Mąątɛ̨nɛ̨ 139:21 - Yálá laawoo hɛɓɛ (dc)

²¹ Yai-Laa! Akɛtii, nuąi da wɛlikpɛɛmąąlaa kulɔ a yɛ́, vá mɔ̨ɔ̨ pɛli wɛlikpɛɛmąąlaa kulɔi a diɛ? Nuąi da kɛ kɔ́ pɛlɛi yɛ́, ŋį́ di hviiɓo?

Yálá laawoo hɛɓɛ

²¹ Yai-Laa! Akɛtii, nuąi da wɛlikpɛɛmąąlaa kulɔ a yɛ́, vá mɔ̨ɔ̨ pɛli wɛlikpɛɛmąąlaa kulɔi a diɛ? Nuąi da kɛ kɔ́ pɛlɛi yɛ́, ŋį́ di hviiɓo?

Bible

²¹ Óo Yâwɛɛ, diai íƃɛlɛ kpɛɛ̂i dí koi, díƃɛlɛ kpɛɛ̂i ŋ́goi. Diai dítɔɔ̂i yái, díƃɛlɛ fé ŋ́goi.

Mąątɛ̨nɛ̨ 139:21 ပူးပေါင်းရင်းမြစ်များ

Kɔlɔnikɔ Veerɛi 19:2

Gwɛlɛɛn gɛɛ kaamun Ɉehu a Hanani lon, ə kulɔ yɛ li Ɉosafatə laakwiɛn ɉii, ə li yɛ mą: «Akɛtii nu ɲɔ̨nwɔ̨ɔ̨ɠaa ɓə yá kpɔnmąą tɛɛ di pɔ, ɛlɛɛ, Yai-Laa ɲowoɠaa ɓə yá di wɛlila kɛ? Yili mąą mɛ̨nį ɓa, Yai-Laa nwɔ liiholii kaa pai ɓɛlai ə́ mɛ̨i.

Mąątɛ̨nɛ̨ 119:136

Ɲɛ̨́iyá kpɔ kpɔɔ kaa tooi mą́ą́, mąąhɔlɔɓo, di hvo ə́ wɔ tɔn nwooi pɔ yíiɓoi.

Mąątɛ̨nɛ̨ 119:158

Ŋą́ hvulunuą kaa, da ɓaɠi lii tɛ a ɲą́ą́, mąąhɔlɔɓo, mɛ̨nįɠaai ə́ mo di hvo bɔ mɛ̨nį kɛi.

Mąątɛ̨nɛ̨ 15:4

Ɲɛ̨i mu, mąąnɛ̨ɛ̨ di tɛɠɛɓo nɛ̨ŋɛ̨n ɉəɠəmun ɉu. Kɛlaa, nuąi da ɲɔw Yai-Laa ɓa, a di mąąwiɛ, ə mą kɛ, aa gwɛla a ɲee lɛɛ pələ ɉu, hva nwoo lɛɛ.

Mąątɛ̨nɛ̨ 26:5

Mɛ̨nį ɲɔ̨n gɛ nuą di wɔ kpɔn, mɛlɛ hvo gwə́i, Və́ gɛ və́ hee nu ɲɔ̨wɔ̨ɔ̨ɠaa lɔwai.

Mąątɛ̨nɛ̨ 31:6

Gáá nį́i lɛɛi ə́ yəi, yáá nwún mąąɓo, Yai-Laa yɛ́i a tɛ̨ą Yálá.

Ɉeremi 13:17

Ka wala ka wəli tɔɔ niɛwoo ŋɛ̨i ɓa, gáá pai mąąwɛli hee ɓoi honwon ɉu, gbɔwɔ ɲąą kɛnɛ̨ taaləi tii mąą mɛ̨nį ɓaa, gɛ́ wɔlɔ, ɲɛ̨́i ya yɛ laa a yalon. Mąąhɔlɔɓo, Yai-Laa nwɔ kpului kaa lii luwɔlaa hu.

Markə 3:5

Jesus ə di kaa, níí ə holi di wɔ kiliŋąhiɛ ɲɔ̨nwɔ tii kɛ di diɛ mąą mɛ̨nį ɓa. Ə nɛ̨ɛ̨mą, ə mo ɉulɔnu tii ɓa yɛ mą: «Ə yee haŋą.» Ɉulɔnui tii ə́ ɲee haŋą, ɲee ŋąą ə́ pɛli.

Lukə 19:41

Jesus ə lɛɠɛɛ kɛa Ɉerusalɛmə taa ɓa, ə ɲɛ̨i hee daa ɓa, ə wɔlɔ, yɛ mą:

M̀ɛni-lɛɛi 2:2

Ŋą́ ə́ kɛ-mɛ̨nįɠaa kəlee kɔ́lɔn, yɛ́ kóló kɛ pələ, da ə́ hvaŋąlɔ pələ, ɛlɛɛ, hvá pɛli nwąnąlɔ nuą heei kulɔi. Nuąi da di kpɔwɔ kɛ a kɛlaɠaa, yaan di hvo la, yáá di mąąkpɛɛ, ɛlɛɛ yaan, di hvo kpɔ la, ɛlɛɛ yáá di kaa kpɔ tii a lɛɛ nuą.

M̀ɛni-lɛɛi 2:6

Kɛlaa, ə mą kɛ tii, mɛ̨nį lɛlɛɛɠaai ə́ yee pɔ, diɛ ka: Bələi lɔ Nikolasə kalan gɛ nuą wɛlikpɛɛi la ɲą́ą́ gbínįi mą́ą́, bələ lɔ ɓə di wɛlikpɛɛi la yɛ́.