Mąątɛ̨nɛ̨ 14:2 - Yálá laawoo hɛɓɛ (dc)

² Yai-Laa a lɛɛ yələi, ə ɲɛ̨i pili nu-kanŋąą mɛ̨i, ə gaa, a kɛ dɔ̨nɔ̨ kpɛli kaa a kilimąą mun, yɛ Yálá kwɛli.

Yálá laawoo hɛɓɛ

² Yai-Laa a lɛɛ yələi, ə ɲɛ̨i pili nu-kanŋąą mɛ̨i, ə gaa, a kɛ dɔ̨nɔ̨ kpɛli kaa a kilimąą mun, yɛ Yálá kwɛli.

Bible

² Yâwɛɛ káa ɣâla-taa gɛ́ núu-kpune kàa ǹɔii ma ƃɛ́. A díkâai à kɛ̀ dí táreɛ̂i, kpaa máŋ díta a vɛ̀li tɔ̃yâ-pere su.

Mąątɛ̨nɛ̨ 14:2 ပူးပေါင်းရင်းမြစ်များ

Zɛnɛse 11:5

Yaan, Yai-Laa ə yɛɛ, ə gɛ, ə daai tii mąąkpɛɛ, ɛlɛɛ bɛlɛ́i ŋɛ̨i nuą kaa dɔɔi, ə gaa.

Zɛnɛse 18:21

Ŋą́ yɛɛ, ə gɛ, ŋį́ li ŋį́ nąą kaa, a kɛ pələi gáá gun mɛ̨n ɉii la, gaa tii.»

Zɛnɛse 6:12

Yálá ə ɲɛ̨i hee lɔi mɛ̨i, ə nąą kaa, nu tɔ̨nɔ̨ kpɛli hvo kɛi Yálá kwɛli, nu kəlee lii lɔɔ mɛ̨nį ɲɔ̨n ɉu diɛ gɛ.

Kɔlɔnikɔ Veerɛi 19:3

Kɛlaa, ə mą kɛ tii, mɛ̨nį lɛlɛɛɠaa kaa ə́ túwɔ́ pələ hu; hvo gaai, nwuluɠaai nuą di dɔɔ diɛ gɔ́, yáá gəlee kələn nɔi, ɛlɛɛ, yáá tɔɔ a ə́ nwąnąi, yɛ́ Yálá woo hon.»

Kɔlɔnikɔ Veerɛi 30:19

Nuąi tɔɔ a di nwąnąi di Yálá liiɓa kwɛli, a di nąnni di wɔɔ Yálái Yai-Laa, ə mą kɛ di mąą hvo həɠə li, di pɛli lɛɠɛi ɉɛn mąąhəɠɛɛɠaa diɛ: «Yai-Laa, yai nwɔ mɛ̨nį lɛlɛɛ, ə di mąąhvaalɛɛ!»

Zôo 15:14

Lə kpɔ ɓaa nu kan, yaai a gbɔwɔ kɛ a nu haŋąą? Lə ɓaa nɛ̨ɛ̨nu kwəi lon, yaai a gbɔwɔ kɛ a tələnmomun?

Mąątɛ̨nɛ̨ 107:43

Gbɛɛ ɓə yɛi kɛ a mɛ̨nį kɔ́lɔn mun? Ə mɛ̨nįɠaai ti kəlee mąąkpɛɛ, ə Yai-Laa nwɔ mɛ̨inɛ̨ɛ̨ mąą mɛ̨nį kpaɠala kaa.

Mąątɛ̨nɛ̨ 11:4

Yai-Laa kaa nwɔ tɔɔ pɛlɛ́ mąąhəɠɛɛi mu, Yai-Laa kaa nwɔ tɔɔ kpəlin hu, yələ kɔ́lɔnɉu, ɲɛ̨i həɛ yɛnɛ̨ɛ̨ ɓa. Ɲɛ̨i kwəleen yɛ nu kan nonnii túwɔ pələ hu kaa.

Mąątɛ̨nɛ̨ 69:32

Yili wɛli kaa Yai-Laa ɓa ə tɛɛ niŋɛ̨ hilɛ ɓa, ə tɛɛ tɔ̨nɔ̨ niŋɛ̨ hilɛ ɓa.

Mąątɛ̨nɛ̨ 82:5

Kɛlaa, di hvo mɛ̨nį ta kɔ́lɔn, mɛ̨nį kpaɠala hvo diɛ, di kaa kpinį hu, lɔi kɔwɔ hvilɛn ɉɛn kəlee daa kɛ yɛɠɛ yɛɠɛ a di laa pɔɔ.

Mąątɛ̨nɛ̨ 92:6

Ə́ kɛ mɛ̨nįɠaa kpɛa kpɛai tai, Yai-Laa! Ɛlɛɛ, ə́ kwəi kili kpon ɉukwɛa pələ, nu hva pɛli gɔlɔn ɉi.

Hanwon 2:9

Akɛ yá ə́ wəli tɔɔ mą́ą́, yá mɛ̨nį haŋąą kɔ́lɔn, yɛ́ pɛli mɛ̨nį lɛlɛɛ kɛi.

Hanwon 8:5

Kaai ka hva mɛ̨nį ŋąą kaa, ka pa ŋį́ ka mąąkwɛli. Kaai ɓaa hupu nuą, ka pa ŋį́ ka nwun gɛ ka hu.

Hanwon 9:16

«Nui hva mɛ̨nį ɲąą kaa, ə pa ɓɛ pələ.» Nui ɲąąkpɛɛ mą, nɛ̨ɛ̨nui ti a kɛ mą:

Hanwon 9:4

«Nuąi di hva mɛ̨nį ɲąą kaa, di pa ɓɛ!.» Yiiɠaa di kili kpɛɛ di yəi, yɛ diɛ:

Azaya 27:11

Ɓɛlɔwai nwulu woŋoɠaa da kpala la, nɛ̨ą da pa di nwɔ̨n naa ɉu, a tɛ̨ą, kili hvo nu huwui ŋɛ̨i ɓa; ya ɓə gɛi, nui di pɛli, hva di mąąwɛli kaa. Nui di kulɔ hva di ɲɛ̨imąąwɛli kaa.

Azaya 55:6

'Ka Yai-Laa kwɛli, ɓɛlɔwai, a gbɔwɔ lɛɛ laa diɛ gaa, 'ka dəli, ɓɛlɔwai, nɛɠɛɛi la kaa.

Azaya 63:15

Yɛ́i tii yələ kɔ́lɔn ɉu, lɛɛ ə́ wɔ pɛlɛ mąąhəɠɛɛ lɛlɛɛi mu, ə́ ə́ ɲɛ̨i hee, ə́ kɛɛ kaa: Ə́ wɔ toloi kaa mįnɛ̨, da ə́ wɔ huwala walai? A mɛ̨nįɠaai tii da ə́ lii muhəɠəi? Ɲɛ̨́i mąą wɛli kaai ə́ kɛli mo, yaa mɔ̨ɔ̨ gbɛla bələi?

Azaya 64:1

Yɛ nwɔ̨n gaa lɔwɔ kələn ɉi, yɛ nwɔ̨n a kɛli yáɠaa nɛ̨n, əgɛ ə́ yowoɠaa di pɛli ə́ laa kɔ́lɔn ɉi, lɔiɠaa hu a pu kɛ diɛ ə́ tɔwɔ.

Azaya 8:19

Akɛtii da kɛ kaa: «'Ka ɲɔ̨muątaa tɔlukpɛnuą mąąni kɛ, 'ka tɔlukpɛnuą, ɲɛ̨ąkpɛnuą, da kpɛɛn bili nuą di mąąni kɛ, akɛ tii, mąą hvo nɛ̨ɛ̨li nuą diɛ di wɔ haliɠaa mąąni kɛ, ɛlɛɛ, diɛ ɲɔ̨muą hvɛli nu hulúɠaa mąą mɛ̨nį ɓa?»

Ɉeremi 4:22

A tɛ̨ą, nwɔ́ nuąi kili hvo di kwəi! Di hvo kpɛli gɔ́lɔn. Di hva mɛ̨nį kpaɠala kaa. Di yɛlɛɛi mɛ̨nį ɲɔ̨n gɛi, di hva pɛli nɛlɛɛ kɛi.

Ɉeremi 5:1

Ka tɛɛ Ɉerusalɛmə gwəliɠaa pɔ, ka naa mąąkpɛɛ, ka gaa, ka ka ɲɛ̨i laa gwəli lɔwaiɠaa ɓa, akɛ ka káá pai nu tɔ̨nɔ̨ kpɛli kaai, a nu tɔ̨nɔ̨ kpɛli, yii ɲee hvo túwɔ́ pələ ɲɔ̨n ɉu; dələnmoɔ, yɛ tɛ̨ą kwɛli; akɛ tii ŋį́ daa ŋɛ̨i mąą hvaalɛɛ.

Woolaa 3:50

Gáá ɓɛ gɛ́ nąą mąąkpɔn, ə lɛɛ ɉu Yai-Laa ə lɛɛ yələi ə nwun mąąlaŋąn mą́ą́.

Danîa 12:10

Ŋaatɛ mɛ̨nį ɓə pai nu tamąą mąąhəɠəi ə di waa, di kwələ. Nuą yiiɠaai di túwɔ́ pələ ɲɔ̨nwɔ̨ɔ̨, di kaa pai kɛi túwɔ́i lɔ a ɲɔ̨nwɔ̨ɔ̨, di hvo pai pɛli ŋąą kaai. Kɛlaa, nuąi a nwun gɛ ɉu nuą diɛ ɓə pai mɛ̨nįɠaai tii ŋąą kaai.

Maafîu 13:15

Mąąhɔlɔɓo, nuą ŋɛ̨i kili aa walawala, di wəlii aa kpɔlɔ, daa di ɲɛ̨i laakpulu, əgɛ, di hvo pa kɛɛ mąą kpɛɛ, di wəli hvo mɛ̨nį mɛ̨n, di kilaa hvo pa pono, di hvo pa tinɛ̨n di hvo kpəla mɛ̨nį ɲɔ̨n mą, və́ pa di kɔ́lɔi pono.›

Lomaŋ 3:11

Kili hvo nui lɔpee ta ɓa, nu ta lɔpee hvo Yálá kwɛlii.

Hebreu 11:6

Yaan, a kɛ laa na laa hvəə, nui lɔpee ta hva pɛli Yálá liihon ɉi; mąąhɔlɔɓo, nui a kɛ mąąlɛɠɛi Yálá ɓa, mąąnɛ̨ɛ̨ ə laa na yɛ, Yálá kaa laa, ɛlɛɛ, nuą da gwɛli, a di hvɛla kulɔ.