Mąątɛ̨nɛ̨ 22:15 - Yálá laawoo hɛɓɛ (dc)

¹⁵ Vą́ŋą aa həɠeen, yɛ wulɔyíi, Dɔ́ɔ́tɔɔnŋaa kəlee daa kulɔ di gee la. Níí kaa gwə́i yɛ kwɛ̨ingban, ɲɛ́lɛ kəlee aa həɠeen ɉú.

Yálá laawoo hɛɓɛ

¹⁵ Vą́ŋą aa həɠeen, yɛ wulɔyíi, Dɔ́ɔ́tɔɔnŋaa kəlee daa kulɔ di gee la. Níí kaa gwə́i yɛ kwɛ̨ingban, ɲɛ́lɛ kəlee aa həɠeen ɉú.

Bible

¹⁵ Ŋ́gɔ̂ŋ lá kpâlai yɛ̂ɛ ŋɔŋ ŋá leɣi folo. Ńɛŋ kánaŋɔɔ ŋ́gâno mu. Ya gɛ́ saa a lɛɣɛ a ńyãa.

Mąątɛ̨nɛ̨ 22:15 ပူးပေါင်းရင်းမြစ်များ

Zɛnɛse 18:27

Abrahamə yɛ nwɔ̨nɔ̨ mą: «Ną́mu, ə́ lii laa bɔ́, gáá nwɔ̨nɔ̨ bɔ ŋą́ mɛ̨nį ta ɓo yɛ́, ɲą́ą́ ŋɛ̨i və́ ɓaa hɛn da, gáá lɔ a muluun gbala a wala kɛtii luwu.

Zɛnɛse 3:19

Ya wala hvɔnɔ̨ ya tee ə́ tɔwɔla, hva kɔ̨nɔ̨n ɉɔlɔɓo, ɛlɛɛ ɉu, ə́ tinɛ̨n ə́ too pɔlɔ hu, ɓɛi di ə́ kulɔ laa. Hvo gaai, pɔlɔ ɓaa yɛ́, mąąnɛ̨ɛ̨, ə́ pənə ə́ too pɔlɔ hu.»

Samia Veerɛi 14:14

A kɛ tii gu kaa mɔ̨ɔ̨ pai haai a hvoló tɔ̨nɔ̨, yɛ yai daa bu lɔi ɓa hva pɛli kɛa yɛɠɛi. Kɛlaa, Yálá hva giliŋąhiɛ a ɲɔ̨nwɔ̨ɔ̨ nu ɓa, ə lɛɛ, aa gɛ pələ kwɛli mą, nui di gbɛ, mąą hvo kwɛa ma a mɔlɔɔ.

Zôo 10:9

Gbaɠala kaa yɛ́, yɛ́ ɓə bɛ́li a ləɠi pɔlɔ. Ya ka ə́ kaa bɔ ə́ pənə ə́ nɔ́ pɔlɔ hu.

Zôo 19:20

Gɔ́wɠaa kaa kanąn ɉii ɉúwɔ da gɔ́lɔ́ ɓa, Ŋą́ kulɔ kpɔ ɲin nɔwai a Yálá mɛ̨nį.

Zôo 29:10

Nɔi nąmįną woo ə kɛi pu di la, di nɛ̨n yɛ kanąn di nɛ̨ŋɛ̨nɛ̨ŋɛ̨n mu.

Zôo 30:16

Nwɔ́ yɛnɛ̨ɛ̨ kaa kulɔi ɲə́i yiihu kɛa, mɔ̨nɔ̨ hvóloɠaa daa yili mą́ą́.

Zôo 34:15

Yɛnɛ̨ɛ̨ hɛnŋąą kəlee di nɔ̨ɔ̨ a kpɛɛ kɛ di hu a gee, ɛlɛɛ nu kan ə li pənə ə kɛ a pɔlɔ.

Zôo 7:21

Hvo pɛli li ə́ lii kpələi nwɔ́ kwɛli tee laa mu? Hvo pɛli li ə́ kili kulɔi ɉɔ́n ɉu? Ya ka gáá kɛa pənəi a pɔlɔ Ə́ kaa pai gwɛ́lii, vá kɛa kɛ ɓɛ.

Mąątɛ̨nɛ̨ 104:29

Ya ə́ ɲįnąą kpulu, di hu a pu diɛ, Yá di nɔ̨ɔ̨ kulɔ di hu, di nwun na ə pili, di pənə a pɔlɔ.

Mąątɛ̨nɛ̨ 30:9

Yai-Laa, ŋį́ ə́ toli, Gɛ́ Ną́mu mąąnɛ̨ɛ̨, gɛ́ kɛ:

Mąątɛ̨nɛ̨ 38:10

Ną́mu Yálá! Níiɓa mɛ̨nį kəlee kaa ə́ ɲɛ̨i ɓa. Ɲį́ŋɛ̨ woo hvo loo li yɛ́.

Mąątɛ̨nɛ̨ 69:21

Lalan aa níí yali gwə́, yili kaa mą́ą́ a ɲɔ̨n gbɔ kpɔɔ, ɲɛ̨́i ə kɛ níí laamun dɔwɔ, ya ka və́ gaa li, ə mą kɛ gbɛlaɓonuą, və́ da hɔlɔɓo li.

Mąątɛ̨nɛ̨ 69:3

Gáá yɛɛi palaya kpon ɉu kwɛaa hu, gúlɔ-ɉumun dakpɛli hvo laa. Gáá yɛɛi pali kpon gwɛaa hu, ɛlɛɛ, ɲá ɠiliin yɛ li a ɲą́ą́.

Hanwon 17:22

Líílaa kaa a ɲɔ̨n ɉalə kɛnɛ̨, Kɛlaa, lííkələn gwəi, a nu kulɔ nwului.

Azaya 53:12

Yili ɓə gaa mą, gáá pai ɉeei nu kpulu lɔwai, da nu waa tamąą ɓə pai kɛi kɔ́ pulu hɛn ɲąąkwɛlɛi, mąąhɔlɔɓo, ə gili kulɔ gbɔwɔ hu, ə lɛɛ ɉu ə haa la, yɛ hvaa mą diɛ doo nɛ̨ŋɛn ɉəɠə nuą lɔwai, ə nu kpulu nwɔ hɔn ɲɔ̨n ɉee nwuɔ̨, ɛlɛɛ, yɛ nɛ̨ɛ̨mąą hvə nɛ̨ŋɛn gɛ nuą mąą mɛ̨nį ɓa.

Woolaa 4:4

Kpələ wɛli yɛ, ɲįnį kpələ lon nɛ̨n gąnąn nɛ̨ŋɛ̨-nɛ̨ŋɛ̨ mu, lɛapɛlɛɛ diɛ kɔ̨nɔ̨n vɛli, nu ta hva hɔlɔɓo hvo nɔna tɔ̨nɔ̨ kpɛli tɛɛ di pɔ.

Danîa 12:2

Nuą tamąą daa haa, di kaa laani di kámą hu, di kaa pai di muhəɠəi, di kɛ a di hvulú. Daɠaa da di muhəɠə də li yɛnɛ̨ɛ̨ kpɛɛ hvo mą ɉu; daɠaa də li nwun napili hu, nwumɛ̨ hu yii hva kpɛɛ.

Maafîu 27:50

Yili pulu, Jesus ə tómą kpɔ kɛnɛ̨, nįį ə kulɔ.

Ɉaan 19:28

Yii kɛa Jesus ə gaa yɛ mɛ̨nį kəlee ɲąą aa pɛli, əgɛ mɛ̨nįi Yálá laawoo hɛɓɛ́ ə mo bɔ mɛ̨nį kɛ, yɛ diɛ: «Kpələ wɛli aa ɉón.»

Korɛntə dɔlɔɔ 15:3

Tɔlɔɔ, yii ŋį́ ɉɔlɔɓo ɲą́ą́ gbinįi, ya ɓə ŋį́ naa həli káá; gɛ́ kaa: Gu wɔɔ nɛ̨ŋɛ̨nŋaa mąą mɛ̨nį ɓə Kristə ə haa la, yɛ bələi bɛ̨ɛ̨i la;