Mąątɛ̨nɛ̨ 33:14 - Yálá laawoo hɛɓɛ (dc)

¹⁴ Ɓɛi nwɔ tɔɔ kpəlin kaa laa, a lɛɛ laa, yɛ lɔi mɛ̨i nuą kəlee mąąkpɛɛ.

Yálá laawoo hɛɓɛ

¹⁴ Ɓɛi nwɔ tɔɔ kpəlin kaa laa, a lɛɛ laa, yɛ lɔi mɛ̨i nuą kəlee mąąkpɛɛ.

Bible

¹⁴ Ƃɛ́i kélee ŋɔwála-walai káa naa mɛi, a naa mɛi kâai, gɛ́ núu kélee maa kpɛ̂ɛ ǹɔii ma.

Mąątɛ̨nɛ̨ 33:14 ပူးပေါင်းရင်းမြစ်များ

Tɔɔɓɛlaa dɔlɔɔ 8:27

«Akɛti, Yálá a pɛli mą heei lɔi mɛ̨i? Bələi mąn Yələkɔlɔn ɉu kɛnɛ̨ la, aa nąą kəlee laahvɛɛ, gu hvomun kɛ bɛlɛ́ logolo ŋɛ̨i ŋą́ dɔɔ mąi?

Tɔɔɓɛlaa dɔlɔɔ 8:30

Nɛ̨ɛ̨mąą wooi ə́ wɔ tímun da Israɛlə nu huwu di kaa vəi, di ɲɛ̨i hiɛ gɛɛnąą ŋɛ̨i pələ, nɛ̨ɛ̨ yɛ́, ə́ wəli tɔɔ mą. Ɓɛi ə́ kaa laa yələkɔlɔn ɉu, ə́ ə́ wəli tɔɔ laa, ə́ ku mąąhvaalɛɛ.

Tɔɔɓɛlaa dɔlɔɔ 8:39

Ee Yai-Laa, lɛɛ yələkɔlɔn ɉu, ɓɛi ə́ kaa laa, ə́ ə́ wəli tɔɔ, ə́ mąąhvaalɛɛ, ə́ ə́ kɛ mɛ̨nį kɛ ɉu; ə́ ɉon yɛ bələi ə túwɔ́ la. Mąąhɔlɔɓo, ə́ gwəi kɔ́lɔn, yaan, yɛ́ tɔ̨nɔ̨ lɔ ɓə nu kanŋaa kwəi kiliŋąhiɛ kɔ́lɔn.

Tɔɔɓɛlaa dɔlɔɔ 8:43

Ee Yai-Laa! Lɛɛ yələkɔlɔn ɉu, ə́ ə́ wəli tɔɔ, ə́ mɛ̨nį kəlee kɛ, yɛ bələi nwɛ̨ąi tii kaa pai vɛli la yɛ́. Ə gɛ, yɛnɛ̨ɛ̨ nuą kəlee diɛ pɛli ə́ laa kɔ́lɔn ɉii, ɛlɛɛ, diɛ ɲɔw yɛ́, yɛ bələi ə́ wɔ nu huwu Israɛlə a ɲɔw la yɛ́. Ɛlɛɛ, di gili kɔ́lɔn diɛ kɛ da kɛi ə́ laa ɓoi bɛlɛ́i ŋɛ̨i mɛ̨i, yai ŋą́ dɔɔ.

Kɔlɔnikɔ Veerɛi 16:9

Mąąhɔlɔɓo, Yai-Laa a ɲɛ̨i laa lɔi mɛ̨i nąą kəlee, nuąi di kilitɔɔ mą di kwəi tɔ̨nɔ̨ mɛ̨i, yɛ tɔɔ di pulu. Mɛ̨nį yii ŋɛ̨i hu nwɛi, yáá túwɔ́ yɛ ɓowomun. Yili mąą mɛ̨nį ɓa, ə həɠə yiihu ɓa, di kaa pai kɛi kɔ́ pɛlɛi yɛ́.»

Mąątɛ̨nɛ̨ 113:6

Ɛlɛɛ, a nwun vilɛn, yɛ ɲɛ̨i pili, yələ kɔ́lɔn da lɔi di mɛ̨i.

Mąątɛ̨nɛ̨ 123:1

Ɲee mąąhəɠɛɛ tɛ wələ. Ŋą́ą́ ɲɛ̨́i muhəɠə ə́ pɔ pələ, Yɛ́i heeni yələkɔlɔn ɉu;

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Azaya 66:1

Yai-Laa woo ka, yɛ diɛ: Yələ kɔ́lɔn mə gaa a nwɔ́ tɔɔ kpəlin, lɔi ə ɓo a gɔ́wɔ tɔɔi. Pɛlɛ́ lə kɛɛ kpɔ ɓə kɛa ka pɛli dɔɔi mą́ą́? Kɛɛnąą wolo lə kɛɛ kpɔ ɓə, ŋą́ pɛli vįi tɔɔi laa?

Ɉeremi 32:19

Ə́ kaa a liɛwoo kɛ mun nɛlɛɛ, mɛ̨nį lɛlɛɛ kɛ mun. Ə́ ɲɛ̨i kaa nu kəlee túwɔ́ pələ ɓa, yá nu kəlee hvɛla kulɔ, yɛ bələi ə túwɔ́ la; yɛ bələi gɛ koló kaa la.

Zakari 4:10

Gbɛɛ ɓə kɛi tɛɠɛɓo volói ku mɛ̨nįɠaa kpala tɔɔ la a viikpɛɛ, di hu? 'Di kwəinɛ̨ɛ̨ kulɔ kani, bɛlɛ́ tɔɔ kinɛ̨ kɔ́w kaa Zorobabɛlə yəi. Nwulɔ nwɔ̨n mɛ̨ihveelɛi, di kaa a Yai-Laa ɲɛ̨i kɔ́w mąą nįnįn, yai a lɔi mɛ̨i kəlee kaa la.»

Lukə 11:2

Jesus yɛ diɛ: «Kaa kɛi Yálá hvɛli ka kɛ mą: «‹Ku Nąn yɛ́i ə́ kaa yələi, ku kaa bɔ nuą di ə́ kɔ́lɔn a Yálá hvulú, ə́ wɔ tɔɔlaa ə pa.

Timote dɔlɔɔ 6:16

a Yaa tanɔ̨n gbən yɛnɛ̨ɛ̨ kaa ɲəii, Yai heeni kɛɛponoi nu kan hva pɛli lɔi ɉu, a yai nu kan hvo ta gaa li, hva nwɔ̨nɔ̨ pɛli gaai; Yaa ɓə, mąąwiɛlaa, da hvaŋąlaa kaa ɲəi. Amįįną!