Mąątɛ̨nɛ̨ 33:10 - Yálá laawoo hɛɓɛ (dc)

¹⁰ Yai-Laa ə lɔiɠaa kwəi kiliɠaa hukala, mɛ̨nįɠaai nuą di mąąkili tee di kwəi, ə di lɛɛ a kpɛli.

Yálá laawoo hɛɓɛ

¹⁰ Yai-Laa ə lɔiɠaa kwəi kiliɠaa hukala, mɛ̨nįɠaai nuą di mąąkili tee di kwəi, ə di lɛɛ a kpɛli.

Bible

¹⁰ Yâwɛɛ a ǹɔii-ŋûŋ-ŋai su-ƃelai kíli ŋá pù. M̀ɛni nyɔ́mɔɔ-ŋai kélee da gbɛtɛi, ŋaa see fa kɛ̂ a dɔnɔ kpîŋ.

Mąątɛ̨nɛ̨ 33:10 ပူးပေါင်းရင်းမြစ်များ

Zɛnɛse 11:8

Yai-Laa ə di hu taɠa lɔi mɛ̨i, di kpəla kɛa daai tii tɔɔ ɓa.

Samia Veerɛi 15:31

Di pa diɛ Davidə ɓa: «Ahitofɛlə kaa nɔgili kɛ nuą pɔ, da Absalɔn ni ɓə di tɔɔ.» Davidə ə Yálá hvɛli yɛ mą: «Gáá ə́ hvɛlii Yai-Laa, gɛ ə́ Ahitofɛlə kili ŋąą pɛlɛ hvo kilimąą woo ɓo.»

Samia Veerɛi 15:34

Kɛlaa ya pənə ya li taai yɛ kɛ Absalɔn ɓa: ‹Tɔɔmun gáá kɛi a yɛ́ tímun. Ɉu hvo kwɛa li ŋą́ kɛ a ə́ nąn nwɔ́ tímun. Yii laa hu, gáá a yɛ́ tímun.› Ya yili kɛ tii ya pɛli mą Ahitofɛlə nwɔ liɛwooɠaa maapənə yɛ́ ɲɛ̨i lɛlɛɛ hee bɔ́ pələ.

Samia Veerɛi 17:14

Absalɔn da Israɛlə kalanɉonŋaa kəlee diɛ mą: «Arki mun Husai nwɔ liɛwooi aa lɛlɛ, aa tɛɛ Ahitofɛlə nwɛi ɓa.» Yai-Laa ə hvaa mą, ə Ahitofɛlə nwɛi hu kala, yai kɛ viɛlaɓoɔ, ə gɛ, Yai-Laa ə Absalɔn nwun na pili.

Samia Veerɛi 17:23

Yii kɛa Ahitofɛlə ə gaa yɛ di hvo hvilɛn ɉii nwɔ liɛwooɠaai pulu, ə nwɔ hoohvaalən hąą yili ə hvilɛn bələ ɓa, yɛ li bɔ taai. Ə vɛli ɲəi bɛlɛ́n nuą kəlee diɛ, ə li ə gbɔwɔ hɛlɛn. Haai ə mo, di noo nąn gámą hu.

Tɔɔɓɛlaa veelɛ 6:9

Yálá nwɔ nui a li ə ɉukulɔ Israɛlə tɔɔmun mą, yɛ mą: «Hvo kɛ ə́ kaa lii bələ yii ŋɛ̨i pɔ pələ, mąąhɔlɔɓo, Aramə tɔɔmun a nwɔ kɔlaɠai pɛlɛ laa.»

Nehemi 4:9

Gaai ku yowoɠaa di mo, diɛ kɛ daa ku kilaa pɔ̨nɔ̨, ə lɛɛ, Yálá aa di kwəi kiliŋąhiɛ kala; ku kəlee ku pənə kwəli ɉįi tɔɔ koló ɓa, nu kəlee ə́ li gɛ koló ɓa.

Mąątɛ̨nɛ̨ 140:8

Nąmu Yálá, yɛ́ ɓə a málo hvaŋą, yɛ́ ɓə nwún mąąkɔ̨nwɔ̨ gɔ hu.

Mąątɛ̨nɛ̨ 21:11

Yá di lonnii kpɛɛ lɔi mɛ̨i, yɛ́ di huwu pu, diɛ kulɔ yɛnɛ̨ɛ̨ nuą lɔwai.

Mąątɛ̨nɛ̨ 9:15

Gɛ́ pɛli kɛi lɔ ə́ mąątɛ̨nɛ̨ wələ tooi, Siɔn, gwəli-hɛ̨ąiɠaa, gɛ́ pili yələi máloi yá mo, mąą mɛ̨nį ɓa.

Hanwon 21:30

Kili mɛ̨nį ta hvo laa, da nwun gɛ ɉu ta, ə mą kɛ nwun dɔɔ ta yii ɲee a pɛli tɛɛi Yai-Laa ɓa.

Azaya 19:3

Eziptə kili a kpɛɛ ɲəi, gɛ́ nwɔ kilikɛɲəi hu kala, di kaa pai kɛi di nwun dɔɔi a haliɠaa da kwɛlɛɛngɛ-nuą, diɛ ɲɛ̨ąkpɛ nuą mąąni kɛ, ə mą kɛ tɔlukpɛ nuą.

Azaya 44:23

Yələ kɔ́lɔn, 'tomą a kwəinɛ̨ɛ̨, mąąhɔlɔɓo, Yai-Laa aa gɛ mɛ̨nį kɛ, 'ka ɓələn a kwəinɛ̨ɛ̨, lɔi mu pələ lɔiɠaa, yeeɠaa, 'ka tómą a kwəinɛ̨ɛ̨, ə mą kɛ wɛla, da ɉu wuluɠaa, mąąhɔlɔɓo, Yai-Laa aa Ɉakɔbə nwun mąąɓo, ɛlɛɛ aa nwɔ mąąwiɛ lɛ Israɛlə lɔi hu!

Azaya 44:25

Ɲą́ą́ ɓə ŋą́ kwɛlɛɛn gɛɛ kaa nuą woo lɛɛ a kpɛli, gɛ́ tɔlukpɛ nuą nwun ɉu kɛ wulu-wulu, gɛ́ kilimąą nuą kili laa pɛlɛ pulu pələ, gɛ́ di wɔ kili kɛ ɲəi mɛ̨nįɠaa hu kpinį.

Ɉeremi 19:7

Gáá pai Ɉuda da Ɉerusalɛmə taa di wɔɔ nwun dɔɔ hu woo kɛi a kpɛli kpɛli gɛɛnąą ŋɛ̨i ɓa. Ŋą́ hvaa mą, di yowoɠaa diɛ kɔ́ pɛlɛ diɛ, diɛ di paa, nuąi diɛ di di wɔ yɛnɛ̨ɛ̨ kulɔ di yəi, ŋį́ di tɛɛ yiliɠaa pɔ. Ɛlɛɛ, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Izikiɛ 20:32

«Mɛ̨nįi ka káá ká kiliŋąhiɛi mą, hvo pai kɛi, yai ka káá kɛi la diɛ; ku kaa bɔ ku kɛ yɛ lɔi takpɛliɠaa; yɛ yɛnɛ̨ɛ̨ nu huwu takpɛliɠaa, kuɔ wulu da kwɛniɠaa di kɔ́.

Malasi 1:4

Nuą tii da pɛli di mo, diɛ mą: ‹Daa ku hee taaɠaa wolo kpɛli tii, ku kaa pənəi ku dɔ.› Ɲą́ą́ Yai-Laa Mɛ̨nį Kəlee ŋą Hééɓomun, nwóó li, gɛ́ diɛ: Da pənə da nąą tɔɔi, ŋą́ di kɛ kólo hu kala; ɛlɛɛ, laai da ɉee diɛ, ya ka, da kɛ diɛ: ‹Lɔi mɛ̨nį ɲɔ̨n gaa ɉu›, diɛ nwɔ̨nɔ̨ mą: ‹Lɔi Yálá nwɔ liiholi kaa mɛ̨i a yələ kəlee.›