Mąątɛ̨nɛ̨ 18:2 - Yálá laawoo hɛɓɛ (dc)

² Yɛ diɛ: Ə́ wɛli kaa mą́ą́ Yai-Laa, yɛ́i a nwɔ́ huwalawala.

Yálá laawoo hɛɓɛ

² Yɛ diɛ: Ə́ wɛli kaa mą́ą́ Yai-Laa, yɛ́i a nwɔ́ huwalawala.

Bible

² Yâwɛɛ ƃé gáa a ḿaa kɔ̃ɔ-nuu yɛ̂ɛ kɔni. Ǹyaa ƃé gáa a ŋ́uŋ maa ƃó-nuu. Ŋáɣâlai ƃé gáa a ḿaa kɔ̃ɔ-nuu yɛ̂ɛ kɔni. Ŋà kɛ̀ gɔ̀lɛ ŋa kɛ̂ a ŋ́uŋ ma ƃóɔɔ. A ḿaa kɔ̃ɔ yɛ̂ɛ kɔkuluƃa maa kɔ̃ɔ kɔli-kalaŋ. A ḿaa kɔ̃ɔ é ŋ́uŋ maa ƃó.

Mąątɛ̨nɛ̨ 18:2 ပူးပေါင်းရင်းမြစ်များ

Samia Veerɛi 22:3

Nwɔ́ Yálá kaa a kwɛnii ŋą́ mą́ą́kilɛ bulu. Gaa a nwɔ́ hə́mə́, yɛ ɓo a nwɔ́ yee tɛɛ mąą kwɛli hɛn. Gaa a nwɔ́ taa walawala yii ŋą́ mą́ą́kilɛ ɉu. Málomun ni, nwún mąąɓomun ni. Ya ɓə a gúlɔ toomɛ̨i kɛ nuą yee mu.

Mąątɛ̨nɛ̨ 116:1

Yai-Laa wɛli kaa mą́ą́, mąąhɔlɔɓo a ɲee hee nwɔ́ nɛ̨ɛ̨mąąhvə woo mu.

Mąątɛ̨nɛ̨ 132:17

Gáá pai Davidə huwu hvaŋą tɛi ɓɛ Siɔn, ɛlɛɛ, nui ŋɛ̨i ŋą́ ɉəɠə ɉu, ŋą́ nwɔ nwɔ̨n ɲąątɛ yɛ lən.

Mąątɛ̨nɛ̨ 144:2

Dɔ́ɔ́ bulumun ni, da mą́ą́kɔ̨nwɔ̨ taa, nwɔ́ kɔ́ taa ka ti, da gúlɔ ɉumun, mą́ą́kpɛ kpanąn, bɔɔli ɓə ŋą́ mą́ą́ kilɛ laa, a nwɔ́ nuąi lɔ nwɔ́ heeɓolaa yee mu.

Mąątɛ̨nɛ̨ 19:14

Ə́ wɔ tímun mąąkwɛa kpɔwɔ ɲąąkɛ̨nɛ̨ nuą diɛ, di yee hvo pɛli mą́ą́, a kɛ tii, mą́ą́kulɔi hvo pai kɛi mą́ą́; ɛlɛɛ, ɲéé hva kɛ nɛ̨ŋɛ̨n gɛnɛ̨ɛ̨ hu.

Mąątɛ̨nɛ̨ 28:1

Davidə nwɔ wələ woo. Yai-Laa, gáá ə́ təli, mą́ą́ kɔ́nwɔ̨ kwɛni, hvó ə́ kili kulɔ ɉú, akɛ yá wala hvaa nwóó mu hon, gɛ́ pələ a kɛ yɛ nu a kɛi pa haai.

Mąątɛ̨nɛ̨ 59:11

Tələnmo Yálá ka tii pai náákwiɛn ɉi, A Yálái a gɛ gɛ́ gɔ́n gbɛlaan a mą́ą́hɛnŋį nuą.

Mąątɛ̨nɛ̨ 62:2

A tɛ̨ą, ŋą kɛ Yálá lííla, ŋą kɛ liilaa hu, yaa lɔ ɓə a málomun.

Mąątɛ̨nɛ̨ 62:7

Yaa tanɔ̨n gbən lɔ ɓə a málo kwɛni, a mą́ą́kpɛ taa wala wala, di hva pɛli ɉə́ɠəi dɔɔi.

Mąątɛ̨nɛ̨ 75:10

Ɲą́ą́ nwɛ́i, gáá pai kɛi Ɉakɔbə Yálái laa tɛi a yələ kəlee, gɛ́ wələ too mą.

Mąątɛ̨nɛ̨ 91:2

Ŋą́ kɛ Yai-Laa ɓa, «Yɛ́ ɓə a mą́ą́kilɛi, mą́ą́kpɛ taa ɓaa Yɛ́, Yɛ́ ɓə a nwɔ́ Yálái, gílitɔɔi mą!»

Mąątɛ̨nɛ̨ 91:4

Goon ɉu hvoloonŋąąi ə́ mɛ̨i, yɛ́ ə́ loo laa, vaŋąn mu ɓə yá ə́ mąąkilɛ laa. Nwɔ kulɔwooɓalaa kaa a kuláá-hə́ɠə́, da nu mąąkpɛ kwɛli hɛn.

Lɛɛ gbɔwɔ ɓa 15:2

Yai-Laa ɓə gaa a nwɔ́ huwalawala da nwɔ́ wələ, gaa a málomun, gaa a nwɔ́ Yálá, Ya ɓə ŋą́ Naa tɛ. Ną́n nwɔ Yálá li, gáá mąą wələ tooi.

Hanwon 18:10

Yai-Laa laa kaa a nu mąąkpɛɛ hįi. Nu haŋąą a noo ɉu, mɛ̨nį ta hva ɉɔlɔɓo.

Hanwon 2:7

Ya ɓə a kpɔmąą tɛɛ nu haŋąą pɔ, gaa a nu haŋąą mąąkɔ̨nwɔ̨ mun.

Azaya 32:2

Di tɛi tɛi kaa pai kɛi a nu mąąkilɛi, hvaŋą tɔwɔ; di ɓo a tulɔ teen ɉii. Di kaa pai kɛi yɛ tɛɛyáɠaa gbáli kələn ɉu; yɛ kwɛni kɛnɛ̨ɛ̨ nįnį́n lɔi hukpalaa hu.

Ɉeremi 16:19

Yai-Laa kaa a nóo kpɔlɔ, da mą́ą́kilɛi, ya ɓə ŋį́ li bɔ a mą́ą́wɛlii lɔwai, lɔiɠaa kaa pai pai ə́ pɔ, diɛ həɠə lɔi kpɔn ɉeei, diɛ kɛ diɛ: «Ɉɛnŋaa kɛ ku nąnni yəi a di kwɛlin, ə kɛ a kpɛli kpɛli, a kilikpɛɛgwəi hɛnŋaa, di yee hva lɔ mɛ̨nį ta ɓa.

Hebreu 2:13

Ɛlɛɛ nwɔ̨nɔ̨ yɛ mą: «Ŋą́ gílitɔɔ kpɔ mą kɛnɛ̨.» Yɛ nwɔ̨nɔ̨ mą: «Ɛlɛɛ, Ɲą́ą́ ká, kwa nɛapɛlɛɛi Yálá, Ə́ di tɛɛ bɔ́.»