Mąątɛ̨nɛ̨ 29:3 - Yálá laawoo hɛɓɛ (dc)

³ Yai-Laa woo aa hiɛ yá kəlee mɛ̨i, Yálá mąąwia kaa tomąi yɛ yələgbąnąą; Yai-Laa kaa heeɓolaa kɛi yá kpɛa kpɛa kəlee mɛ̨i.

Yálá laawoo hɛɓɛ

³ Yai-Laa woo aa hiɛ yá kəlee mɛ̨i, Yálá mąąwia kaa tomąi yɛ yələgbąnąą; Yai-Laa kaa heeɓolaa kɛi yá kpɛa kpɛa kəlee mɛ̨i.

Bible

³ Yâwɛɛ wóo a kɛ̀ tɛɛ̂i yúo mɛi, vólo-laa Ɣalai wóo kɛ́ tɛ̀ɛ-tɛɛ ǹyá-ŋai mɛi yɛ̂ɛ ŋ̀ele gbâna ŋɔŋ.

Mąątɛ̨nɛ̨ 29:3 ပူးပေါင်းရင်းမြစ်များ

Zôo 36:33

Nwɔ yələgbɛnąą ɓə a gɛ mɛ̨nį mąą loloɓo, ə mą kɛ taatɛlɛɛɠaa, da nɛɠɛ mɛ̨nį guɔ kili kɔ́lɔn.

Zôo 40:9

Huwalawala kaa ə́ yəi yɛ Yálá? Ə́ woo kaa yɛ yələ gbąląąn yɛ nwɛ́i.

Mąątɛ̨nɛ̨ 104:3

A nwɔ pɛlɛ́ɠaai tɔɔ yáɠaa mɛ̨i yələi pələ; yɛ tulɔ kpinįnŋaa kɛ a ɉiɛ wotolo; yɛ hiɛ kulɔ hvaŋą hu.

Lɛɛ gbɔwɔ ɓa 19:16

Voló haaɓa yələ, yələwala pɔ, yələ gbąnąą tín ə tɔɔ, mąną-mąną ə gɛ, tulɔ kpinįn ɉuwia ə yɛɛ ɲee ɓa, tulu woo kɛnɛ̨ yɛ tɔɔ, nɔi lonnii kəlee diɛ kpɛlin ɓɛi di kɛ laa tɔɔni.

Lɛɛ gbɔwɔ ɓa 9:28

Ka mą́ą́ nɛ̨ɛ̨mąą hvə Yai-Laa ɓa, ə ɲələgbąnąą da ɉanwon ŋɛ̨i kpəla mą; ŋį́ ka lɛɛ laa, vá kɛa kanąn kaa.»

Lɛɛ gbɔwɔ ɓa 9:33

Moisə ə həɠə tɔɔmun bɔɔli, ə kulɔ daa pulu pələ, ə ɲee tɛ Yai-Laa pɔ pələ ə vɛli. Ɲələgbąnąą da ɉanwon buɔ kɔ́lɔ ə haa mą, dulɔ ə teen.

Ɉaan 12:29

Nu kpului tii kɛ laa, di nwooi tii mɛ̨n, diɛ mą: «Yələ gbąnąą ka tii gɛ.» Daɠaa diɛ kɛ: «Yálá nwɔ malaka ta ka tii mɛ̨nį ɓoi mą.»

Gɛlaɠaa 7:2

Etiɛnə ə nwoo ɲąąpənə yɛ mą: «Káái ɓaa a Nąnni da nąnnonnii, 'ká ka wəli tɔɔ; mąąwiɛ-Yálá ə gbɔwɔ lɛ gu kalaɓɔlɔ Abrahamə ɓa, Mesopotami lɔi hu, ɓɛlɔwai hvo ni kɛ hee li la Haran lɔi hu.

M̀ɛni-lɛɛi 11:19

Ɛlɛɛ, Yálá hee pɛlɛ́i tii yələi, naa ə ɓo, ɛlɛɛ, mįnɛ̨ kəhi mąą ə pono, Yálá hee pɛlɛ́ mu. Ɛlɛɛ, ə kɛ lɔ tii, mąną-mąną ə gɛ, wooɠaa di tɔɔ, yələgbąnąą ə gɛ, lɔi ə kpɛlin, hanwon gɛnɛ̨ ə pu.

M̀ɛni-lɛɛi 16:18

Ə kɛ lɔ tii, mąną-mąnąɠaa di kɛ, wooɠaa di tɔɔ, ɛlɛɛ, yələgbąnąąɠaa ə pola, ɛlɛɛ, lɔi ə kpɛlin ɉuwu ta ɓo, ɲɔ̨nwɔ̨mąn hvo ta kɛli ə həɠə kpɔ nu kan ŋą yɛnɛ̨ɛ̨ kɔwɔ tɔɔ yələ ɓa, ə həli la yiihu ɓa.

M̀ɛni-lɛɛi 19:6

Ɛlɛɛ, ŋį́ nuą huluun nwoo mɛ̨n, ə ɓo yɛ yálee kpɛa-kpɛaa huluun dín, ɛlɛɛ, ə ɓo yɛ tulɔ tuwɔ tín gɛnɛ̨ɛ̨, diɛ kɛ mą: «Kánįkookwəi! Mąąwiɛ, Hééɓó kəlee Nąmu, ku wɔɔ Yálá Huwalawala Kəlee Nąmu, aa nwɔ tɔɔlaai too pono ɲą.

M̀ɛni-lɛɛi 4:5

Mąną-mąną, wooɠaa, da yələgbąnąą di kɛli kulɔ dɔɔkpəlin tii hu; kpalan nən mɛ̨ihveelɛ ə ɓo dɔɔkpəlin dɔwɔ, diɛ ɓə a Yálá ŋą nįį mɛ̨ihveelɛi.

M̀ɛni-lɛɛi 8:5

Malaka ə lansan kələn ɉɛn tii həɠə, ə nwɔ̨n ɉəɠə ɉaláá kulɔi ə naahvɛɛ la, ɛlɛɛ, ə bili lɔi mɛ̨i, ə kɛ a yələgbąnąą, a wooɠaa, a mąnąmąnąɠaa, da lɔi kpɛlinŋąą.

Samuɛlə dɔlɔɔ 7:10

Ɓɛlɔwai Samuɛlə ə kɛi gwɛli hvilɛn ɉaláái tii kulɔ la, Filisti nuą, di kɛi kɛa pa kɔ́ pɛlɛi Israɛlə nuą diɛ, kɛlaa, volói tii Yai-Laa ə nwɔ yələgbąnąąn ɓɛla Filisti nuą mɛ̨i a nwoo kɛnɛ̨, ə ɲɔw too di hu, gɔ́ ə kala diɛ, ə nɛ̨ɛ̨ Israɛlə ɓa.