Mąątɛ̨nɛ̨ 35:26 - Yálá laawoo hɛɓɛ (dc)

²⁶ Nuąi kpɔ nwɔ́ mɔ̨nɔ̨ kaa a di kwəinɛ̨ɛ̨ mɛ̨nį, 'nwumɛ̨ ə gəlee ɲɛ̨i paa a gee! Nuąi kpɔ tii kɛi di nwun dɛ, nwumɛ̨ da ɓáá-kulɔmąą, ə kɛ a di mąą həɠə!

Yálá laawoo hɛɓɛ

²⁶ Nuąi kpɔ nwɔ́ mɔ̨nɔ̨ kaa a di kwəinɛ̨ɛ̨ mɛ̨nį, 'nwumɛ̨ ə gəlee ɲɛ̨i paa a gee! Nuąi kpɔ tii kɛi di nwun dɛ, nwumɛ̨ da ɓáá-kulɔmąą, ə kɛ a di mąą həɠə!

Bible

²⁶ Gɛ́ diai dílii nɛ̃ɛ̂i ŋámɛni kpɔ̂lui mɛ̂ni mai, dí ŋumɛ díkili ŋá pú. Diai da díkpîŋ sìɣe a maa nɛ̃ɛ é tɛ́ɛ ḿâi, ƃâa é kula dîa dí ŋumɛ.

Mąątɛ̨nɛ̨ 35:26 ပူးပေါင်းရင်းမြစ်များ

Zôo 19:5

Akɛ ka káá bɔ ka ka kpɔɔ lɛ a mɛ̨nį kɔ́lɔn nuą mą́ą́ mɛ̨nį hu, a mɛ̨nįɠaai ŋį́ nwumɛ̨ ɉu bɛlɛi ka mo nwúɔ,

Zôo 8:22

Ə́ yowoɠaa di kaa pai kɛi nwumɛ̨ hu, mɛ̨nį ɲɔ̨n gɛ nuą di wɔ pɛlɛ́ɠaai ta lɔpee hva lɛɛ laa.

Mąątɛ̨nɛ̨ 109:19

Nɛ̨ŋɛ̨n ə kɛ a gɔnmą həɠə, ə kɛ a ɉɛ̨ą yili kɔ́lɔi, a ɉɛ̨ą yili la, a yələ kəlee!

Mąątɛ̨nɛ̨ 129:5

Nwumɛ̨ ə gəlee ɲɛ̨i paa! Nuąi kpɔ da wɛlikpɛɛmąąlaa kulɔ a Siɔn, di li a di pulu pələ.

Mąątɛ̨nɛ̨ 132:18

Ŋą́ nwumɛ̨ həɠə too ɲowoɠaa kwąną, Kɛlaa nwɛi, nwɔ tɔɔɓɔlɔi ɲɛ̨i a tɔɔ.

Mąątɛ̨nɛ̨ 35:4

Nuąi di hvilɛnŋąąi nwɔ́ yɛnɛ̨ɛ̨ pulu, nwumɛ̨ ə di ɲɛ̨i paa, di ɓɛlɛ ə too! Nuąi di kiliŋąhiɛi mą́ą́ a ɲɔ̨nwɔ̨ɔ̨, ɓáá ə kulɔ diɛ! Di li di pulu pələ a nwumɛ̨.

Mąątɛ̨nɛ̨ 38:16

Yai-Laa! Yɛ́ lɔ ɓə gílitɔɔ yɛ́! Ną́mu Yálá! Yɛ́ lɔ ɓə pai nwóó mu hon ɉi!

Mąątɛ̨nɛ̨ 55:12

Daa kwəi pələ, paa ɓo, toomɛ̨i da heemɛ̨i, di hva kpɛɛ gwəliɠaa hu.

Mąątɛ̨nɛ̨ 71:13

Nuąi kɔ́ pɛlɛi nwɔ́ yɛnɛ̨ɛ̨ ɓa, di nwun na ə pili a nwumɛ̨; nuąi di kaa bɔ mą́ą́ ə wɛli, ɓáá ə kulɔ diɛ, ɲɛ̨ipaa ə lɛɛ a di wɔɔ.

Azaya 41:11

Nuąi kpɔ tii kɛ di liikələnŋąą di kwəi ə́ pɔ, di kaali, di kaa pai nwumɛ̨i, di ɓɛlɛ yɛ kpɛɛ diɛ, di kaa pai lɛɛi a nu kpoloonŋąą, diɛ haa, diɛi kpɔ tii kɛi hvaa pɛlɛ yɛ́i.

Ɉeremi 20:11

Kɛlaa, kwa Yai-Laa ɓə ku tɔɔ, ya ɓə gaa a kɔ́kuláá kpəɠiɛɛ. Nuąi di hvilɛn ŋąą búlú, di kaa pai kalin ɉii, mɛ̨nįi di kaa gwɛ́lii la, di yee hvo pai pɛlii mą. Nwumɛ̨ kaa pai di ɲɛ̨i paai. Di yee hvo pai lɔi. Di ɓɛlɛ kaa pai tooi a yələ kəlee, di hvo pai lɛ̨ąi yili ɓa.

Ɉeremi 48:26

Ka lɔɔ tɔɔ na, ə gɛlɛ, hvo gaai, ə gbɔwɔ gɛnɛ̨ ə dɛɛ Yai-Laa ɓa. Ya ka mąąkɔ̨nwɔ̨i maɠi hu, yaa kpɛli aa kɛ a yɛlɛ mąą hɛn.

Danîa 11:36

«Yii lɔpee a nɛɛ tɔɔmun ma, ya ɓə gaa pai gɛi. Hu ɲąŋą kɛnɛ̨ kaa pai kɛi ɉu, yə gbɔwɔ kaa yɛ kɛ gɛnɛ̨ɛ dɛɛ alaɠaa diɛ, gaa pai kɛi mɛ̨nį ɓoi alaɠaa di wɔ Yálá ɓa, hva kpɛli ɲɔw. Gɛ mɛ̨nįɠaa kəlee hu kaa pai kɛi nɛɛi, ə lɛɛ la ɉu Yálá nwɔ líiɲąnwąnąi pa hvóló yɛ ɉəli. Nąąlɔwai, yii Yálá ə gbən dee, a naahvɛɛ.

Mise 7:10

Ɲówo kaa pai nąą kaai, yɛ nwumɛ̨; yai tii kɛi kɛ mą́ą́: «Ə́ wɔ Yálái Yai-Laa kaa mį?» Ɲɛ̨́i kaa pai tɛɠɛ ɓoi ɉu, di kaa pai dan ɉii yɛ pələ pɔ palaya.

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»