Mąątɛ̨nɛ̨ 31:15 - Yálá laawoo hɛɓɛ (dc)

¹⁵ Kɛlɛɛi Yai-Laa, gílitɔɔi yɛ́, ŋą́ kɛ diɛ: «Yɛ́ ɓə a nwɔ́ Yálá.»

Yálá laawoo hɛɓɛ

¹⁵ Kɛlɛɛi Yai-Laa, gílitɔɔi yɛ́, ŋą́ kɛ diɛ: «Yɛ́ ɓə a nwɔ́ Yálá.»

Bible

¹⁵ Yá ƃé ŋ́gaa íninîŋ mu. Ŋ́gula ŋ́gbɔara-ƃelai yêei, da diai ŋ̀wɛ̂lii dí ḿbaai.

Mąątɛ̨nɛ̨ 31:15 ပူးပေါင်းရင်းမြစ်များ

Samia Veerɛi 7:12

Ə́ wɔ yɛnɛ̨ɛ̨ laa a pa kulɔi, yá pa kɛa laai ə́ nąnni kwɛlɛ, gáá pai ə́ huwu mąąwiɛi ə́ pulu, ə́ kwəi lon da ɓə gáá pai heeɓolaa tɛɛi bɔ, ŋą́ nwɔ tɔɔlaai kɔ́wɔ hvilɛn kpɔ gbilin.

Kɔlɔnikɔ Veerɛi 14:10

Asa ə nɛɛ mą ə nwoo tɛ Yai-Laa nwɔ Yálá pɔ pələ, yɛ mą: «Yai-Laa! Nu ta hva pɛli lɔi nu walaa da nu hviɲąą di lɔwai, ə kulɔ Ə́ pulu. Yili ɓa, Yai-Laa ku wɔɔ Yálá, kpɔnmąą tɛɛ ku pɔ! Hvo gaai, Yɛ́ lɔ ɓə kilitɔɔi Yɛ́, ɛlɛɛ, Ə́ laa hu ɓə ku pa pɛlɛi la nu kpulu daną-danąi ŋɛ̨i ɓa. Yai-Laa! Yɛ́ lɔ ɓə Ə́ kaa a ku wɔɔ Yálá! 'Hvó hvaa mą, nu hvo kɛ gaa tɔɔi Ə́ la!»

Zôo 24:1

Lə mɛ̨nį ɓa, Huwalawala Kəlee Nąmu hvo kɛ hvóló taɠaa lɛɛ li ɲee pulu, yɛ nwɔ mɛ̨nįɠaa kiti tee la; ɛlɛɛ, nwɛlikɛmąą nuą di kɛ a volóɠaa ti kɔ́lɔn ŋąą?

Mąątɛ̨nɛ̨ 116:15

Yai-Laa nwɔ nuą haa mɛ̨nį, a nwąną mą kpɔ kɛnɛ̨.

Mąątɛ̨nɛ̨ 140:7

Ŋį́ kɛ Yai-Laa ɓa: «Nwɔ́ Yálá ɓaa a yɛ́!» Yai-Laa, ə́ wəli tɔɔ nwɔ́ nɛ̨ɛ̨mąą hvə wooi ɓa.

Mąątɛ̨nɛ̨ 142:6

Gáá tómąi ə́ pɔ pələ, Yai-Laa! Gɛ́ diɛ: «Yɛ́ lɔ ɓaa mą́ą́kilɛi, yɛ́ lɔ ɓə, gwa yɛ́ gu tɔɔ nɔi ŋɛ̨i mɛ̨i!»

Mąątɛ̨nɛ̨ 143:12

Ə́ wɔ wɛlikɛmąąlaa haalai, ə́ kaa pai ɲówoɠaa paai, Nuąi kpɔ daa hee mɛ̨́i, yɛ́ di nwunna pili. Mąąhɔlɔɓo ə́ wɔ tímun maa a ɲą́ą́.

Mąątɛ̨nɛ̨ 143:3

Ɲówo aa kɔ́ pɛlɛ mą́ą́, aa dóó, aa gíin-gíin, aa bíli haa nwɔ kpinį hu, yɛ nuąi wɔlɔ daa haa.

Mąątɛ̨nɛ̨ 143:9

Yai-Laa, 'gúlɔ ɲówoɠaa yəi, ə́ pɔ pələ ɓə a mą́ą́kilɛi.

Mąątɛ̨nɛ̨ 17:13

'Ə́ muhəɠə Yai-Laa, ə́ kɔ́ pɛlɛ mą, 'ɲali bulu! 'Nwún mąąɓo a ə́ wɔ ɓɔwa kwɛai, nwąnąlɔmun ɲəi.

Mąątɛ̨nɛ̨ 25:2

Nwɔ́ Yálá, yɛ́ ɓə gílitɔɔ ɓə yɛ́! Hvó ɲɛ̨́i hvala! Ɲówóɠaa di hvo pa hee mɛ̨́i!

Mąątɛ̨nɛ̨ 91:2

Ŋą́ kɛ Yai-Laa ɓa, «Yɛ́ ɓə a mą́ą́kilɛi, mą́ą́kpɛ taa ɓaa Yɛ́, Yɛ́ ɓə a nwɔ́ Yálái, gílitɔɔi mą!»

Lɛɛ gbɔwɔ ɓa 40:37

Kɛlaa, dúlɔ kpinįn a wala nii muhəɠə, di hva di muhəɠə, da nąą mąą kpɔn.

Azaya 25:1

Yai-Laa! Yɛ́ ɓə a nwɔ́ Yálá, gáá Ə́ laa mąąwiɛi, gɛ́ Ə́ laa too a wələ, mąąhɔlɔɓo, mɛ̨nįɠaai kpɔ wɔlɔ, Ə́ gili tee Ə́ kwəi, Yáá gəlee pɔ mɛ̨nį kɛ, dai lɔpee mąą hvo hvalin ni.

Ɉeremi 31:18

Gáá woo ta mɛ̨n ɉii! Gáá Ɛfraimə wɔlɔ woo mɛ̨n ɉii; yɛ kɛ diɛ: Yáá ɉón a ɉútɔɔ pələ, ŋą́ą́ gbɔ́ɔ́ lɛɛ laa diɛ ɉútɔɔ yɛ nįŋɛ̨ hilɛ lon ɉon naa walaa. Bə́nə pulu, əgɛ, ŋą́ bənə búlú ŋą́ pa. Mąąhɔlɔɓo, yɛ́ Yai-Laa, yɛ́ ɓə a nwɔ́ Yálá.

Lukə 9:51

Ɓɛlɔwai Jesus ə kɛi pa həɠəi la lɔi mɛ̨i yɛ tɛ yələi, nąąlɔwai kɛɛ kɛa həli, ə niikpələ kpɔ, ə ɲɛ̨i walawala yɛ li Ɉerusalɛmə.

Ɉaan 12:27

«Yiihu, lii kələn gwəi aa hvə mą́ą́, ŋą́ kɛ kpɔ lə; Ną́n! Ŋą́ pɛli kɛi yɛ́ gulɔ ɉu? Yaan, mɛ̨nįi ŋą́ paa la, nąąlɔwai aa həli.

Ɉaan 13:1

Gɛɛ pakə hɛli hvo kɛ ɉəli, Jesus ə gaa yɛ nwɔ lɔwai aa ɉəli yɛ pa kulɔi ɲɛnɛ̨ɛ̨ ŋɛ̨i hu, yɛ li Nąn bɔ. Nwɔ́ nuą ŋɛ̨i yɛnɛ̨ɛ̨, yaai ə di wɛli la kɛ, ə di wɛli la kɛ kpɔ kɛnɛ̨ɛ̨.

Ɉaan 17:1

Jesus ə kpɛɛ lɔ a nwooɠaai tii ɓoɔ, ə ɲɛ̨i tɛ yələi, yɛ diɛ: «Ną́n! Nąąlɔwai aa həli, Ə́ lon mąąwiɛ, Ə́ lon Ə́i mąąwiɛ.

Ɉaan 7:30

Nuą di kɛ bɔ di ɉon, kɛlaa, nu tɔ̨nɔ̨ kpɛli hvo ɲee pələ mą, mąąhɔlɔɓo, ɉon ɲələ hvo nii kɛ ɉəli li.

Ɉaan 7:6

Jesus ə di woo pulu pənə yɛ diɛ: «Nwɔ́ yələ hvo ni həli li, kɛlaa yələ kəlee lɔ ɓaa a ka wɛi.

Gɛlaɠaa 1:7

Jesus ə di woo ŋąą pənə yɛ diɛ: «Yii hvilɛn na ɲələi ti kɔ́lɔn mɛ̨nį ɓa, ka wɔɔ naa hvəli, Ną́n yaa kpinįi ɓə ɲələ kɔlɔn, ə ɉee a nwɔ Hééɓolaa.

Gɛlaɠaa 23:11

Bulu ɓa kpini pɛlɛɛ kɛa, gu Ną́mu gbɔwɔ lɛ Polə ɓa, yɛ mą: «'Ə́ liikpələ, yaa mą́ą́ kɛla hvaa ɓo ɓɛ Ɉerusalɛmə, hvo kɛli ə́ da ɓo Romə daai.»

Gɛlaɠaa 27:24

yɛ mą́ą́: ‹Polə! 'Hvó ɲɔw, mąąnɛ̨ɛ̨ ə́ həli nɔi nwun nąmu nwɔ kiti haŋai ɓa, ɛlɛɛ, nuąi kpɔ ka diɛni ka káá gələn ɉu, Yálá aa di wɔ yɛnɛ̨ɛ̨ lɛɛ di yəi ə́ háálai.›

Timote veelɛ 4:6

Yii ɲą́ą́ nwɛ́i, daa náákwɛlanmo a haláá hɛn, ɛlɛɛ, ní yələ aa həli.

Piɛrə veelɛ 1:14

Mąąhɔlɔɓo, gílí kaa ɉu gɛ́ diɛ: Və́ pai lɛɛi gɔlɔi ŋɛ̨i hu, ɉáái lɔwai aa gbɛa həli, yɛ pələi Ną́mu Jesus Kristə ə nɛ la mą́ą́.

Samuɛlə dɔlɔɔ 26:10

Davidə yɛ diɛ: «Yai-Laa kaa a vulú, yaa lɔ ɓə mąąnɛ̨ɛ̨ ə gɛlɛ, ə mą kɛ ɉaa yələ aa ɉəli, a wala kɛ tii, ə li kɔ́ mɛ̨i ə lɛɛ ɉu.