Mąątɛ̨nɛ̨ 19:11 - Yálá laawoo hɛɓɛ (dc)

¹¹ Viɛlaɓɔɔi ə tɛɛ hɛni ɓa, dɛɛ kpɔ hɛni waa kpulu tamąą ɓa. Nɛ̨ɛ̨i dɛɛ kwɛ̨inwulɔ ɓa, dɛɛ kpɔ kwɛ̨i gulaa nįnɛ̨ ɓa.

Yálá laawoo hɛɓɛ

¹¹ Viɛlaɓɔɔi ə tɛɛ hɛni ɓa, dɛɛ kpɔ hɛni waa kpulu tamąą ɓa. Nɛ̨ɛ̨i dɛɛ kwɛ̨inwulɔ ɓa, dɛɛ kpɔ kwɛ̨i gulaa nįnɛ̨ ɓa.

Bible

¹¹ Ŋɔtɔ̂ŋ ƃa táre tɛ̀ɛ ḿbɔ ńyãai a ŋɔyée mu-nuui. Ŋa dímɛi kâa, ŋa pâi mɛni lɛ́lɛɛ sɔlɔ ƃôi zu.

Mąątɛ̨nɛ̨ 19:11 ပူးပေါင်းရင်းမြစ်များ

Kɔlɔnikɔ Veerɛi 19:10

Ka kaayɔwɔɠaa di kaa daaɠaa hu, da pa a mɛ̨nį ɓo ta ka lííla, ə kɛ a nu kan mɛ̨nį, awala kɛ tii, yii hvilɛn na tɔ́n mɛ̨nį ɓa, da bɔ túwɔ́ ɓo mɛ̨nį, ə kɛ a mɛ̨nį loonŋąą, awala kɛ tii, huwula mɛ̨nį; 'Ka mɛ̨nįi tii hupono a diɛ, əgɛ, di hvo pa kɛ a hɔnmąą nuą Yai-Laa ɓa, ŋą liiɲąnwąną hvo pa ɓɛla ka mɛ̨i ka ká kaayɔwɔɠaa. 'Ka túwɔ́ tii a nɛlɛɛ, əgɛ, ka hvo pa kɛ a hɔnmąą nuą.

Mąątɛ̨nɛ̨ 119:103

Ə́ wɔ tɔn nwooɠaai nɛ̨ɛ̨i ná, dɛɛ kwɛ̨in nwulɔ ɓa.

Mąątɛ̨nɛ̨ 119:11

Mɛ̨nįɠaai ə́ mo, ŋą́ di kanąn níi pɔ, əgɛ, və́ pa nəi nɛ̨ŋɛ̨n ɉəɠə yɛ́.

Mąątɛ̨nɛ̨ 119:72

Tɔn nwooi a kulɔ ə́ la, yili hviɛlaɓoɔi mą́ą́, ə tɛɛ hɛni da wali puɔ gee mɛ̨i ɓa.

Hanwon 11:18

Nwɔ túwɔ́ pələ ɲɔ̨n tii a nwɔ pɛ́lɛ́i hɛŋɛnɛn haa pɔ pələ, yɛ nwun na pili.

Hanwon 24:14

Ə́ kili ə pu ɉu, yɛ́ kɛ pələ lɔ ɓə kili mɛ̨nį kaa la yɛ́, yá kili hɔlɔɓo, ə́ kaa pai yɛnɛ̨ɛ̨ kɛi, ə́ wɔ kilitɔɔ mąą hva kala, ə́ tinąą ə lɛlɛ.

Hanwon 29:18

Kwɛaa la kaamun a wala kɛ lɔi, lɔi lonnii da di yɛli tee. Kɛlaa, nwun na nɛ̨ɛ̨ lon maa nui aa tɔ́n ɉon.

Izikiɛ 3:3

yɛ mą́ą́: «Hulɔnu lon, ɉɛɓɛ́i ti ŋą́ dɛɛ ə́ pɔ, mįi ə́ pilɛ ɉu, ə́ ə́ koo laahvɛɛ la.» Ŋą́ mįi; nɛ̨ɛ̨ ná, yɛ kwɛin nwulɔ.

Maafîu 3:7

Kɛlaa yii kɛa Ɉaan ə Farisiɛ̨ɠaa da Sadusiɛ̨ɠaa tamąą kaa, diɛ pa bɔ di mąąwaa mɛ̨nį ɓa, ə mo diɛ, yɛ diɛ: «Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, gbɛɛ ɓə kɛ kaa ka pu, ka həɠə Yálá nwɔ liiɲąnwąną yii gaa pai dɔwɔ?

Maafîu 6:18

Ya ɓə a gɛ, nuą kili hva pu ɉu, diɛ ə́ kaa hin ɉu. Kɛlaa ə́ Ną́n a loo mɛ̨nį hu kaa, ya ɓɛ pai ə́ woo ŋąąpənəi.»

Maafîu 6:4

Ya ɓə a gɛ, ə́ wɔ kɔ́ɓo hɛn ə lɛɛ a nooɔ. Ə́ Nąn Yálái a loo mɛ̨nį hu kaa, ya ɓə pai ə́ hvɛla kulɔi.»

Maafîu 6:6

Kɛlaa, yɛ́ ə́ wɛi, yá kɛi Yálá hvɛli, lɔ ə́ yəi bɛlɛ́n, ə́ naa kpulu; ə́ Ną́n Yálái gaa laa ə́ pɔ loo hu, vɛli. Yaa tii a loo mɛ̨nį hu kaai, ya ɓə pai ə́ hvɛla kulɔi.

Gɛlaɠaa 20:31

Ka ka kili lɛɛ ɉu kaa diɛ kwɛlan ɉaaɓa kuu mu, hvóló da kpinį ŋį́ kɛi ka kili pu mɛ̨nįɠaa hu, gɛ da kɛ kpɔ a ɲɛ̨iyá wɔlɔ.

Korɛntə dɔlɔɔ 4:14

Və́ ɉɛɓɛ́i ŋɛ̨i tɛɛi káá, ka nwumɛ̨ mɛ̨nį ɓa, kɛlaa, ka kili ɲą pono mɛ̨nį ɓə, yɛ nwɛ́li kɛ mąą lonnii.

Tɛsalonikə dɔlɔɔ 5:14

Ku kaa ɉuhvɛlii káá ną́n nonnii, kuɔ, nuąi di wɔ yɛnɛ̨ɛ̨ yagban na pilii, 'ká haŋą diɛ, nuą di hvaŋą hvo lɔ li, 'ká di hvaŋąlɔ, 'ká kpɔnmąą tɛɛ hvįikpɛɛ nuą pɔ, 'ká ká liilaa nu kəlee tɔwɔ.

Hebreu 11:26

Ə Kristə ŋą mɔ̨nɔ̨i kaa a hɛn viɛlaɓoɔ ə tɛɛ Eziptə hɛn gɔw ɓa. Mąąhɔlɔɓo, ɲɛ̨i heɛi kɛ hvɛla kulɔ ɓa.

Zĩi 1:25

Kɛlaa yaamun, nui a ɲɛ̨i hee dɔn gbɔ-kpɔɔ hu, yai a nu lɛɛ gbɔwɔ ɓa, hva ɲɛ̨i hee lɔ ɉu, ɉee wɛli ɓa, mąą nu a bɔ mɛ̨nį kɛi, a nwun na nɛ̨ɛ̨ hɔlɔɓo bɔ yíiɓoɔ hu.

Zɔ̂ŋ Veerɛi 1:8

'Ká ká kpɔwɔ mɛ̨i kaa káá kpinįi, ə gɛ, ká hvo pa hvɛɠɛ a ká kɛ kólo dɔlɔ, kɛlaa yaamun, ká ká hvɛla hɔlɔɓo kpɔ kɛnɛ̨.

M̀ɛni-lɛɛi 14:13

Ɛlɛɛ, ŋą́ woo ta mɛ̨n yələ pələ, yɛ kɛ mą́ą́: «'Bɛ̨ɛ̨, yɛ mą: ‹Nuąi daa haa yiihu gu Nąmu hu, di nwun na nɛ̨ɛ̨ ɓə!›» Yálá nwɔ Kilii yɛ mą: «Tɛ̨ą li! Da di hvįi tɔɔ di wɔɔ mɔ̨nɔ̨ɠaai diɛ, mąąhɔlɔɓo, di kɛ-mɛ̨nįɠaa hvilɛnŋąąi di pulu.»