Mąątɛ̨nɛ̨ 23:1 - Yálá laawoo hɛɓɛ (dc)

¹ Davidə nwɔ Yálá mąątɛ̨nɛ̨ wələ. Yai-Laa ɓə a ɲą́ą́kɔnmun, hɛn da mąąkpaan va hee mą́ą́.

Yálá laawoo hɛɓɛ

¹ Davidə nwɔ Yálá mąątɛ̨nɛ̨ wələ. Yai-Laa ɓə a ɲą́ą́kɔnmun, hɛn da mąąkpaan va hee mą́ą́.

Bible

¹ Yâwɛɛ a ḿɛi kâa yɛ̂ɛ berei ƃála mɛi káa-nuu a ŋɔƃála mɛi kâa lai. Sɛŋ da kélee maa kpâaŋ fé pâi toôi ḿâ.

Mąątɛ̨nɛ̨ 23:1 ပူးပေါင်းရင်းမြစ်များ

Mąątɛ̨nɛ̨ 34:11

Yalaɠaa da hvɛɠɛ, di pulu həɠə, Kɛlaa, nuąi da Yai-Laa kwɛli, di hva hvɛɠɛ a hɛn nɔpee ta.

Mąątɛ̨nɛ̨ 78:52

Ə nwɔ nuąi kulɔ laa, yɛ li a diɛ yɛ taatɛlɛɛ kpulu, ə li a diɛ nɔi pun ɉu, yɛ ɓɛlaa haaɠaa.

Mąątɛ̨nɛ̨ 79:13

Ɛlɛɛ, kuɔi ŋɛ̨i a ə́ wɔ nu huwui, kuɔi a ə́ wɔ ɓɛlaa kwənąn ɉu taatɛlɛɛɠaa, kuɔ pɛli ə́ laa tɛi a yələ kəlee; kuɔ ə́ mąątɛ̨nɛ̨ wələɠaa too, gbɛlai hva kɛ mą.

Mąątɛ̨nɛ̨ 84:11

Hvo gaai, yíikuu tanɔ̨n gbən gɛɛ Ə́ yəi bɛlɛ́n, viɛlaɓoɔi kwɛlan nwaa tɔ̨nɔ̨ ɓa, yili mąą mɛ̨nį ɓa, yii ŋą́ ɉəɠə ɉu a níiɓa, ya ɓaa, viɛlaɓoɔi ŋą́ gɛ nwɔ́ Yálái yəi bɛlɛ́ hvaŋąn mu, ə tɛɛ, nu kɛɛ, nuąi da di woo kala, di yəi bɛlɛ́n ma.

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Ɉeremi 31:10

Lɔiɠaa! 'Ká ka wəli tɔɔ Yai-Laa woo ɓa! 'Ká ɉukulɔ gboloyá pulu lɔiɠaa diɛ, káá diɛ: «Nui Israɛlə lonnii hu taɠa lɔiɠaa lɔwai, gaa pənəi yɛ di ɲąąkpɔn, yɛ di laa honmo, yɛ bələi taatɛlɛɛ mɛ̨i kaa mun a nwɔ taatɛlɛɛɠaa mɛ̨i kaa la.»

Izikiɛ 34:14

Gáá pai ɲąąkɔn ɉii, kala tiliin ɉuwiaa mɛ̨i, naa mįi kala tilinn gaa pai hɔlɔɓoi, Israɛlə yeeɠaa nwuɔ̨; naa ɓə gaa pai kɛi pɛlɛi laa; kala tiliin ɉuwiaa mɛ̨i, yɛ kala tiliin nɛlɛɛ mįi, Israɛlə yeeɠaa nwuɔ̨.

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Mise 5:4

Yaa kpinįi tii, gaa pai kɛi a liilaa, Ɲələi lɔpee Asiri a həɠə yɛ kɛ gaa pilii la ku wɔ lɔi hu, yɛ gɔwɔ hvilɛn ku wɔ tɔɔ pɛlɛ́ɠaai mu, kwa taatɛlɛɛ pulu nuą mɛ̨ihveelɛ ɲąątɔɔi mą, da ɲąąwooɓo kɛ nuą mɛ̨ihaaɓa.

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Ɉaan 10:11

«Ɲą́ą́ ɓə gáá ɓɛlaa mɛ̨i kaa mun nɛlɛɛ, ɓɛlaa mɛ̨i kaa mun nɛlɛɛ a gbɔwɔ kwɛlɛ nwɔ ɓɛlaaɠaai mąą mɛ̨nį ɓa.

Ɉaan 10:14

Ŋą́ nwɔ́ ɓɛlaaɠaai kɔ́lɔn, nwɔ́ ɓɛlaaɠaai di gɔ́lɔn;

Lomaŋ 8:32

Yai ti hvo gbɔ-kpɔɔ lon mąąwɛli kaa li, kɛlaa, ə gwɛlɛ gu mąą mɛ̨nį ɓa, lə kpɔɔ ɓə hva pɛli dɛɛi gu pɔ non ɉaalai?

Filipə 4:19

Ɛlɛɛ, nwɔ́ Yálái kaa pai ka mąą kpaan gəlee kpɛɛi yɛ pələi nwɔ hɛn Ną́mu laa kaa la Jesus Kristə hu.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Piɛrə dɔlɔɔ 2:25

Mąąhɔlɔɓo, ká kəlee ká lanŋąąi kɛ yɛ ɓɛlaaɠaa, kɛlaa yiihu kɛa, káá ká ɲɛ̨i tínɛ̨n ká mɛ̨ikaamun bɔ pələ, yai a ɲɛ̨i kɛ ká nįiɠaa diɛ.

Piɛrə dɔlɔɔ 5:4

Ɓɛlɔwai gbɔn mɛ̨i kaamun gɛnɛ̨ɛ̨ kaa pai pai la, ká káá pai mąąwiɛ ɓɔlɔ hɔlɔɓoi, yai hva haɠa.

M̀ɛni-lɛɛi 7:17

Gbala ə tɔɔ, Mɛlaa Lon tii dɔɔkpəlin ɉu, ya ɓə pai kɛi a di mɛ̨i kaamun, a tɔɔ di tɔwɔ, ə li a diɛ yá ton gulɔi. Ɛlɛɛ, Yálá a di ɲɛ̨iyá kələ di ɲɛ̨i.»