Mąątɛ̨nɛ̨ 27:1 - Yálá laawoo hɛɓɛ (dc)

¹ Davidə nwɔ wələ woo. Yai-Laa ɓə a nwɔ́ kɛɛ pɔ̨nɔ̨, da málomun. Gbɛɛ ɓə ŋą́ pɛli ɲɔwi mą? Yai-Laa ɓə a mą́ą́ kɔ̨nwɔ̨ hį́i. Gbɛɛ ɓə mą́ą́ a kpɛlin ɲɛ̨i ɓa?

Yálá laawoo hɛɓɛ

¹ Davidə nwɔ wələ woo. Yai-Laa ɓə a nwɔ́ kɛɛ pɔ̨nɔ̨, da málomun. Gbɛɛ ɓə ŋą́ pɛli ɲɔwi mą? Yai-Laa ɓə a mą́ą́ kɔ̨nwɔ̨ hį́i. Gbɛɛ ɓə mą́ą́ a kpɛlin ɲɛ̨i ɓa?

Bible

¹ Yâwɛɛ ƃa ŋá kwaa ponoɔɔi da ŋ́uŋ ma ƃó nuu. Fé pâi yaôi núu da kélee ma. Yâwɛɛ ƃa ḿaa kɔ̃ɔ mɛni nyɔ́mɔɔ sii kélee su. Gbɛ̂ɛ ƃé ŋa pɔ̂ri ŋɔ́nɔ yaôi mai?

Mąątɛ̨nɛ̨ 27:1 ပူးပေါင်းရင်းမြစ်များ

Zôo 29:3

Ɓɛlɔwai Yálá nwɔ labon ə kɛi lən na nwún mɛ̨i, ɓɛlɔwai ŋį́ kɛi hiɛ la a kpinį, Yálá nwɔ kɛɛ pɔ̨nɔ̨i yɛ dénən dɔɔ.

Mąątɛ̨nɛ̨ 11:1

Nwələi ɲɛ̨itɔwɔmun. Davidə. Yai-Laa ɓə a mą́ą́ kilɛi. Ka pɛli kɛi ləi mą́ą́: 'Pu ə́ li ka wɔ yeei nwuɔ̨, nwɛ̨ni logolo.

Mąątɛ̨nɛ̨ 118:21

Gáá ə́ laa mąąwiɛi, mąąhɔlɔɓo ə́ nwóó mu hon, ə́ yee tɛɛmąąlaa tɛɛ bɔ́.

Mąątɛ̨nɛ̨ 118:6

Yai-Laa kaa búlu, va ɲɔw, lə kpɔ ɓə nukan a pɛli gɛi a ɲą́ą́?

Mąątɛ̨nɛ̨ 18:28

Nuąi daa di ɓɛlɛ kpɛɛ diɛ, yɛ́ ɓə ya yeetɛɛmąąlaa tɛɛ di pɔ, yɛ́ kpɔwɔ ɲąąkɛnɛ̨ nuą nwun ɲɛɛ.

Mąątɛ̨nɛ̨ 18:29

Yɛ́ ɓə yá nwɔ́ nwɔ̨n hee, Yai-Laa nwɔ́ Yálá, kpinį a pɛlɛ mą́ą́, yá ɉu pɔ̨nɔ̨ ɲə́i.

Mąątɛ̨nɛ̨ 18:46

Nwɛ̨ą da həɠəən diɛ pu kpulu, di mąą yɛ kpɛlin, diɛ kulɔ di loo pələi.

Mąątɛ̨nɛ̨ 19:14

Ə́ wɔ tímun mąąkwɛa kpɔwɔ ɲąąkɛ̨nɛ̨ nuą diɛ, di yee hvo pɛli mą́ą́, a kɛ tii, mą́ą́kulɔi hvo pai kɛi mą́ą́; ɛlɛɛ, ɲéé hva kɛ nɛ̨ŋɛ̨n gɛnɛ̨ɛ̨ hu.

Mąątɛ̨nɛ̨ 3:8

'Ə́ muhəɠə, Yai-Laa! 'Málo, yɛ́i a nwɔ́ Yálá! Yɛ́i yá ɲówóɠaa kəlee laa lɔwa, ɛlɛɛ, yɛ́ nwąnąlɔ nuą ɲįn ɲali.

Mąątɛ̨nɛ̨ 43:2

Yálá, yɛ́i a mą́ą́ kilɛ taa wala wala, lə ɓə kɛ yai ə́ bílí? Yɛ́ nɛ́ɛ́ laa, gɛ́ li a ɲɛ̨́i mąąwɛliɛ, ɲówó həɛ ɉú kpɔ tii kɛnɛ̨-o?

Mąątɛ̨nɛ̨ 62:2

A tɛ̨ą, ŋą kɛ Yálá lííla, ŋą kɛ liilaa hu, yaa lɔ ɓə a málomun.

Mąątɛ̨nɛ̨ 62:6

A tɛ̨ą, níi wolo, hee kpɔ a ə́ wəli pulu layiɛ, Yálá kwɛlɛ tai, ya ɓə gílitɔɔ mą.

Mąątɛ̨nɛ̨ 84:11

Hvo gaai, yíikuu tanɔ̨n gbən gɛɛ Ə́ yəi bɛlɛ́n, viɛlaɓoɔi kwɛlan nwaa tɔ̨nɔ̨ ɓa, yili mąą mɛ̨nį ɓa, yii ŋą́ ɉəɠə ɉu a níiɓa, ya ɓaa, viɛlaɓoɔi ŋą́ gɛ nwɔ́ Yálái yəi bɛlɛ́ hvaŋąn mu, ə tɛɛ, nu kɛɛ, nuąi da di woo kala, di yəi bɛlɛ́n ma.

Lɛɛ gbɔwɔ ɓa 15:2

Yai-Laa ɓə gaa a nwɔ́ huwalawala da nwɔ́ wələ, gaa a málomun, gaa a nwɔ́ Yálá, Ya ɓə ŋą́ Naa tɛ. Ną́n nwɔ Yálá li, gáá mąą wələ tooi.

Azaya 12:2

Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Azaya 2:5

Kaai ɓaa a Ɉakɔbə nwɔ pɛ́lɛ́i, 'ka tɛɛ ka gwə li, ka gu bɛlɛ gee ɓa, gu hiɛ Yai-Laa nwɔ kɛɛ pɔ̨nɔ̨i hu.

Azaya 45:24

Yɛ kɛ diɛ: Yai-Laa, yaa tanɔ̨n gbən, ɲəi ɲą lɔ ɓə, tələnmolaa, da huwalawalalaa, da kulɔ laa.» Nuąi kpɔ da di kwɛli tee mą, di kaa pai pɛ̨nɛ̨i diɛ pa bɔ.

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Ɉeremi 20:11

Kɛlaa, kwa Yai-Laa ɓə ku tɔɔ, ya ɓə gaa a kɔ́kuláá kpəɠiɛɛ. Nuąi di hvilɛn ŋąą búlú, di kaa pai kalin ɉii, mɛ̨nįi di kaa gwɛ́lii la, di yee hvo pai pɛlii mą. Nwumɛ̨ kaa pai di ɲɛ̨i paai. Di yee hvo pai lɔi. Di ɓɛlɛ kaa pai tooi a yələ kəlee, di hvo pai lɛ̨ąi yili ɓa.

Maafîu 8:26

Jesus ə ɲįnąąɓo, ə di woo ŋąąpənə yɛ diɛ: «Ee kə! Ka wɔ laa na laa tiikpə ɓə ee! Lə mɛ̨nį ɓa ka káá ɲɔ̨wi?» Ŋąąɓa, ə muhəɠə, ə haŋą vaŋą ɓa da ɲa, yɛ diɛ: 'Ka kpəla ma! Vaŋą da ɲa di kpəla kpɔlɔɔ tii ma, kɛɛ mąą ə haa kpɔ tin.

Lukə 2:30

Hvó gaai, ɲɛ̨́i aa tɔɔ ɓalomun ma,

Lukə 3:6

Yálá nwɔ nwun mąąɓo laa yii aa dɛɛ, nu kəlee kaa pai gaai.»

Ɉaan 1:9

Nwoo tii, ə kɛ a kɛɛ pono kpɔ-kpɔɔ, yii pa yɛnɛ̨ɛ̨, ə gɛ, ə nu kəlee mąą pono.

Ɉaan 8:12

Jesus ə pənə ə mo nuą tii kɛ laa diɛ, yɛ diɛ: «Gáá a yɛnɛ̨ɛ̨ kɛɛ pono. Nui a hvilɛn búlú, hva hiɛ kpinį hu. Kɛɛ ponoi a yɛnɛ̨ɛ̨ hva kpɛɛ nu pɔ a ɉɔlɔɓo.»

Lomaŋ 8:31

Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?

Korɛntə veelɛ 12:9

Kɛlaa, ə nwóó ŋąą pənə yɛ mą́ą́: «Nwɔ́ mɛ̨inɛ̨ɛ̨ tii ə́ yəi, a pɛli; mąąhɔlɔɓo, nwɔ́ huwalawalalaa a too pono ŋą, ə́ wɔɔ hvįikpɛɛlaa tii hu.» Yili ɓa tii, nwɔ́ hvįikpɛɛlaa hu ɓə ŋą́ gbɔ́wɔ́ ɲąą kɛnɛ̨ la, ə gɛ, Kristə nwɔ huwalawalaa ə hee mɛ̨́i.

Dutɛrɔnome 7:18

Ka hvo ɲɔw diɛ, mɛ̨nįɠaa kpɔ Yai-Laa ka wɔ Yálái ə gɛ Eziptə tɔɔmun da nwɔ lɔi hu nuą diɛ, yili nąą kili ə too ka ŋą.

Dutɛrɔnome 7:21

Ka mąą hvo kpɛlin nɔiɠaa tii ɲɛ̨i tɔwɔ. Mąąhɔlɔɓo, Yai-Laa ka wɔ Yálái hɛn da hva tɔɔ na, ɛlɛɛ, gɛnɛ̨i mąąwia; gaa tɔɔi ka pulu.

Filipə 4:13

Kristə háálai, ŋą́ pɛli ŋį́ nííkpələ mɛ̨nįɠaai ti kəlee hu.

Hebreu 13:6

Yili ɓa, gwa pɛli gu mo kpɔ a kilitɔɔmąą laa, guɔ mą: «Ną́mu kaa a dɔ́ɔ́ búlú, vá ɲɔw hɛn nɔpee ta ɓa. Lə kpɔ ɓə nu kan a pɛli gɛi a ɲą́ą́?»

M̀ɛni-lɛɛi 21:23

Daa-lee tii mąą kpaan və kɛ hvóló ɓa, ə mą kɛ, ɲąnįn, ɉu pono mɛ̨nį ɓa, gbala ə tɔɔ, Yálá ŋą mąąwiɛlaa ə kɛli ɉu pono, ɛlɛɛ, ŋą kpalan nən maa a Mɛlaa Lon.

M̀ɛni-lɛɛi 22:5

Kpinį hva kɛa pɛlɛ laa, di mąą kpaan və pai kɛi laa kpalan nən ma, ə mą kɛ, hvóló lən, mąąhɔlɔɓo, gu Nąmu Yálá kaa pai di mɛ̨i ponoi a ŋą kɛɛponoi, ɛlɛɛ, di kaa pai tɔɔlaa kɛi, ɲɛ̨n deei hvo mą.

M̀ɛni-lɛɛi 7:10

Diɛ tomą a di woo kɛnɛ̨, diɛ kɛ mą: «Ku wɔ Yálái ɓə ɓalo mɛ̨nį kaa a nwɔɔ, yai heeni dɔɔkpəlin ɉu da Mɛlaa Lon.»