Mąątɛ̨nɛ̨ 25:19 - Yálá laawoo hɛɓɛ (dc)

¹⁹ Ɲówóɠaa tamą pələ kaa! Nwɛlikpɛɛmąąlaai di gulɔi a ɲą́ą́, da nwąnąlɔ túwɔ́i di moi a ɲą́ą́i, Ə́ nąą kaa!

Yálá laawoo hɛɓɛ

¹⁹ Ɲówóɠaa tamą pələ kaa! Nwɛlikpɛɛmąąlaai di gulɔi a ɲą́ą́, da nwąnąlɔ túwɔ́i di moi a ɲą́ą́i, Ə́ nąą kaa!

Bible

¹⁹ Gáa berei ŋ́gbɔara-ƃelai tâmaai la dítɔɔi ḿâ a ŋɛi-maa nɛ̃ɛ pere.

Mąątɛ̨nɛ̨ 25:19 ပူးပေါင်းရင်းမြစ်များ

Samia Veerɛi 16:11

Davidə yɛ Avisai da bɔ nuą kəlee kpɔ kpun diɛ: «Nón! A gáá gwəi lon gbɔɔ-kpɔ, a hvilɛn búlú, yɛ kɛ ə ɲíi hvóló tee mɛ̨i, gu hvo mun kɛ Bɛnɉamɛn mun ŋɛ̨i! Ka nɛɛ laa, ə nɛ̨ŋɛ̨n naa kɛ; Akɛ Yai-Laa ɓə dɔɔ la-o.

Mąątɛ̨nɛ̨ 11:5

Yai-Laa a tələnmomun ɉu kɔ́ɔn, yɛ wɛli kpɛɛmąąlaa kulɔ a nu ɲɔ̨nwɔ̨ɔ̨, da wɛamun.

Mąątɛ̨nɛ̨ 138:7

Ŋą́ kɛ laanɔ̨nwɔ̨ kɛnɛ̨ hu, yá pənə ə́ nwɔ́ yɛnɛ̨ɛ̨ pu nįnɛ̨ koloi, yá ə́ yee hulɔ pɛlɛ ɲówóɠaa diɛ, ə́ ɓa-mįi-yee yɛ málo.

Mąątɛ̨nɛ̨ 140:1

Nwələ ɲɛ̨itɔwɔmun. Davidə.

Mąątɛ̨nɛ̨ 140:11

Nwɔ̨n deŋą ə yɛɛ di mɛ̨i, yɛ tulɔ, di di pili ɓoloon gɛnɛ̨ hu, di hvo kulɔ laa.

Mąątɛ̨nɛ̨ 140:4

diɛ di nɛ̨n gulɔ, yɛ nu nwąną kaalə, tumu nwąną ɓə di la.

Mąątɛ̨nɛ̨ 143:3

Ɲówo aa kɔ́ pɛlɛ mą́ą́, aa dóó, aa gíin-gíin, aa bíli haa nwɔ kpinį hu, yɛ nuąi wɔlɔ daa haa.

Mąątɛ̨nɛ̨ 18:48

Ɲálái tii ɓə a gɛ gɛ́ nwąną kulɔ, yɛ lɔiɠaa lɔ ɲéé mu.

Mąątɛ̨nɛ̨ 27:12

'Hvó nɔ ɲówoɠaa di wɔ lii pɔ tee yee ŋą; mąąhɔlɔɓo, lɛɛ kɛlaɠaa daa di muhəɠə náá ɓa, diɛ lɛɛ kɛ a liiɲɔ̨ngwəilaa.

Mąątɛ̨nɛ̨ 27:2

Nu ɲɔ̨nwɔ̨ɔ̨ɠaa di mą wolo mą́ą́, diɛ kɛ di ɉú hvala-hvala, diɛmun mə da kalin di too a diɛi tii gɔ́ pɛlɛ mą́ą́i, a ɲówóɠaa.

Mąątɛ̨nɛ̨ 38:19

A tɛ̨ą, ŋą́ą́ ɉɔ́n gɛ, gɛ́ nɛ̨ŋɛ̨n mąą liihɛlɛn aa too mą́ą́.

Mąątɛ̨nɛ̨ 38:20

Ɲówóɠaa di wɔ yɛnɛ̨ɛ̨ kaa di yəi, di hvaŋą kɛnɛ̨, nuąi nwɛ́likpɛɛ diɛ, diɛ ɓaɠaɓo mąą, di tamąąi.

Mąątɛ̨nɛ̨ 52:2

Ɓɛlɔwai Doɛgə, Edɔmə mun ə paa la Saulə pɔ, yɛ kɛ mą: «Davidə kaa Ahimelɛkə yəi bɛlɛ́n.»

Mąątɛ̨nɛ̨ 56:2

Mą́ą́wɛli kaa Yálá, daa hee ɉú kɛnɛ̨, da tuwɔ lɔ kɔ́ pɛlɛi mą́ą́, diɛ vána.

Mąątɛ̨nɛ̨ 57:4

Ee kə! Yálá 'ə hvaa mą, ə lɛɛ yələi pələ, 'ə málo wɛ! Nui vánąi, ə ɲɛ̨i paa! Yálá ə nwɔ wɛlikɛmąąlaa da nwɔ tɛ̨ąi tɛɛ kuɔ wɛ!

Mąątɛ̨nɛ̨ 86:14

Yálá! Kpɔwɔ ɲąąkɛ̨nɛ̨ nuą di wolo mą́ą́, wɛa nuą daa di yee lɔ gee hu, diɛ hvilɛn na nwɔ́ yɛnɛ̨ɛ̨ pulu, Yálá! Hvó kpɛli di ɲɛ̨i mu a hɛn da.

Lukə 22:2

Ɉalaa laa həli nuą kpɛa-kpɛa da dɔ́n galamɔ̨ɔ̨ɠaa di kɛi Jesus paa pələ kwɛli. Kɛlaa, di kɛi ɲɔw nuą diɛ.

Lukə 23:5

Kɛlaa, di tómą kpɔ a di woo kɛnɛ̨, diɛ mą: «Kuɔ yɛ́, nwɔ kalan gɛ pələ ə kɛi nuą kwɛitee, ə gɔɠɔ tɔɔ kpɔ Galile lɔi hu, ə tɛɛ la Ɉude lɔi hu, ya ka aa pa aa həli la ɓɛ.»