa hu. Gaa ə́ mąą mąną kaai, yɛ pili yələi a kwəinɛ̨ɛ̨, yɛ tómą.

Ɉaan 16:22

Bələ kpɔlɔ ɓə ka káá la yiihu. Kɛlaa, ɓɛlɔwai gu kaa pai pənəi gu gu kee kaa la a nįnɛ̨, ka kwəi a nɛ̨ɛ̨, nu ta hva pɛli gwəinɛ̨ɛ̨i tii kulɔi ka yəi.

Lomaŋ 12:15

Nuąi da kɛ kwəinɛ̨ɛ̨ hu, ka diɛni ka gwəinɛ̨ɛ̨ tii kulɔ, nuąi da kɛi wɔlɔ, ka diɛ ni ka wɔlɔ.

Korɛntə dɔlɔɔ 12:26

Nu tɔɔ-tɔɔi ta a kɛli nwąną, mɛlaa kəlee da ɉu mɔ̨nɔ̨ mįi, dɔ̨nɔ̨ a kwəinɛ̨ɛ̨ hɔlɔɓo, nąą kəlee a kɛ gwəinɛ̨ɛ̨ hu.