Mąątɛ̨nɛ̨ 18:7 - Yálá laawoo hɛɓɛ (dc)

⁷ Gɛ́ɛ́ mɔ̨nɔ̨i tii hu, ŋą́ Yai-Laa təli, ŋą́ nwóó tɛ nwɔ́ Yálái pɔ pələ, ə lɛɛ nwɔ pɛ́lɛ́i mu, ə nwóó mu hon, tomąi tii ŋį́ mo, nwóó ə too nwəlii.

Yálá laawoo hɛɓɛ

⁷ Gɛ́ɛ́ mɔ̨nɔ̨i tii hu, ŋą́ Yai-Laa təli, ŋą́ nwóó tɛ nwɔ́ Yálái pɔ pələ, ə lɛɛ nwɔ pɛ́lɛ́i mu, ə nwóó mu hon, tomąi tii ŋį́ mo, nwóó ə too nwəlii.

Bible

⁷ Ǹɔii è kpɛ̃liŋ é túmo-tumo. Ǹyée-ŋai dia máŋ da kpɛ̃liŋ dí wólo-wolo dí pú zu, kpɛ́ni fêi, Yâwɛɛ è kɛ̀ a ǹíi ŋwánaa.

Mąątɛ̨nɛ̨ 18:7 ပူးပေါင်းရင်းမြစ်များ

Mąątɛ̨nɛ̨ 34:16

Yai-Laa a ɲɛ̨i lɛlɛɛ hee tələnmo nuą diɛ, nwəli tɔɔ di woo ɓa.

Mąątɛ̨nɛ̨ 34:18

Tələnmo nuą da wɔlɔ, Yai-Laa a di wɔlɔ woo mu hon, yɛ di kulɔ di kanąn mɛ̨nįɠaa kəlee hu.

Mąątɛ̨nɛ̨ 39:13

Yai-Laa! Ə́ wəli tɔɔ nwɔ́lɔ woo da dómą woo ɓa, Ə́ wəli mąąlaa ə́ nwóó mɛ̨n, ɲɛ̨́iyá kələ, hvó ə́ wəli laa kpulu! Mąąhɔlɔɓo, gáá ə́ yəi yɛ nwɛ̨ą, yɛ tɛɛmun lɔ yɛ bələi ną́nni di kɛ la.

Mąątɛ̨nɛ̨ 40:2

Ŋą́ą́ Yai-Laa mąąkpɔn, ŋą́ą́ mąąkpɔn a ɉu kwɛa, aa nwəli mąą yɛɛ bɔ́ pələ, aa dómą woo mɛ̨n.

Mąątɛ̨nɛ̨ 46:2

Yálá kaa a ku mąąkilɛi wala wala, a kpɔn nu ɓa a yələ kəlee liihɛlɛn ɉu.

Ɉeremi 4:24

Ŋą́ ɲɛ̨i hee ɲeeɠaa diɛ; di kaa kpɛli ɉii. Ɲee kpu kpuɠaa kəlee diɛ gɛ ɉuwu-ɉuwu.

Habakukə 3:10

Yeeɠaa da ə́ kaa, di mąą a kpɛlin. Tulɔ kpɛa kpɛa diɛ lɔi yɔwɔ. Yaɠaa kəlee di lee yɛ huluun, yɛ tɛ kpɔ yələ liiɓa.

Habakukə 3:6

A kpɛla a tɔɔ, lɔi yɛ kpɛlin A ɲɛ̨i hee lɔiɠaa diɛ, diɛ kpɛlin a ɲɔw. Yee kpɛa kpɛaai wɔlɔ kɛ laa, da ɓuwɔ, Ɲee kpu kpuɠaa diɛ taɠa, diɛ kɛ a pələlee.

Zakari 14:4

Mąą yələi tii, gaa pai gɔwɔɠaa hvilɛn ɉii Olivə yee nwuɔ̨, yai tii Ɉerusalɛmə tənən ma, voló kulɔi pələ. Olivə yee kaa pai ɓɛlai ɉɛ̨ąi, ə həɠə voló kulɔi pələ, ə li voló tooi pələ. Ɛlɛɛ, nąą mąą kaa pai pənəi a nɛ̨ŋɛ̨ lɔi kɛnɛ̨, ɲee bələ tɔ̨nɔ̨ kaa pai lii ɲələi pələ, bələ tɔ̨nɔ̨ ə li ɉɛɠɛɛ pələ.

Maafîu 28:2

Ɲələ walai tii hu, lɔi ə kpɛlin kpɔ kɛnɛ̨, Yálá nwɔ malaka ə həɠə yələi ə hvilɛn, ə gwɛni kiliɠilin ə ɉəɠə gámą laaləi, ə tɛ ə hee mɛ̨i.

Gɛlaɠaa 4:31

Ɓɛlɔwai di kpɛɛ la a Yálá hvɛliɛ, ɓɛi ti di ɲąąkpɔn ŋąą kɛ laa, nąą ə kpɛlin, di kəlee di pilɛ a Kili-Mąąhəɠɛɛ hvaŋą, diɛ kɛa Yálá lawoo laa həli a liikpələ.

Korɛntə dɔlɔɔ 13:2

Ə mą kɛ ŋą́ pɛli Yálá-taa mɛ̨nįɠaa kəlee hu kulɔi, gɛ́ ɓo a mɛ̨nį looɔɠaa kəlee kɔ́lɔnŋąa, da kili mɛ̨nį kəlee, ə mą kɛ laa na laa kaa ɲɛ̨́i gɛ́ yeeɠaa həɠə la dɔɔi, akɛ wɛlikɛmąąlaa awala kɛ ɲə́i, gáá a kpɛli-kpɛli.

Dutɛrɔnome 32:22

A tɛ̨ąą! Nwɔ́ liiholi nwɔ̨n gaa pai kulɔi ɉúnwɛ̨i. Ə kələn mo kɛ kpɔ ə həli la ɲɔ̨muątaa, a lɔi kələn ə bɛlɛ ɉihɛnŋąą diɛ, a yeeɠaa kɔ́wɔ hvilɛn ɉii kələn.

Nwun mąąɓo 5:4

Ee, Yai-Laa! Ɓɛlɔwai ə́ həɠə la Seirə lɔi hu, yɛ́ pa, ɓɛlɔwai ə həɠə la Edɔmə ɲɛɛ kɔwɔɠaa hu, lɔi ə kpɛlin, yələkɔlɔn ə tumo, tulɔ kpinįn ɲá ə tee mą, ə pu a tulɔ kɛnɛ̨.