Mąątɛ̨nɛ̨ 145:13 - Yálá laawoo hɛɓɛ (dc)

¹³ Ə́ wɔ Tɔɔlaa kaa a yələ kəlee tɔɔlaa, ə́ wɔ heeɓolaa a lamun a kwɛlan gəlee da nwɔɔ.

Yálá laawoo hɛɓɛ

¹³ Ə́ wɔ Tɔɔlaa kaa a yələ kəlee tɔɔlaa, ə́ wɔ heeɓolaa a lamun a kwɛlan gəlee da nwɔɔ.

Bible

¹³ Íkâloŋ-laai káa naa wɔ́lɔ-wɔlɔ, ǹyaŋ íkaa a kâloŋ wɔ́lɔ-wɔlɔ. Yâwɛɛ teniŋ ƃôɔɔi ŋɔkono-tee-ŋai kélee su. Ŋɔmaloŋ kâai káa gɛ́-mɛni kélee su.

Mąątɛ̨nɛ̨ 145:13 ပူးပေါင်းရင်းမြစ်များ

Mąątɛ̨nɛ̨ 10:16

Yai-Laa kaa a tɔɔmun a yələ kəlee, hį́i takpɛliɠaa daa kwɛlɛɛn nwɔ lɔi hu.

Mąątɛ̨nɛ̨ 146:10

Yai-Laa kaa yələ kəlee a Heeɓomun, Siɔn! Ə́ wɔ Yálá li a kwɛlan ba pələ tɛi tɛi! 'Kánikookwəi!

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Woolaa 5:19

Kɛlaa, ə́ wɛi, Yai-Laa! Ə́ kaa laa a yələ kəlee; ə́ wɔ tɔɔkpəlin gaa a kwɛlan gəlee mɛ̨ni.

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Danîa 4:31

Gwɛlan mɛ̨ihveelɛi tii tɛɛ pulu, ɲą́ą́ Nabukodonosorə, ŋą́ ɲɛ̨i hee yələi, nu kili ə pa mą́ą́, Yálá yii gaa hɛn gəlee nwun mɛ̨i, ŋą́ mąąwiɛ tɛɛ bɔ. Yálá ŋɛ̨i haa hvo mą, yaai nwɔ yeetɛɛmąą kaa hɛn gəlee mɛ̨i, yaai nwɔ tɔɔlaa kpɛɛ hvo mą, ŋą́ kɛnɛ̨ laa da mąąwiɛ tɛɛ bɔ.

Danîa 6:27

Gáá tɔ́n dɔɔi ɓɛi kpɔ nwɔ́ tɔɔlaai ə həli laa, naa nuą kəlee diɛ, gɛ diɛ: Mąąnɛ̨ɛ̨ nu kəlee di ɲɔw Daniɛlə nwɔ Yálái ɓa, di mąąwiɛ. Mąąhɔlɔɓo: «Ya ɓə gaa a Yálá hvulú, Ya ɓə a Yai-Laa. Nwɔ tɔɔlaai hva kpɛɛ. Nwɔ heeɓolaa kpɛlai hvo mą.

Danîa 7:14

Di yeetɛɛmąą kɛnɛ̨ laa, da tɔɔlaa tɛɛ bɔ. Híín lɔpee gəlee, hįi wooi lɔpee gəlee ɓo nuą, di kɛ a nwɔ kóló kɛ nuą. Nwɔ heeɓo laa ə kɛ a yii kpɛɛ hvo mą, yii hva tɛɛ, nwɔ tɔɔlaai kala hvo mą a yələ kəlee da nwɔɔ.

Danîa 7:27

Tɔɔlaa, heeɓolaa, kɛnɛ̨ laa, da tɔɔlaaɠaai kpɔ di kaa lɔi mɛ̨i, di kaa pai gəlee tɛɛi Yálá Yii Gaa Hɛn Gəlee Nwun Mɛi nwɔ nuą pɔ. Dɔɔlaai tii kaa pai kɛi a tɔɔlaa yii kpɛɛ hvo mą. Huwalawala hɛnŋaa kəlee kaa pai kɛi nwoo mu.»

Timote dɔlɔɔ 1:17

Wɔlɔ-wɔlɔ da wɔlɔ-wɔlɔ tɔɔmun, a Yálái haa hvo mą, kaa hvo mą, yɛ ɓo lɔ tanɔ̨n gbən, kɛnɛ̨laa da mąąwiɛlaa, ə kɛ mą, ɲɛ̨n dee hvo mą! Kɛ́i a mo tii Yálá, ə kɛ! Amįįną.

Piɛrə veelɛ 1:11

Yili ɓə a gɛ, pələ laa ə ɓo ka tɔwɔ, gu Ną́mu da gu Nwun mąąɓomun Jesus Kristə nwɔ tɔɔlaai hu.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»