Mąątɛ̨nɛ̨ 146:5 - Yálá laawoo hɛɓɛ (dc)

⁵ Nui Ɉakɔbə nwɔ Yálá tɔɔ bulu, nwun na nɛ̨ɛ̨ ɓə, a nui tii a gilitɔɔ Yai-Laa ɓa, yai a nwɔ Yálái.

Yálá laawoo hɛɓɛ

⁵ Nui Ɉakɔbə nwɔ Yálá tɔɔ bulu, nwun na nɛ̨ɛ̨ ɓə, a nui tii a gilitɔɔ Yai-Laa ɓa, yai a nwɔ Yálái.

Bible

⁵ Lûwa káa diai dîa Zeeka Ŋɔɣâlai a kpɔŋ mâ tɛ̀ɛ dí pɔi, da diai da díkili tɔ̀ɔ Díɣâlai Yâwɛɛ mai,

Mąątɛ̨nɛ̨ 146:5 ပူးပေါင်းရင်းမြစ်များ

Zɛnɛse 50:17

‹Ka nwóó ŋɛ̨i laa həli Ɉosɛfə ɓa, kaa mą, Ɉakɔbə yɛ: Mɛ̨ni nwąnąąi ə́ liɛni di naa yɛ́, yii kpɔ di gɛ a yɛ́ a ɲɔ̨nwɔ̨ɔ̨, di mąąhvaalɛɛ gəlee hu.› Yili ɓa, Ɉosɛfə, kuɔ: Ə́ ku mąąhvaalɛɛ, gu kəlee ɓə gwa kwɛli hvilɛn gu nąn nwɔ Yálái ɓa.» Nwɛlɛɛ tii ɓoi di mo Ɉosɛfə ɓa, ə hee yɛ wɔlɔ.

Mąątɛ̨nɛ̨ 144:15

Nwun na nɛ̨ɛ̨ nuą ɓaa, a nuąi mɛ̨nį huwui tii kəlee kaa di yəi! Nwun na nɛ̨ɛ̨ nuą ɓaa a nuąi Yai-Laa kaa a di wɔ Yálá.

Mąątɛ̨nɛ̨ 20:8

Kɔ kɔ́ wotolo kaa nu taɠaa yəi, daɠaa di wɛi ə ɓo a hooɠaa; Kɛlaa ku wɛi, Yai-Laa ku wɔ Yálái laa ɓə ku yəi; ya ɓə kwa vɛli.

Mąątɛ̨nɛ̨ 33:12

Nɔi Yai-Laa kaa a nwɔ Yálá, nwun na nɛ̨ɛ̨ lɔi li, nu huwui ə ɉəɠə ɉu a gwɛlin, nwun na nɛ̨ɛ̨i!

Mąątɛ̨nɛ̨ 39:7

A tɛ̨ą, nu a kɛ lɔ lii, yɛ pa, kɛlaa, gaa lɔ yɛ nįnįn! A tɛ̨ą, gɛ mɛ̨nį kaa lɔ a hvąŋą! A hɛn gwɛli ə dɛ gee ɓa, nui pai dɔlɔ kulɔi, hvo gɔlɔn.

Mąątɛ̨nɛ̨ 46:11

Yɛ kɛ diɛ: «'Ka gwɛlihɛnŋaa laa, 'ka gɔlɔn kaa diɛ ɲą́ą́ ɓə gaa a Yálá! Ŋą́ hį́iɠaa ɲąąwooɓo, gɛ́ lɔi ɲąąwooɓo.»

Mąątɛ̨nɛ̨ 46:7

Lɔiɠaa hu tin ə kɛi kulɔ, tɔɔlaaɠaa diɛ kɛ yɛɠɛ yɛɠɛ, Yálá ə woo tɛɛ, lɔi ə həɠeen.

Mąątɛ̨nɛ̨ 46:8

Yai-Laa Mɛ̨nį Kəlee ŋą Hééɓomun gaa ku pɔ, ku mąąkpɛ taai gaa ku yəi, ya ɓaa Ɉakɔbə nwɔ Yálái.

Mąątɛ̨nɛ̨ 71:5

Yɛ́ ɓə gílitɔɔ yɛ́, Yai-Laa Nąmu Yálá, ə həɠə múhəɠə yələ ɓa, yɛ́ ɓə ya nwéli pulu lɛɛ a naɠiɛ.

Mąątɛ̨nɛ̨ 84:12

Mąąhɔlɔɓo, Yai-Laa nwɔ́ Yálá kaa a hvoló, Yɛ ɓo a nu mąą kpɛ gbanąn, Yai-Laa a nu kɔ́ a nɛ̨ɛ̨laa, da ɲɛ̨i pɔ̨nɔ̨. Nuąi da hiɛ a ɉaŋąą, hva di kunwɔ̨ a nwun nąnɛ̨ɛ̨.

Mąątɛ̨nɛ̨ 84:8

Di hvąŋąlɔɔ lɔ a yələ kəlee, diɛ li, diɛ li di kpɔwɔ lɛi Yálá ɓa, Siɔn daai.

Lɛɛ gbɔwɔ ɓa 3:6

Ɲą́ą́ ɓə gáá a ə́ nąn nwɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá.» Moisə ə ɲee pɛlɛ ɲɛ̨i, mąąhɔlɔɓo, ə kɛi ɲɔw ɲɛ̨i heei Yálá ɓa.

Hanwon 16:20

Nui a giliŋąhiɛ yɛ mɛ̨nį ɓo, a kulɔ ɉu a nɛlɛɛ. Nui nwɔ̨nɔ̨ a nɛɛ ɲəi kɛ Yai-Laa ɓa, nwun na nɛ̨ɛ̨ lon ni.

Dutɛrɔnome 33:29

Israɛlə! Ə́ nwun na nɛ̨ɛ̨i! Gbɛɛ ɓə ka yaa ka kulaa tii ka kee ɓai? Yɛ́i ə tɔɔ bulu ɓaa Yai-Laa! Yaa ɓə gaa a ə́ mąąkpɔmąą ɓo hə́mə́! Yaa lɔ ɓə gaa a ə́ wɔ huwalawala ɓɔwa kwɛa! Ə́ yowoɠaa di hvo kolokpɛli di lii pɔ wɔlɔi ə́ pɔ, ya di wɔ lɔi too ə́ kɔ́wɔ mu, yɛ́ hiɛ ɉu.»

Piɛrə dɔlɔɔ 1:21

Yaa ɉáálai, káá laa Yálá la, yai nwun, ə gulɔ haa yəi, ə gɔ a mąąwiɛlaa, gɛ pələi tii, ká wɔɔ laa na laa, da wɔɔ kilitɔɔmąą laa kɔwɔ hvilɛnŋąąi la Yálá ɓa.