Mąątɛ̨nɛ̨ 31:20 - Yálá laawoo hɛɓɛ (dc)

²⁰ Mɛ̨inɛ̨ɛ̨ɠaai yáá ɉee ə́ ɲɔw nuą tɔwɔ, gɛnɛ̨i nuąi da di mąąkilɛ ə́ pɔ pələ, diɛ ɓə yá gɛ diɛ, nu kəlee ɲɛ̨i ɓa.

Yálá laawoo hɛɓɛ

²⁰ Mɛ̨inɛ̨ɛ̨ɠaai yáá ɉee ə́ ɲɔw nuą tɔwɔ, gɛnɛ̨i nuąi da di mąąkilɛ ə́ pɔ pələ, diɛ ɓə yá gɛ diɛ, nu kəlee ɲɛ̨i ɓa.

Bible

²⁰ Ya dílòo íkoôŋ mu, dí kúla díkpɔara-ƃelai dímɛni kpɛtɛɛ nyɔ́mɔɔ-ŋai perêi. Da kɛ̀ íninîŋ mu, díkpɔara-ƃelai da fa ŋɔ́nɔ dílàraŋ.

Mąątɛ̨nɛ̨ 31:20 ပူးပေါင်းရင်းမြစ်များ

Zôo 5:21

Ə mą kɛ nɛn ɲąąliɛ ɓə, hva həli yɛ́, mɛ̨nį ɲɔ̨n a kɛi pa, hva ɲɔw.

Mąątɛ̨nɛ̨ 10:2

Nwąnąlɔmun nwɔ nwąnąlɔlaa kɔ̨nɔ̨n maa mąąwɛlimun, nwɔ gbąnąlaa hɛlɛn lɔ ɓə a too ɲą.

Mąątɛ̨nɛ̨ 103:11

Bələi lɔ yələkɔlɔn nwɔ heeɓolaa kaa la lɔi ɓa, bələ lɔ ɓə nwɔ wɛlikɛmąąlaa kɛ̨nɛ̨ la ɲɔw mąą nuą diɛ.

Mąątɛ̨nɛ̨ 103:8

Yai-Laa liinɛ̨ɛ̨i gwəi, a nu mąąwɛli kaa; hva níiholi ɉa, gaa a wɛlikɛmąą.

Mąątɛ̨nɛ̨ 119:124

Ə́ wɔ tímun ɉon a wɛlikɛmąąlaa, ɛlɛɛ, ə́ hvááwooɠaa hu pɔ̨nɔ̨ mą́ą́.

Mąątɛ̨nɛ̨ 124:5

A tɛ̨ą, ku nwun mɛ̨i puɔi kɛa kɛ, yanwąną yei.

Mąątɛ̨nɛ̨ 140:3

A nuąi tii da mɛ̨nį ɲɔ̨n mąą kili tee di kwəi, diɛ kɔ́ tee a yələ kəlee;

Mąątɛ̨nɛ̨ 140:5

Yai-Laa, gúlɔ nwąnąlɔmun ɲəi, mą́ą́kɔ̨nwɔ̨ wɛamun ɲəi a diɛi tii dóó mɛ̨nį mąą kiliŋąhiɛ lɔ ɓə diɛ.

Mąątɛ̨nɛ̨ 2:12

'Ka mąąwiɛ tɛɛ Non bɔ, hvo pa nəi níiholi, ka nwun na hvo nee pili bələi, nwɔ liiholi a kulɔ lɔ tanɔ̨n. Nui a mąąkilɛ nįnįn mu, mąą nu nwun na nɛ̨ɛ̨i ɓə.

Mąątɛ̨nɛ̨ 27:5

Mąąhɔlɔɓo a nóó nwɔ pɛ́lɛ́i mu, ɓɛlɔwai mɛ̨nį ɲąąnwąnąą a həli mą́ą́; a nóó nwɔ pɛ́lɛ́i ɉɔ̨nwɔ̨n ɉu, a gɔ́wɔ́ tɔɔ kwɛni mɛ̨i.

Mąątɛ̨nɛ̨ 32:7

Ə́ kaa ɲə́i a mą́ą́kilɛi, yá kpɛąn gwə́i pilimąą mɛ̨nįɠaa tɔwɔ; yɛ́ mą́ą́tínɛ̨n a nwun mąąɓo wələɠaa.

Mąątɛ̨nɛ̨ 36:11

Ə́ wɔ wɛlikɛmąąlaa hu hvoloon, nuąi ə́ kɔ́lɔn di mɛ̨i, ə́ ə́ wɔ tɛ̨ą mɛ̨nį lɛ nuąi di haŋąą di mɛ̨i.

Mąątɛ̨nɛ̨ 36:6

Yai-Laa, ə́ wɔ wɛlikɛmąąlaa kaa yələkɔlɔn ɉu, yɛ́ kulɔ nwoo ɓa laa, yɛ həli kpɔ tulɔ kpinįnŋaa diɛ.

Mąątɛ̨nɛ̨ 36:8

Yálá, ə́ wɔ wɛlikɛmąąlaa kɛnɛ̨ɛ̨ ɓə-e! Ee, mąąwiai, ɉɔ̨nwɔ̨ hvo mą. Nu kanŋaa da di mąąkilɛ ə́ hvaŋąn mu.

Mąątɛ̨nɛ̨ 40:4

Ə wələ nįnɛ̨ pu ná, a Yálá mąątɛ̨nɛ̨ wələ woo. Nu tamąą kaa pai nąą kaai, di ɲɔw, diɛ di kilitɔɔ Yai-Laa ɓa.

Mąątɛ̨nɛ̨ 57:11

Mąąhɔlɔɓo, ə́ wɔ wɛlikɛmąąlaa aa laŋ yələ kɔ́lɔn mɛ̨i, yɛ́ tɛ̨ą aa həli yələ kɔ́lɔn ma.

Mąątɛ̨nɛ̨ 86:14

Yálá! Kpɔwɔ ɲąąkɛ̨nɛ̨ nuą di wolo mą́ą́, wɛa nuą daa di yee lɔ gee hu, diɛ hvilɛn na nwɔ́ yɛnɛ̨ɛ̨ pulu, Yálá! Hvó kpɛli di ɲɛ̨i mu a hɛn da.

Lɛɛ gbɔwɔ ɓa 18:11

Ŋą́ą́ laa na kɛa, gɛ́ diɛ: Yai-Laa kɛnɛ̨i dɛɛ haliɠaa kəlee diɛ, ə nwɔ kɛnɛ̨ laa lɛ Eziptə nuąi kɛi Israɛlə nuą mɔ̨nɔ̨ ɓo diɛ.»

Lomaŋ 13:13

Ká gu kaa kɛɛpono hu, 'ká gu túwɔ́ a tələnmolaa. Gu hvo ɓowo pələ kɛ, gu hvo too lɔɔ kpələ kpun ɉu, gu hvo gu laai lɛɛ, gu hvo kɛ lɔ a wɛli hon nuą. Ɛlɛɛ, gu hvo hvaa kɛ, gu hvo tolo kulɔ.

Korɛntə veelɛ 12:20

Ɲɔw kaa ɉú, gɛ́ kɛ ŋą́ pa, və́ pa ká kaa yɛ bələ, gáá la bɔi; ɛlɛɛ, kaan káá gáá yɛ bələi ká la bɔ və́ kɛ la. Gáá ɲɔwi, kiti hvo pa kɛ ká lɔwai, tolo, lííholi, hvaa, laa kala, laa pələ ɓo, tɛɠɛɓo ɉu, da mɛ̨nį yɔhɔ-yɔhɔɠaa.

Galatə 5:20

hali kɔ mɛ̨nį, kááhɛn ɉəɠɛɛ, yowolaa, woo taɠa mąą, tolo, liikələ gwəi, wɛa túwɔ́, ɓɛlaɓolaa da kpɔn daɠa mɛ̨nį,

Timote dɔlɔɔ 6:4

a kɛti, kpɔwɔ ɲąąkɛnɛ̨ aa ɲɛ̨i pu; ɛlɛɛ, mąą nu kaa dɛɠii, ɲɔ̨n gaa mą, yɛ hɛatooi kwɛli, da hvaa kɛ wooɠaa. Yiliɠaa diɛn mə, mɛ̨nįɠaa ŋɛ̨i da kulɔ ɉu: hɛn nwɛlilaa, hɛatoɔ, Yálá lalan nwooɠaa, mɛ̨nį ɲɔ̨n mąą kiliŋąhiɛ,

Zĩi 4:6

Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»