Mąątɛ̨nɛ̨ 31:4 - Yálá laawoo hɛɓɛ (dc)

⁴ Yɛ́ a mą́ą́kpɛ kwɛni da nwɔ́ taa wala wala; ə́ kaa pai dɛ̨́nɛ̨n dɔɔi, ə́ laa mąąwiɛ mɛ̨nį ɓa.

Yálá laawoo hɛɓɛ

⁴ Yɛ́ a mą́ą́kpɛ kwɛni da nwɔ́ taa wala wala; ə́ kaa pai dɛ̨́nɛ̨n dɔɔi, ə́ laa mąąwiɛ mɛ̨nį ɓa.

Bible

⁴ M̀áre-ŋai ŋ́gbɔara-ƃelai da dɛ́ ḿberêi dípɔara. Ḿɛi káa mɛni nyɔ́mɔɔ kélee su.

Mąątɛ̨nɛ̨ 31:4 ပူးပေါင်းရင်းမြစ်များ

Mąątɛ̨nɛ̨ 124:7

Yɛ bələi nwɛ̨nį a ɓɔ la nwɛ̨nįkpɛmun nwɔ diŋɛ̨n nwolo ɓa, bələ kpɔlɔ ɓə ku kulɔ la ɉu, diŋɛ̨n nwolo ə tee mą, ku pu.

Mąątɛ̨nɛ̨ 140:5

Yai-Laa, gúlɔ nwąnąlɔmun ɲəi, mą́ą́kɔ̨nwɔ̨ wɛamun ɲəi a diɛi tii dóó mɛ̨nį mąą kiliŋąhiɛ lɔ ɓə diɛ.

Mąątɛ̨nɛ̨ 18:3

Yai-Laa kaa a nwɔ́ kwɛni, a nóo kpɔlɔ, da nwún mąąɓomun. Yaa ɓə a nwɔ́ Yálá, a kwɛni woloi ŋą́ mą́ą́ kilɛ ɉui; gaa a nwɔ́ hə́mə́, a nwɔ́ yee tɛɛmąą kɛ kwɛli hɛn da mą́ą́kpɛ hįi.

Mąątɛ̨nɛ̨ 19:14

Ə́ wɔ tímun mąąkwɛa kpɔwɔ ɲąąkɛ̨nɛ̨ nuą diɛ, di yee hvo pɛli mą́ą́, a kɛ tii, mą́ą́kulɔi hvo pai kɛi mą́ą́; ɛlɛɛ, ɲéé hva kɛ nɛ̨ŋɛ̨n gɛnɛ̨ɛ̨ hu.

Mąątɛ̨nɛ̨ 23:3

Yɛ nį́ilɔ. Tələnmo pələ mɛ̨i ɓə a vílɛn naa, Naa mąąwiaa, mąą mɛ̨nį ɓa.

Mąątɛ̨nɛ̨ 25:15

Ɲɛ̨́i həɛi lɔ a yələ kəlee Yai-Laa pɔ pələ, mąąhɔlɔɓo, yaa lɔ ɓə gɔ́wɔ́ kulɔ hɛlɛn ɉu.

Mąątɛ̨nɛ̨ 35:7

Di lɔwa tee dɔ́wɔ́, di mɛ̨i kpulu, yaan, ɉɔ́n və ɉu, dee nwun və kɛ mą, di dee kpɔlɔ náá ɓa.

Mąątɛ̨nɛ̨ 57:6

Yálá! 'Hąŋa 'ə́ tɔɔ yələ kɔ́lɔn mɛ̨i! Ə́ wɔ mąąwiɛ ə hee lɔi kəlee mɛ̨i.

Hanwon 29:5

Nui a ɉeeyɔwɔ mąątɛ̨nɛ̨, gaa hɛlɛn dɛi mɛlan dɔwɔ.

Korɛntə veelɛ 12:9

Kɛlaa, ə nwóó ŋąą pənə yɛ mą́ą́: «Nwɔ́ mɛ̨inɛ̨ɛ̨ tii ə́ yəi, a pɛli; mąąhɔlɔɓo, nwɔ́ huwalawalalaa a too pono ŋą, ə́ wɔɔ hvįikpɛɛlaa tii hu.» Yili ɓa tii, nwɔ́ hvįikpɛɛlaa hu ɓə ŋą́ gbɔ́wɔ́ ɲąą kɛnɛ̨ la, ə gɛ, Kristə nwɔ huwalawalaa ə hee mɛ̨́i.

Timote veelɛ 2:26

Ɛlɛɛ, diɛ kpinįi, diɛ pu di kili kɔlɔn ɉii, diɛ kulɔ la tii nąnį ŋą hɛlɛn ɲą, yai aa kɛ di kɛ a ŋą luwɔɠaa, diɛ tí la tii mą, a niiɓa pələ?