Mąątɛ̨nɛ̨ 25:3 - Yálá laawoo hɛɓɛ (dc)

³ Nui a gilitɔɔ yɛ́, nwumɛ̨ hva tɛ la, nu ɓowo nuą, yəi aa kpɛɛ, daa nwumɛ̨ kpɔ kɔlɔ-kɔlɔ.

Yálá laawoo hɛɓɛ

³ Nui a gilitɔɔ yɛ́, nwumɛ̨ hva tɛ la, nu ɓowo nuą, yəi aa kpɛɛ, daa nwumɛ̨ kpɔ kɔlɔ-kɔlɔ.

Bible

³ Diai dí lâai a yái, da pâi díkpɔara-ƃelai yée mɛi ɣâlei. Kɛ́lɛ diai dí tɔɔ̂i yâi díyee fé pâi tɛɛ̂i díkpɔara-ƃelai dîa.

Mąątɛ̨nɛ̨ 25:3 ပူးပေါင်းရင်းမြစ်များ

Zɛnɛse 49:13

Zabulɔn kaa pai heei gboloyá kwɛlɛ, ɓɛi kələn gbɛa-kpɛa da tɔɔ laa. Nwɔ lɔi a həli kpɔ Sidɔn.

Kɔlɔnikɔ Maa-ŋuŋ 10:13

Saulə ə haa mąąhɔlɔɓo, nwooi da Yai-Laa di mo, hvo kɛ lɛɛ li bulu, mɛ̨nįi Yai-Laa ə mo mą, hvo bɔ mɛ̨nį kɛ li; ə lɛɛ, gɛ mɛ̨nį ə li tɔɔi, yɛ nwun dɔɔ a ɲąmuątaa tɔlikpɛ mun da,

Mąątɛ̨nɛ̨ 109:3

Daa mą́ą́tinɛ̨n daa doo gee hu, a wɛlikpɛɛmąą wooɠaa, diɛ kɔ́ pɛlɛ mą́ą́, nwun və mą.

Mąątɛ̨nɛ̨ 119:78

Gbɔwɔ ɲąąkɛnɛ̨ nuąi tii kɛi lɛɛ pɛlɛ mą́ą́, di nwumɛ̨, nwɛ́i, ə́ wɔ tiɓoɠaai ɓə ŋą́ gíliŋąhiɛ mą.

Mąątɛ̨nɛ̨ 123:2

A tɛ̨ą, bələi lɔ luwɔɠaa ɲɛ̨i kaa la di nąmįną yee ɓa, əlɛɛ bələi lɔ tinɛ̨ɛ̨nu ɲɛ̨i kaa la neenɛ̨a yee ɓa; bələ kpɔlɔ ɓə ku ɲɛ̨i kaa la Yai-Laa ku wɔ Yálái ɓa, ə lɛɛ la ɉu, ə ku ɲɛ̨imąąwɛlikaa.

Mąątɛ̨nɛ̨ 132:18

Ŋą́ nwumɛ̨ həɠə too ɲowoɠaa kwąną, Kɛlaa nwɛi, nwɔ tɔɔɓɔlɔi ɲɛ̨i a tɔɔ.

Mąątɛ̨nɛ̨ 22:6

Di kɛi tómą ə́ pɔ pələ, yɛ́ di ɓalo! Da di kilitɔɔ kɛ yɛ́, hvó kɛi di ɲɛ̨i lɛɛ pələi!

Mąątɛ̨nɛ̨ 27:14

Yai-Laa mąąkpɔn, 'ə́i hvaŋąlɔ, ə́ ə́ liikpələ, 'Yai-Laa mąąkpɔn.

Mąątɛ̨nɛ̨ 31:17

'Ə́ ɲɛ̨i lɛlɛɛ hee ə́ wɔ tímun ma, 'málo, mąąhɔlɔɓo yá kulɔ ə́ woo ɓa.

Mąątɛ̨nɛ̨ 31:18

Yai-Laa, ə́ təlii gáá moi, və́ nwumɛ̨ ɉu, Kɛlaa, nwumɛ̨ ə lɛɛ a nuąi di hva ə́ mąąwiɛ di wɔɔ; di laa pɛlɛ mą, diɛ yɛɛ ɲąmuątaa pələ.

Mąątɛ̨nɛ̨ 33:20

Ku wɛi, ku ɲɛ̨i kaa Yai-Laa tɔwɔ, yai a ku mąąkpɔn mąąɓo, yɛ ku mąąkpɛ.

Mąątɛ̨nɛ̨ 35:26

Nuąi kpɔ nwɔ́ mɔ̨nɔ̨ kaa a di kwəinɛ̨ɛ̨ mɛ̨nį, 'nwumɛ̨ ə gəlee ɲɛ̨i paa a gee! Nuąi kpɔ tii kɛi di nwun dɛ, nwumɛ̨ da ɓáá-kulɔmąą, ə kɛ a di mąą həɠə!

Mąątɛ̨nɛ̨ 37:34

'Ə́ kilitɔɔ Yai-Laa ɓa, lɛɛ nwɔ pələi mɛ̨i; gaa pai ə́ kɛnɛ̨i, yɛ́ lɛɛ a nɔi nąmu, ə́ kaa pai nu ɲɔ̨nwɔ̨ɔ̨ɠaa kaai diɛ di kulɔ a di nwun.

Mąątɛ̨nɛ̨ 6:10

Yai-Laa aa nwɔ́ nɛ̨ɛ̨mąąhvə woo mɛ̨n, Yai-Laa aa ɲee hee nwɔ́ hvɛli wooi mu.

Mąątɛ̨nɛ̨ 62:1

Nwələ ɲɛ̨itɔwɔmun, Yedutun Davidə nwɔ Yálá mąątɛ̨nɛ̨ wələ.

Mąątɛ̨nɛ̨ 62:5

Mąąhɔlɔɓo, di kwəi kiliɠaa kaa lɔ a nu ɓowo mɛ̨nį, di liiɓa ɓaa diɛ lɛɛ kɛ, da lúwɔ́ too a di laaləi, diɛ nɛ̨ŋɛ̨naa kɛ, di kwəi pələ.

Mąątɛ̨nɛ̨ 69:4

Ŋą́ą́ tomą vį́i aa kpɛɛ, gwą́ną́ ɲąą aa nwąną. Ɲɛ̨́ilon ɉu aa haa, a lamui ŋą́ą́ mo nwɔ́ Yálá mąąkpɔn ɉii.

Mąątɛ̨nɛ̨ 69:6

Yálá, ə́ nwɔ́ kili kpɛɛ gwəilaa kɔ́lɔn, nwɔ́ túwɔ́ pələ ɲɔ̨nŋąą di hvo loo li yɛ́.

Mąątɛ̨nɛ̨ 71:13

Nuąi kɔ́ pɛlɛi nwɔ́ yɛnɛ̨ɛ̨ ɓa, di nwun na ə pili a nwumɛ̨; nuąi di kaa bɔ mą́ą́ ə wɛli, ɓáá ə kulɔ diɛ, ɲɛ̨ipaa ə lɛɛ a di wɔɔ.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Azaya 40:31

Kɛlaa nuąi da di kilitɔɔ Yai-Laa ɓa, di hvaŋą ta lɔ ɓə a pɛlɛ mą, da kɛ yɛ da kɛi koon, yɛ kuwɔ́ɠaa, diɛ gilɛ həɠə, di hvii hva kpɛɛ, di kaa lɔ hiɛi, di kɔ́wɔ hu hva haa.

Azaya 49:23

Tɔɔɓɛlaa ɓə pai ə́ kulɔi ɉu, tɔɔ nɛ̨ąą diɛ ə́ ɲąąkɔn, di kaa pai kɛi pɛlɛi di liiɓa, diɛ ə́ kɔ́wɔ ɓa munuun gɔmɔ̨n, Nąąlɔwai, yá gɔlɔn gɛa, yɛ́ kɛ: Gáá a Yai-Laa, nuąi da di kilitɔɔ mą́ą́, nwumɛ̨ hva tɛ diɛ.

Ɉeremi 20:11

Kɛlaa, kwa Yai-Laa ɓə ku tɔɔ, ya ɓə gaa a kɔ́kuláá kpəɠiɛɛ. Nuąi di hvilɛn ŋąą búlú, di kaa pai kalin ɉii, mɛ̨nįi di kaa gwɛ́lii la, di yee hvo pai pɛlii mą. Nwumɛ̨ kaa pai di ɲɛ̨i paai. Di yee hvo pai lɔi. Di ɓɛlɛ kaa pai tooi a yələ kəlee, di hvo pai lɛ̨ąi yili ɓa.

Woolaa 3:25

Nui a gilitɔɔ Yai-Laa ɓa, mąą nu a Yai-Laa nwɔ túwɔ́ pələ lɛlɛɛ kɔ́lɔn.

Mise 7:7

Kɛlaa nwɛ́i, ɲɛ̨́i kaa Yai-Laa tɔwɔ, gílitɔɔi ɓə Yálá ɓa, málomun ni. Nwɔ́ Yálá kaa pai nwóó mu hon ɉii.

Ɉaan 15:25

Kɛlaa, yili ə kɛ tii, ə gɛ, mɛ̨nįi bɛ̨ɛ̨ di wɔ tɔ́n ɉɛɓɛ́i hu naa ə hon, yaai da kɛ mą: ‹Daa nwɛ́li kpɛɛ diɛ, nwun və mą.›

Lomaŋ 8:25

Kɛlaa, mɛ̨nįi hvó gaai, ə́ ɲɛ̨i yɛ ɓo dɔwɔ a nwala walaa, ya ɓə a kilitɔɔmąąlaa.