Mąątɛ̨nɛ̨ 149:3 - Yálá laawoo hɛɓɛ (dc)

³ 'Di naa mąątɛ̨nɛ̨ a mąną, 'di ɓálá da bɛlɛgwəi ɲɔw mą!

Yálá laawoo hɛɓɛ

³ 'Di naa mąątɛ̨nɛ̨ a mąną, 'di ɓálá da bɛlɛgwəi ɲɔw mą!

Bible

³ Ka ǹáa maa tɛ́ kámãla-pere su. Ka ǹáa maa tɛ́ a gbùŋ-gbuŋ da kɔnîŋ woo-ŋa.

Mąątɛ̨nɛ̨ 149:3 ပူးပေါင်းရင်းမြစ်များ

Samia Veerɛi 6:14

Davidə ə kɛi mąną yɛ kɔ̨nwɔ̨ kpɔ a neelee Yai-Laa lííla. Kilɛn ɉəɠə lɔ ɓə kɛ gwąną, gbulɔn ŋąą ləŋəi.

Samia Veerɛi 6:16

Ɓɛlɔwai Yai-Laa nwɔ mįnɛ̨ kəhii ə kɛi həli la Davidə taa, Saulə lon nɛ̨ɛ̨nu Mikalə ə nwun mąą laŋąn, ə tɔɔmun Davidə kaa, yɛ kɔ̨nwɔ̨, yɛ mąną Yai-Laa lííla mɛlɛ ə kpɛɛ gwəi.

Kɔlɔnikɔ Maa-ŋuŋ 16:42

Nuąi kɛ di pɔ, diɛ ɓaa: Heman da Yedutun, ə pɛlɛ la, túlúɠaa diɛ, nalóɠaa, ə mą kɛ, hvɛli kɛ hɛnŋąą, diɛ Yálá mąątɛ̨nɛ̨ wələ mu hee la. Yedutun lonnii ɓə kɛ bɛlɛ́ laaləi.

Kɔlɔnikɔ Maa-ŋuŋ 25:6

Nuą tii kəlee kɛ di nąn ɲeemu. Di kɛi wələ too Yai-Laa nwɔ pɛlɛ́i mu, a: laloɠaa, gwɛnįnŋąą, da kɛ́ɛ́ɠaa. Di wɔɔ tíɓoi li kɛ Yálá nwɔ pɛlɛ́i mu. Di kəlee kpɔ kpun, di ɓo la tɔɔmun, Asafə da Heman di wɔɔ ɲąąwooɓo mu.

Kɔlɔnikɔ Veerɛi 20:28

Di lɔ Ɉerusalɛmə a hvɛli woo: diɛ gwɛnįn ɲɔw, diɛ bɛlɛgwəi yɔw, diɛ tulu hvɛɛ. Di lɛɛ kpɔ a hvɛli kɛi, di həli la Yai-Laa yəi bɛlɛ́ laaləi.

Kɔlɔnikɔ Veerɛi 29:25

Tɔɔmun ə Levi lonnii hee Yai-Laa nwɔ pɛlɛ́i mu a hvɛli woo: talanənŋąą, gwɛnįnŋąą, da bɛlɛgwəi gwɛnįnŋąą; yɛ bələi Davidə ə mo la da Gadə, da tɔɔmun ŋą kwɛlɛɛn gɛɛ kaamun, ɛlɛɛ, Yálá kwəi mɛ̨nį hukulɔ mun Natan. Mąąhɔlɔɓo, Yai-Laa ɓə gwəi mɛ̨nį tí a mɛ̨nįi tii diɛ mo.

Ɛsdrasə 3:10

Ɓɛlɔwai bɛlɛ́ tɔɔ nuą di Yai-Laa hee pɛlɛ́ gwɛni dɔlɔɔ laa la, di ɉaláá laa həli nuą təli, di wɔ haláá laa həli həɠə yɛ ɓo di kwaną, túlúɠaa di ɓo di yəi, ə mą kɛ, Asafə lonnii ŋɛ̨i kɛ a Levi huwuhu nuą, lalo yɛ ɓo di yəi, diɛ Yai-Laa mąątɛ̨nɛ̨ la, yɛ bələi Israɛlə tɔɔmun Davidə ə mo la.

Mąątɛ̨nɛ̨ 30:11

'Ə́ wəli tɔɔ nwóó ɓa Yai-Laa! Nɛ̨ɛ̨ yɛ́! Yai-Laa, kɛ a mą́ą́kpɔn mąąɓomun.

Mąątɛ̨nɛ̨ 33:2

'Ka Yai-Laa hɛɠɛɛɓo a bɛlɛgwəi! 'Ka gwɛnįn nwoo nɛ̨ɛ̨ yɔw naa hu.

Mąątɛ̨nɛ̨ 81:2

'Ka tomą a kwəinɛ̨ɛ̨ Yálá pɔ pələ, Yaa ɓə a gu wɔ huwalawala, 'ka ka yee lɔwa Ɉakɔbə nwɔ Yálái ɓa.

Mąątɛ̨nɛ̨ 81:3

'Ka vɛ́liɠaa pu mą! 'Ka mala woo kulɔ, gwɛnįn nwoo nɛ̨ɛ̨, da bɛlɛgwəi.

Mąątɛ̨nɛ̨ 87:7

Kɛlaa, da kɛ wələ tooi diɛ mąną, diɛ kɛ diɛ: «Ku kəlee ku nwun dɔɔi ɓaa a yɛ́!»

Lɛɛ gbɔwɔ ɓa 15:20

Yálá kwəi mɛ̨nį hukulɔ nɛ̨ɛ̨nu Miriamə, yai a Aarɔn mąąhala, ə nwɔ hvɛli kɛ hɛn həɠə, Israɛlə nɛ̨ąą kəlee di di wɔ hvɛli kɛ hɛnŋąąi həɠə, di hvilɛn bulu, diɛ mąną, diɛ vɛli kɛ.

Ɉeremi 31:13

Mąą yələi tii, nɛ̨ɛ̨lɛa kaa pai kɛi mąnąai, di ɓo di nɛɛ hu. Ɉilɛlɛa, da ɉulɔgoloɠaa kpɛli mąn, gáá pai di wɔlɔ woo mąą pənəi a kwəinɛ̨ɛ̨. Ŋą́ di kpɛgbɛn mo, gɛ́ di kwəinɛ̨ɛ̨ mɔ̨nɔ̨ mį́i pulu.

Ɉeremi 31:4

Gáá bɔ ŋį́ pənə ŋį́ ə́ tɔɔ, Israɛlə nɛ̨ɛ̨gbɛla, ə́ kaa pai tɔɔi, ə́ kaa pai pənəi ə́ pu ə́ ninə kɔ́lɔi. Ŋą́ ə́ mąąyili, ə́ wɔ hvɛli kɛ hɛnŋaa di ɓo ə yəi, ə́ tɔɔ la nuą ɲɛ̨itɔwɔ nwələ yɛli hu, a ɉɛli yələ.

Nwun mąąɓo 11:34

Ɓɛlɔwai Ɉɛfte ə bulu pənə la yɛ pa bɔ taai Mispa, non nɛ̨ɛ̨nu ɓə kulɔ yɛ pa naakwiɛn ɉii, yɛ mąną kaa, yɛ hvɛli kɛ. Ɉɛfte non nɔ ka tii kɛ tanɔ̨n gbən.