Mąątɛ̨nɛ̨ 17:3 - Yálá laawoo hɛɓɛ (dc)

³ Yá gwə́i kili kaa, ə mą kɛ, kpinįi ɓə, yá búlú kwɛli; yáá ɉú kɔ́ɔn, hvó mɛ̨nį ta kaa li. Gɛɛ kíliŋąhiɛ hvo too mą́ą́, yáá mąn gɔlɔn.

Yálá laawoo hɛɓɛ

³ Yá gwə́i kili kaa, ə mą kɛ, kpinįi ɓə, yá búlú kwɛli; yáá ɉú kɔ́ɔn, hvó mɛ̨nį ta kaa li. Gɛɛ kíliŋąhiɛ hvo too mą́ą́, yáá mąn gɔlɔn.

Bible

³ Í m̀ɛnii kélee kɔ́lɔŋ gáa ńii sui. Yà pà ḿbɔ a kpíni, yà ḿaa kpɛ̂ɛ, ífe pâi mɛni nyɔ́mɔɔ kélee da kâai ŋ́gbonôi. Wóo nyɔ́mɔɔ kélee da fa kûla ńa,

Mąątɛ̨nɛ̨ 17:3 ပူးပေါင်းရင်းမြစ်များ

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Kɔlɔnikɔ Maa-ŋuŋ 29:17

Ną́mu Yálá, gbaɠala kaa mą́ą́, gɛ́: Yá nu kwəi kaa, kwəi kwələlaa yɛ Ə́ lii hon, nwɛ́i, ŋą́ą́ ɉɛnŋąąi tii kəlee tɛɛ kpɔ Ə́ pɔ gbɔ́wɔ́ ɓa, ɛlɛɛ a gwə́inɛ̨ɛ̨. Ya ka nwɔ̨nɔ̨, gáá ə́ nwɔ nuąi ŋɛ̨i ɓɛ di kaai, diɛ pa Ə́ pɔ di kpɔwɔ ɓa a mɛ̨inɛ̨ɛ̨ɠaa.

Zôo 23:10

Ya pa, ə dɛ́ɛ́ pələ kɔ́lɔn. A ɉúkɔɔn, ŋą́ kulɔ ɉu a mąąhɛɠɛɛ yɛ hɛni.

Zôo 24:14

Nu paa mun a muhəɠə yələwala pɔ, yɛ yeehvowolomun baa, da mąąwɛli mun, kpinį a pɛlɛ, ə gbɔwɔ kɛ a nwuɔ̨ mun.

Mąątɛ̨nɛ̨ 11:5

Yai-Laa a tələnmomun ɉu kɔ́ɔn, yɛ wɛli kpɛɛmąąlaa kulɔ a nu ɲɔ̨nwɔ̨ɔ̨, da wɛamun.

Mąątɛ̨nɛ̨ 119:106

Ŋą́ą́ gwɛ́la, ɛlɛɛ, nwóó lɔ ɓaa a nwóó, gɛ́ ŋą́ ə́ wɔ tɔn nwooɠaai pɔ yíiɓo, di haŋąąi.

Mąątɛ̨nɛ̨ 139:1

Nwələ ɲɛ̨itɔwɔmun. Davidə nwɔ wələ. Yai-Laa! Yáá mą́ą́kpɛɛ! Yáá gwə́i mɛ̨nįɠaa, kɔlɔn,

Mąątɛ̨nɛ̨ 139:23

Yálá! Gwə́i pələ kaa, gwə́i kili kaa, níihɛlɛn gáá mą́ą́, ə́ gɔ́lɔn.

Mąątɛ̨nɛ̨ 16:7

Ŋą́ Yai-Laa laa mąąwiɛ, yai a níɛwoo kɛmun, ə mą kɛ kpinįi, gílaa pɔ̨nɔ̨ɔ̨i yili hu.

Mąątɛ̨nɛ̨ 26:2

'Mą́ą́kpɛɛ, Yai-Laa, 'ɉú kɔ́ɔn, níí da gwə́i 'di hu kaa, nwɔ̨n ma.

Mąątɛ̨nɛ̨ 39:1

Nwələ ɲɛ̨itɔwɔmun: Yedutun. Davidə nwɔ wələ.

Mąątɛ̨nɛ̨ 66:10

Yálá, ə́ ku hukɔɔn, ə́ ku huwaa, yɛ bələi da gɛ la a wali.

Mąątɛ̨nɛ̨ 7:4

Yai-Laa, nwɔ́ Yálá, a kɛ kpɔ ŋį́ túwɔ a ɲɔ̨nwɔ̨ɔ̨, a kɛ kpɔ ŋį́ ɲə́ə́ lɔ hvulu mɛ̨nį hu,

Hanwon 13:3

Nui a ɲee kɛ naaləi ɓa, a nwɔ yɛnɛ̨ɛ̨ mɛ̨i kaa. Kɛlaa, nui a howon a mɔlɔ, a gbɔwɔ nwun na pili.

Ɉeremi 12:3

Kɛlaa Yai-Laa! Ə́ gɔ́lɔn; yá ə́ ɲɛ̨i hee mą́ą́, yɛ́ gwə́i mɛ̨nįɠaa hu kaa; nwɔ́ kiliŋąhiɛ kaa ə́ pɔ. Yii ɓaa nu ɲɔ̨nwɔ̨ɔ̨ɠaa, di tɔɔ a di tee, yɛ ɓɛlaaɠaa di paa mɛ̨nį ɓa. Di kulɔ ku lɔwai, ə́ di tɔɔ a dee, di hukala yələ mąą mɛ̨nį ɓa.

Ɉeremi 50:20

Nąąlɔwai, ɲələ lee lee tii, di kaa pai kɛi di ɲɛ̨i laai a Israɛlə nwɔ túwɔ́ pələ ɲɔ̨n, di hva kɛa gaa, da Ɉuda nwɔ nɛ̨ŋɛ̨nŋaai, di hva kɛa di kaa; Mąąhɔlɔɓo, nuą gbəliɠai da lɛɛ yɛnɛ̨ɛ̨, ŋą di mąąhvaalɛɛ, Ɲą́ą́ Yai-Laa nwóó li!

Osia 7:6

Mąąhɔlɔɓo, daa di mąąkpuɔ yɛ kpaɠa nwɔ̨n, di laa hvɛɛ a nuą ɓowo kili, di wɔ liiholi a yíi a kpinį; Kɛlaa yələ wala pɔ, nən a kɛ tɛi yɛ nwɔ̨n gɛnɛ̨.

Mise 2:1

Nuąi da mɛ̨nį ɲɔ̨nwɔ̨ɔ̨ mąą kiliŋąhiɛ kɛ, Di nwun na ɲɔ̨nwɔ̨ɔ̨i; di ɓo di yəi gbin ŋą, diɛ mɛ̨nį ɲɔ̨nwɔ̨ɔ̨ pənə di kwəi diɛ doo. Yələ a lɛɛ kpɔlɔɔ ɓɔi, diɛ di yee pɛlɛ mɛ̨nį ɲɔ̨n gɛɛ ɓa, mąąhɔlɔɓo, mąą laa kaa di yəi.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Malasi 3:2

Akɛtii, voló tii gaa pai pai la, nu ta kaa pai lɛɛi yɛnɛ̨ɛ̨ ɓəi? Akɛtii, nu taɠaa kaa pai lɛɛi tɔɔni ɓəi, ɓɛlɔwai gaa pai kulɔi la pɔ̨nɔ̨ŋą? Gaa pai kɛi yɛ: nwɔ̨n da kwɛli həɠeen na, diɛ bu. Gɛ pələ a kɛ yɛ: haahvinɛ̨i gbolo-kɔw kɛnɛ̨i ɉu.

Gɛlaɠaa 11:23

Lii kɛa ə mo, ə Yálá nwɔ nɛ̨ɛ̨laa kɛ kóló kaa, gwəi ə nɛ̨ɛ̨, ə di hvaŋąlɔ yɛ diɛ; 'Ká kanąn gu Nąmu ɓa a ka lii kəlee.

Gɛlaɠaa 16:9

Kpini ta, Polə ə hįi kaa, Masedoanə nɔi mun da yɛ nɛ̨ɛ̨mąą hvə mą, yɛ kɛ mą: «'Tɛɛ Masedoanə pələ, ə́ ku mąąkpɔn mąąɓo.»

Korɛntə dɔlɔɔ 4:4

A tɛ̨ą, gwə́i kili hva ɉɔ́n gaa mą́ą́, kɛlaa yili hvə a də́lə́nmo, nui a mą́ą́ mɛ̨nį hutɔɔ, ya lɔ ɓaa gu Ną́mu.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Zĩi 3:2

Gu lan bələ huwu tamąąi. Akɛ nu a wala kɛ lan ɉii vaa woo hui, gaa a nui mąą mɛ̨nį pɛliɛ ɉu, ɲee a pɛli ə gbɔwɔ ɓa.

Piɛrə dɔlɔɔ 1:7

əgɛ, ká wɔ laa na laai ɉu aa waa, yai viɛlaɓoɔ dɛɛ hɛnii da ɉu waa a nwɔ̨n mą, ə mą kɛ tii, ɉɛnii tii a kala lɔ, ká wɔɔ laa na laa tii, ə mąątɛ̨nɛ̨ laa, mąąwiɛlaa da ɓɛlɛlaa hɔlɔɓo, a ɲələi Jesus Kristə kaa pai gbɔwɔ lɛi la,

Samuɛlə dɔlɔɔ 24:10

Yɛ Saulə ɓa: «Lə mɛ̨nį ɓa nuąi da kɛ kɛi yɛ́: ‹Davidə kaa ə́ kwɛlii a mɛ̨nį ɲɔ̨n, ɛlɛɛ,› yɛ́n, ə́ wəli tɔɔ di woo ɓa?

Samuɛlə dɔlɔɔ 24:12

Nán! Ə́ ɲɛ̨i hee ɓɛ, ə́ wɔ həɠəi gbuɔ ta kaa ɲéé ŋą. Ŋą́ ə́ wɔ həɠəi ta tee mą, ɛlɛɛ, və́ ə́ paa li. Ə́ kili ə pu ɉu, ɛlɛɛ, ə́ gbaɠala kaa, yɛ́ kiliŋąhiɛ ɲɔ̨nwɔ̨ɔ̨ hvo gwə́i yɛ hvilɛn na yɛ́, və́ ta tɔɔ li ə́ la; və́ ta ɓaɠaɓo li yɛ́. Yɛ́ lɔ ɓə yáá hvilɛn búlu, yáá ɓaɠaɓo mą́ą́ yɛ́ ə́ báá.

Samuɛlə dɔlɔɔ 26:11

Yai-Laa ə gɛ́ a hɔn maa mun, akɛ ŋą́ ɲéé pɛlɛ nui Yai-Laa ə ɉee a tɔɔmun ma. Gbalai tii gwɛlɛ, da nwɔ ya pu hɛn həɠə gwə li.»

Samuɛlə dɔlɔɔ 26:23

Yai-Laa kaa pai nu kəlee hvɛla kulɔi yɛ bələi dúwɔ́ pələ kaa la. Yai-Laa aa kɛ ə́ lɔ ɲéé ŋą háákələi, kɛlaa, və́ gɛ li və́ ɲéé pɛlɛ nui Yai-Laa aa dɔɔ wulɔ hiɛ mą.