Mąątɛ̨nɛ̨ 147:13 - Yálá laawoo hɛɓɛ (dc)

¹³ Mąąhɔlɔɓo aa ə́ wɔ kpon naa kpulu kwɛliɠaa mąątɔɔ, aa lúwɔ́ too ə́ lonnii diɛ.

Yálá laawoo hɛɓɛ

¹³ Mąąhɔlɔɓo aa ə́ wɔ kpon naa kpulu kwɛliɠaa mąątɔɔ, aa lúwɔ́ too ə́ lonnii diɛ.

Bible

¹³ Ǹyaa ƃa ísiɣãŋ-ŋai mɛi kâa, gɛ́ lûwa làa ínûai dîa.

Mąątɛ̨nɛ̨ 147:13 ပူးပေါင်းရင်းမြစ်များ

Nehemi 12:30

Ɉaláá la həli nuą da Levi huwuhu nuą di di mąąhəɠə, di nɔi lonnii mąąhəɠə, da gbonŋąą, da ɉį́i.

Nehemi 6:1

Ɓɛlɔwai di mo la Sanbalatə ɓa da Toviya da Gɛsɛmə, yai kɛ a Arabə mun, da ku yowo takpɛliɠaa diɛ, diɛ kɛ diɛ; ŋą́ą́ ɉįi tɔɔ, ə lɛɛ, wolo hvo kɛa mą; və́ nii kɛ gbonŋąą too li.

Nehemi 7:1

Di kpɛɛ a ɉįi tɔɔ, ŋį́ gbonŋąą too, pɛlɛ laləi nuą, nwələ too nuą, da Levi huwuhu nuą, di nu kəlee hee nwɔ koló ɓa.

Nehemi 7:3

Gɛ́ diɛ: «Hvóló ɲąą a wala nii nwąną, di hvo Ɉerusalɛmə gbonŋąą laa ɓo. Ɛlɛɛ, bɛlɛ́ laaləi mąąkpɛ nuą da lɛɛ goló ɓa di gbonŋąą la kpulu, di gwɛliɠaa laa bulu. Da daa mąąkpɛ koló hee a ɲɛ̨li Ɉerusalɛmə nuą nwuɔ̨, nu kəlee tɔɔi yɛ ɓo mą, ɛlɛɛ, nu kəlee ɲɛ̨i heeɛ ɲəi bɛlɛ́ laaləi.»

Mąątɛ̨nɛ̨ 125:2

Ɉerusalɛmə mąątinɛ̨nŋąąi a yeeɠaa; bələ ɓə Yai-Laa a ɲee koloon dee la nwɔ nuą diɛ, ə həɠə yiihu ɓa, ə lɛɛ ɉu ɲɛ̨n deei hvo mą.

Mąątɛ̨nɛ̨ 144:12

A kɛ ti, ku lon ɉinąą da kɛ yɛ, wulu ɓɔnŋaa, di ɓɔn nɛlɛɛ a di muhəɠə yələ, ku lon nɛ̨ąą di ɓo a kpɔn ɉu kulɔ nɛ̨ąą, di mąąnɛ̨ɛ̨ tɔɔ pɛlɛ́ɠaa mu.

Mąątɛ̨nɛ̨ 51:18

Hvó ɲə́i haláá hɛn bɔ, hvó pai ə́ yee heei nwɔ́ haláá hɛnŋaai ŋą́ gəlee kələn da mu.

Ɉeremi 33:10

Yai-Laa woo ka, yɛ diɛ: Ka kaa kɛi diɛ: Gɛɛnąąi ŋɛ̨i kaa a lɔi pun. Nu hvo laa, taatɛlɛɛ hvo laa; Ɉuda taaɠaa hu da Ɉerusalɛmə kwəliɠaa hu. Nąą mąą aa wɛli; nu hvo laa, taatɛlɛɛ hvo laa. Di kaa nwɔ̨nɔ̨ pai,

Ɉeremi 33:11

kwəinɛ̨ɛ̨ wələɠaa mɛ̨n ɉii laa, da yɛlɛ wooɠaa, nɛ̨ą həɠə mun nwɔ wələ woo yɛ tɔɔ. Hilɛtai nɛ̨ɛ̨nu nwɔ mąną kaa tin yɛ tɔɔ. Nuąi pai a hɛɠɛɛɓo halááɠaa Mɛ̨nį Kəlee ŋą Hééɓomun Yai-Laa yəi bɛlɛ́n, di wɔ hvɛ́li woo yɛ tɔɔ laa, diɛ kɛ mą: 'Ká Yai-Laa Kɔlaɠa Nwun Ną́mu laa too a wələ, mąąhɔlɔɓo, nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei hvo mą. «A tɛ̨ą, ŋą́ pənə ŋą́ nɔi ŋɛ̨i tɔɔ, ə pənə ə kɛ yɛ bələi ə kɛ la tɔlɔɔ. Ɲą́ą́ Yai-Laa nwoo li.»

Woolaa 4:12

Lɔi mɛ̨i tɔɔɓɛlaa kəlee, da yɛnɛ̨ɛ̨ ɓɛ nu kəlee, nu ta lɔpee kili hvo kɛ li mą, diɛ kɛ; Ɉerusalɛmə ɲowoɠaa da pɛli kɛ di yee pɛlɛi gbonŋaa ɓa.

Danîa 9:25

Yii mąąnɛ̨ɛ̨ ə́ kili ə kɛ ɉu, ə́ gbaɓala kaa, ya ka: Ə həɠə ɓɛlɔwai ŋɛ̨i di nwɛlɛɛ ŋɛ̨i ɓo la, yɛ hvilɛn na ka kulɔ mɛ̨nį luwɔlaa hu ɓa, da Ɉerusalɛmə taa tɔɔ mɛ̨nį a nįnɛ̨, ə mą kɛ, tɔɔmun yii Yálá ə ɉəɠə ɉu ə mąątí gulɔ mɛ̨nį pɔ̨nɔ̨ŋa, a kɛ a lɔwai mɛ̨ihveelɛ heei kwɛlan mɛ̨ihveelɛ. Yili pulu, lɔwai heei pow mɛ̨ida kɔ́w hveelɛ heei kwɛlan mɛ̨ihveelɛ hu, daa-lee kɛnɛ̨ da nwɔ hįi, da di tɔɔ. Kɛlaa, nɔwaiɠaai tii da kɛ a mɛ̨nį walawala.