Mąątɛ̨nɛ̨ 2:4 - Yálá laawoo hɛɓɛ (dc)

⁴ Nui hɛn gəlee nwun mɛ̨i yələ kɔ́lɔn ɉu, gaa yɛ́lɛ́i diɛ, Yai-Laa kaa yɛlɛ kulɔi di hu.

Yálá laawoo hɛɓɛ

⁴ Nui hɛn gəlee nwun mɛ̨i yələ kɔ́lɔn ɉu, gaa yɛ́lɛ́i diɛ, Yai-Laa kaa yɛlɛ kulɔi di hu.

Bible

⁴ Yâwɛɛ a seêni ŋɔkâloŋ see-sɛŋ ŋá ɣâla-taa gɛ́ ɣɛlɛ dîa. A ɣɛlɛ̂i dîa kpɛ́ni fêi, m̀ɛnii da gbɛtɛ̂i, gáa nɔ́ kpɛ́ni-kpɛni.

Mąątɛ̨nɛ̨ 2:4 ပူးပေါင်းရင်းမြစ်များ

Tɔɔɓɛlaa veelɛ 19:21

Nwooi Yai-Laa ə mo yɛ hvilɛn na mą, ya ka: «Siɔn nɛ̨ɛ̨gbɛla kaa yɛlɛ kulɔi ə́ hu, yɛ ə́ hviiɓo Ɉerusalɛmə nɛ̨ɛ̨gbɛla ɲɛ̨i heɛi ə́ kpowola, yɛ nwun gbɛŋɛn.

Mąątɛ̨nɛ̨ 11:4

Yai-Laa kaa nwɔ tɔɔ pɛlɛ́ mąąhəɠɛɛi mu, Yai-Laa kaa nwɔ tɔɔ kpəlin hu, yələ kɔ́lɔnɉu, ɲɛ̨i həɛ yɛnɛ̨ɛ̨ ɓa. Ɲɛ̨i kwəleen yɛ nu kan nonnii túwɔ pələ hu kaa.

Mąątɛ̨nɛ̨ 115:3

Ku wɔ Yálái kaa yələ kɔ́lɔn ɉu, mɛ̨nįi lɔpee a nɛ̨ɛ̨ mą, a gɛ.

Mąątɛ̨nɛ̨ 123:1

Ɲee mąąhəɠɛɛ tɛ wələ. Ŋą́ą́ ɲɛ̨́i muhəɠə ə́ pɔ pələ, Yɛ́i heeni yələkɔlɔn ɉu;

Mąątɛ̨nɛ̨ 37:13

Kɛlaa, Yai-Laa a kɛ yɛ́lɛ́i mą, mąąhɔlɔɓo, gaa nwɔ kuui kaa yɛ pa.

Mąątɛ̨nɛ̨ 53:5

Mɛ̨nį ɲɔ̨n gɛ nuąi tii, gbaɠala hvo mɔ̨ɔ̨ diɛ, a diɛi kɛi nwɔ́ nu kanŋaai mįi, a di kɔ̨nɔ̨n di kɛi gulɔ di yəi, ɛlɛɛ, di hva kpɛli Yálá hvɛli!

Mąątɛ̨nɛ̨ 59:8

Di kaa li, di laa hvili aa tɔɔ, di laa ɓa, ɓɔwa kwɛaaɠaa di ɓo di la: «Gbɛɛ ɓə di pɔ, yɛ mɛ̨nį mɛ̨n?»

Mąątɛ̨nɛ̨ 59:9

Kɛlaa ə́ wɛi, Yai-Laa, ə́ kaa yɛ́lɛ́i diɛ, ə́ kaa yɛlɛ kulɔi nɔiɠaai tii kəlee hu.

Mąątɛ̨nɛ̨ 68:33

Yɛnɛ̨ɛ̨ tɔɔlaaɠaa, 'ka wələ too Yálá ɓa, 'ka hvɛ́li kɛ Nąmu ɓa.

Hanwon 1:26

Ɲą́ą́ gbɛli, mɔ̨nɔ̨ a laa kaa, ŋą́ yɛlɛ kaa, kpalo a ɓɛla kaa, ŋą́ yɛlɛkulɔ ka hu;

Azaya 40:22

Ɉɛn ŋɛ̨i pɛlɛ ni lɔi nwun mɛ̨i, yili mɛ̨i pələ ɓə gaa laa heeni, a nɔi ŋɛ̨i ɉu nuą kaa yɛ peeləɠaa. Ə yələkɔlɔn ɉɛlɛn yɛ həɠə ɓɛla, ə ɉu lɛan, nuą diɛ pɛlii di taa tɔɔi mu.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Azaya 66:1

Yai-Laa woo ka, yɛ diɛ: Yələ kɔ́lɔn mə gaa a nwɔ́ tɔɔ kpəlin, lɔi ə ɓo a gɔ́wɔ tɔɔi. Pɛlɛ́ lə kɛɛ kpɔ ɓə kɛa ka pɛli dɔɔi mą́ą́? Kɛɛnąą wolo lə kɛɛ kpɔ ɓə, ŋą́ pɛli vįi tɔɔi laa?