Mąątɛ̨nɛ̨ 32:1 - Yálá laawoo hɛɓɛ (dc)

¹ Davidə nwɔ nu mąąkwɛli woo. Nui daa ɉɔn mąąhvaalɛɛ, nwun na nɛ̨ɛ̨i ɓə, ɛlɛɛ, diɛ nwɔ nɛ̨ŋɛ̨n lɛɛ mą a kpɛli.

Yálá laawoo hɛɓɛ

¹ Davidə nwɔ nu mąąkwɛli woo. Nui daa ɉɔn mąąhvaalɛɛ, nwun na nɛ̨ɛ̨i ɓə, ɛlɛɛ, diɛ nwɔ nɛ̨ŋɛ̨n lɛɛ mą a kpɛli.

Bible

¹ Lûwa káa diai dîa Ɣâla a dí su mɛ̂ni lɛ̀ɛ zɔnyɔ̂ŋ-ŋai da gɛ̀i m̀ɛni ma, é ǹyée kúla gélee sui.

Mąątɛ̨nɛ̨ 32:1 ပူးပေါင်းရင်းမြစ်များ

Samia Veerɛi 12:13

Nąąlɔwai Davidə yɛ Natan ɓa: «Ŋą́ą́ nɛ̨ŋɛ̨n ɉəɠə Yai-Laa ɓa.» Natan yɛ Davidə ɓa: «Yai-Laa aa ə́ kɛ nɛ̨ŋɛ̨n mąąhvaalɛɛ, hvo pai haai.

Nehemi 4:5

Ku yowoɠaa diɛ kɛ diɛ, gɛɛ di kili hvo pu ɉu, ɛlɛɛ di hvo ku kaa, kwa tɛ di mɛ̨i, ku wɔ di paa, ɛlɛɛ, ku goló kpəla bələi.

Mąątɛ̨nɛ̨ 103:3

Ya ɓə a ə́ hɔn gəlee mąąhvaalɛɛ kpɔ tɛ̨ɛ̨tɛ̨ɛ̨, yɛ ə́ mąą ɲɔ̨n gəlee kpɛɛ.

Mąątɛ̨nɛ̨ 106:3

Nuąi da tɛ̨ą mɛ̨nį kɛ, di nwun na nɛ̨ɛ̨i, a diɛi ti da tələnmo yíi ɓo a yələ kəlee!

Mąątɛ̨nɛ̨ 128:1

Ɲee mąąhəɠɛɛ tɛ wələ. Nuąi kpɔ da ɲɔ̨w Yai-Laa ɓa, diɛ hiɛ nwɔ pələi mɛ̨i, di nwun na nɛ̨ɛ̨i!

Mąątɛ̨nɛ̨ 40:4

Ə wələ nįnɛ̨ pu ná, a Yálá mąątɛ̨nɛ̨ wələ woo. Nu tamąą kaa pai nąą kaai, di ɲɔw, diɛ di kilitɔɔ Yai-Laa ɓa.

Mąątɛ̨nɛ̨ 42:1

Nwələ ɲɛ̨itɔwɔmun. Kore lonnii di wɔ kiliŋą pono wələ.

Mąątɛ̨nɛ̨ 45:1

Nwələ ɲɛ̨itɔwɔmun: Da kɛ nwələi ɲɛ̨i ɓa: Yagbudɛ-wələ. Kore lonnii di wɔ kilaa pono wələ woo, wɛlikɛmąą wələ.

Mąątɛ̨nɛ̨ 52:1

Nwələ ɲɛ̨itɔwɔmun. Davidə nwɔ kilimąą wələ.

Mąątɛ̨nɛ̨ 53:1

Nwələ ɲɛ̨itɔwɔmun, ə doo a hvɛlikɛ hɛn da vɛɛ. Davidə nwɔ mąą kwɛli woo.

Mąątɛ̨nɛ̨ 55:1

Davidə nwɔ wələ woo. Nwələ ɲɛ̨itɔwɔmun. Gwɛnin nwələ, Davidə nwɔ kilimąą wələ.

Mąątɛ̨nɛ̨ 84:12

Mąąhɔlɔɓo, Yai-Laa nwɔ́ Yálá kaa a hvoló, Yɛ ɓo a nu mąą kpɛ gbanąn, Yai-Laa a nu kɔ́ a nɛ̨ɛ̨laa, da ɲɛ̨i pɔ̨nɔ̨. Nuąi da hiɛ a ɉaŋąą, hva di kunwɔ̨ a nwun nąnɛ̨ɛ̨.

Mąątɛ̨nɛ̨ 85:2

Yai-Laa, bələi ə́ wɔ lɔi wɛli kaa la yɛ́, yáá yili lɛ; yáá pənə yaa pa a Ɉakɔbə lonnii kɛ luwɔlaa hui;

Mąątɛ̨nɛ̨ 89:15

Ə́ wɔ tɔɔkpəlin hvilɛn ŋąą tələnmolaa da tɛ̨ą di mɛ̨i; wɛlikɛmąąlaa da tɛ̨ą mɛ̨nį diɛ hiɛ ə́ ɲɛ̨i ɓa.

Azaya 1:18

Yai-Laa yɛ diɛ: 'Ka pa, gu gu keeni woo ŋąą kaa, Akɛ ka kɛ nɛ̨ŋɛ̨n gbɔluɔ yɛ ɲąmą, a kwələ yɛ yeehunwɔ̨. Ka kɛ nɛ̨ŋɛ̨n a kɛ a gbɔluɔ mutɛɠiɛ, a kwələ yɛ wiɛ hunwɔ̨.

Azaya 43:25

Kɛlaa, nwɛ́i, bələi gɛ́ pələ kaa la a wɛlikɛmąąlaa, yili ɓə a gɛ gɛ́ ə́ wɔ kulɔ nwoomuɠaai lɛɛ yɛ́ a kpɛli, ɛlɛɛ, vá ə́ wɔ túwɔ́ pələ ɲɔ̨nŋąąi kili lɛ ɲą́.

Azaya 44:22

Ŋą́ą́ yɛ́ kulɔ nwoomulaa waa yɛ tulɔ kpinįn a waa yələi, ŋą́ą́ yɛ́ túwɔ́ pələ ɲɔ̨nŋąąi taɠa, yɛ bələi nąląąn a taɠa la: pɛ̨nɛ̨ ə́ pa bɔ́, mąąhɔlɔɓo, ŋą́ą́ ə́ nwun mąąɓo.

Maafîu 16:17

Jesus ə mo Piɛrə ɓa, yɛ mą: «Simɔn, Ɉonasə lon ɉulɔnu, ə́ nwun na nɛ̨ɛ̨i; mąąhɔlɔɓo dɛ̨ą ŋɛ̨i yaa mo, nu hvəə a nɛ nu ɓa; hvɛɛ Ną́n Yálá yai gaa yələkɔlɔn ɉu, ya ɓə a pɛli nɛi nu ɓa.

Lukə 11:28

Kɛlaa, Jesus ə nwoo pulu pənə yɛ mą: «Nuąi mun di nwun na nɛ̨ɛ̨, diɛ ɓaa: nuąi da Yálá laawoo mɛ̨n, diɛ bɔ mɛ̨nį kɛ.»

M̀ɛni-lɛɛi 22:14

Di nwun na nɛ̨ɛ̨i, diɛi da di wɔɔ həɠə kwɛaaɠaai waa, əgɛ, diɛ pɛli di wɔɔ nąą hɔlɔɓoi ɲɛnɛ̨ɛ̨ kɛ wului hu, ɛlɛɛ, diɛ pɛli lɔi bɛlɛ́ laaləiɠaa ɓa daa-lee hu.