Mąątɛ̨nɛ̨ 17:14 - Yálá laawoo hɛɓɛ (dc)

¹⁴ Yai-Laa, ə́ yee ə di kpɛ lɔi mɛ̨i, di həɠə yɛnɛ̨ɛ̨, di kulɔ nu kanŋaa lɔwai. Yili kpɔ ɓə mąąnɛ̨ɛ̨ ə həli diɛ yɛnɛ̨ɛ̨ ɓɛ. 'Di pilɛ a mɛ̨nį ɲąąnwąnąąi ə́ naa di tɔwɔi! Di lonnii di pilɛ ɉu, di da lɛɛ di kwəi lonnii tɔwɔ.

Yálá laawoo hɛɓɛ

¹⁴ Yai-Laa, ə́ yee ə di kpɛ lɔi mɛ̨i, di həɠə yɛnɛ̨ɛ̨, di kulɔ nu kanŋaa lɔwai. Yili kpɔ ɓə mąąnɛ̨ɛ̨ ə həli diɛ yɛnɛ̨ɛ̨ ɓɛ. 'Di pilɛ a mɛ̨nį ɲąąnwąnąąi ə́ naa di tɔwɔi! Di lonnii di pilɛ ɉu, di da lɛɛ di kwəi lonnii tɔwɔ.

Bible

¹⁴ Óo Yâwɛɛ, ŋ́gula ŋ̀éniɛi su-ƃela nyɔ́mɔɔ-ŋai yêei. Dínîa mɛni nɔ́ ƃa ŋ̀éniɛi su sãai maa mɛni. Mɛni kula maai yâ gbɛ̀tɛ dímɛni mai, gɛ́ a dia. Gɛ́ a dínîa-pɛlɛɛi, da díwɔ-ǹîa-pɛlɛɛi.

Mąątɛ̨nɛ̨ 17:14 ပူးပေါင်းရင်းမြစ်များ

Zôo 12:6

Nu paa nuą di wɔ pɛ́lɛ́i kaa liilaa hu. Nuąi da Yálá lii kələn gwəi, di ɓo liilaa hu. Diɛi di wɔ Yálá lɔ ɓaa di hvaŋą.

Zôo 12:9

Mąąhɔlɔɓo, ɉɛnŋąąi ti, nɛlɛ ɓə hvo gɔlɔn, yɛ kɛ Yai-Laa ɓə mɛ̨nįɠaai ti kəlee kɛ.

Zôo 21:21

Ɓɛlɔwai di wɔ lɔwai a kpɛɛ la, nonnii mąą mɛ̨nį niihɛlɛn va kɛa kɛ mą.

Zôo 22:18

Ya pa, yili ɓə kɛi di wɔ pɛlɛ́ɠaai laahvɛɛ a mɛ̨nį lɛlɛɛ, kɛlaa, daa Yálá laa kulɔ di mąą mɛ̨nįɠaa hu.

Mąątɛ̨nɛ̨ 39:6

Hvo gaai, yáá nwɔ́ hvólóɠaai hu kpuwɔ kɛnɛ̨, ɛlɛɛ, nwɔ́ yɛnɛ̨ɛ̨ kaa kpɔ a lə, ə́ ɲɛ̨i ɓa? A tɛ̨ą, nu hu kilinŋąą kaa lɔ ə́ ɲɛ̨i ɓa hvɔan-hvɔan, yɛ hvaŋą.

Mąątɛ̨nɛ̨ 73:12

Ɛlɛɛ nu ɲɔ̨nwɔ̨ɔ̨ɠaai tii kaa lɔ tii, di wəli pulu laɠiɛ, diɛ hɛngɔw tiɛ̨ gee mɛ̨i.

Hanwon 2:4

Akɛ yá gwɛli yɛ bələi da hɛn gwɛli la, ə́ gwɛli pələ kɛ yɛ hɛn gɔw yii noɔ,

Maafîu 13:44

«Yálá-taa tɔɔlaa kaa yɛ, hɛn gɔw yii noɔ tíi hu. Yii hulɔnu ta ə li, ə gaa, ə pənə ə mɛ̨i kpulu. Gwəi ə nɛ̨ɛ̨ kpɔ kɛnɛ̨, ə li ə ɲəi hɛn gəlee lɔwɔ́tɔɔ, ə pənə ə pa, ə díi tii ya la.»

Lukə 16:25

«Abrahamə yɛ mą: ‹Nón! Ə́ kili ə pu ɉu yɛ kɛ, ɓɛlɔwai ə́ kɛ la yɛnɛ̨ɛ̨, ə́ mɛ̨inɛ̨ɛ̨ɠaa hɔlɔɓo; Lazarə nwɛi yɛ mɔ̨nɔ̨ mį́į́. Yiihu, yaa kpɛli gaa ɓɛ nɛ̨ɛ̨ hu; yɛ́ kpɛli yɛ kɛa mɔ̨nɔ̨ mį́į́.

Lukə 16:8

Ɉɛn gɔw laaikɛ mun vuluɔ tii, nąmu ə mąątɛ̨nɛ̨ nwɔ gbąnąlaa túwɔ́ tii hu. Ɲɛnɛ̨ɛ̨ ŋɛ̨i hu nuą gbąnąąi di kee ni lɔwai mɛ̨nįɠaa kɛɛ hu, ə tɛɛ kɛɛ pono lonnii diɛ.»

Ɉaan 15:19

Ka kɛ kɛ a yɛnɛ̨ɛ̨ nwɔɔi, yɛnɛ̨ɛ̨ ə li ka wɛli la kɛ. Nuąi di kaa a yɛnɛ̨ɛ̨ nwɔɔ, diɛ ɓə yɛnɛ̨ɛ̨ a di wɛli la kɛ. Kɛlaa, ɲą́ą́ ka ɉəɠə ɉu, ŋą́ą́ ka kulɔ yɛnɛ̨ɛ̨ hu. Ka hvo kɛa a yɛnɛ̨ɛ̨ nwɔɔ, mɛ̨nįi yɛnɛ̨ɛ̨ hvo pai ka wɛli la kɛi la yaa li.

Ɉaan 17:14

Ŋą́ Ə́ laawoo lɛ diɛ, di wɛli a kpɛɛ yɛnɛ̨ɛ̨ ɓa, mąąhɔlɔɓo, di hvo ɓaa a yɛnɛ̨ɛ̨ nwɔɔ, yɛ bələi ɲą́ą́ və́ la a yɛnɛ̨ɛ̨ nwɔɔ.

Ɉaan 8:23

Jesus yɛ diɛ: «Ka káá a lɔi mɛ̨i nuą, ɲą́ą́n gɛ́ ɓo a yələkɔlɔn ɉu mun. Ka káá a ɲɛnɛ̨ɛ̨ ŋɛ̨i hu nuą, kɛlaa, nwɛ́i, və́ a ɲɛnɛ̨ɛ̨ ŋɛ̨i hu mun da.

Zĩi 5:5

Ká kɛ ká nɛ̨ɛ̨ hu yɛnɛ̨ɛ̨, káá ká liiɓa kɛ, káá ká laa nɛ̨ɛ̨ mįi, a hɛli ɲələɠaa.